حان الوقت لتغير مفهومنا عن الصيني

**zizomizo** · 25-07-2010 11:40 PM

أعزائي أعضاء المنتدى الكرام لقد كان لكم الفضل بعد الله تعالى في تغير مفهومي ونظرتي للسيارة الصيني
نعم هذا حقيقي ليس كل الصيني سيئ ولا ننكر ان السيئ أكثر سمعة وملء السمع والبصر في كل الوسائل
المقرؤه والمسموعة والجيد ليس له الشهرة ولا السمعة الكافية لتغير مفهومنا
من يومين أخذت قرار شراء سيارة تواعدت مع أخوتي الأكبر مني سنا وخبرة للنزول لبعض الصالات لرؤية بعض السيارات
في حدود المبلغ المتاح وكان القرار قبل النزول لانوس يا فيرنا يا هنضغط شوية ونجيب أفيو وأخيرا f3 مفيش حد من أخوتي يعرف عنها حاجه بس أنا عارف من المنتدى كل حاجة المهم نزلنا المصرية في جرين بلازا وقلبنا في العربيات يمين وشمال وكبوت وفوق وتحت وكل حاجة مفيش حاجة عجبتني خالص فقولتلهم نبص على f3 وفقوا على مضض من باب مش عايزين نزعلك المهم رحنا المعرض في الكيلوا 26 طريق مصر أسكندرية الصحراوي وبدون زيادة ولا نقصان طريقة كلامهم أختلفت بعد التقليب في العربية ودخلنا مركز الصيانة وقبلنا واحد شريها شكر فيه جدا وفي أقل من خمس دقايق كانوا أقتنعوا بالعربية وفعلا رحت النهاردة حجزتها أخيرا ربنا يهدي الجميع للقرار الصائب وأن شاء الله هتابع معاكوا الموضع من أول الأستلام بالمتابعة أول بأول ..........وأكرر شكرا لكم لتعريفنا بالجميلة f3

**ozama22** · 26-07-2010 12:50 AM

المشاركة الأصلية كتبت بواسطة zizomizo

أعزائي أعضاء المنتدى الكرام لقد كان لكم الفضل بعد الله تعالى في تغير مفهومي ونظرتي للسيارة الصيني
نعم هذا حقيقي ليس كل الصيني سيئ ولا ننكر ان السيئ أكثر سمعة وملء السمع والبصر في كل الوسائل
المقرؤه والمسموعة والجيد ليس له الشهرة ولا السمعة الكافية لتغير مفهومنا
من يومين أخذت قرار شراء سيارة تواعدت مع أخوتي الأكبر مني سنا وخبرة للنزول لبعض الصالات لرؤية بعض السيارات
في حدود المبلغ المتاح وكان القرار قبل النزول لانوس يا فيرنا يا هنضغط شوية ونجيب أفيو وأخيرا f3 مفيش حد من أخوتي يعرف عنها حاجه بس أنا عارف من المنتدى كل حاجة المهم نزلنا المصرية في جرين بلازا وقلبنا في العربيات يمين وشمال وكبوت وفوق وتحت وكل حاجة مفيش حاجة عجبتني خالص فقولتلهم نبص على f3 وفقوا على مضض من باب مش عايزين نزعلك المهم رحنا المعرض في الكيلوا 26 طريق مصر أسكندرية الصحراوي وبدون زيادة ولا نقصان طريقة كلامهم أختلفت بعد التقليب في العربية ودخلنا مركز الصيانة وقبلنا واحد شريها شكر فيه جدا وفي أقل من خمس دقايق كانوا أقتنعوا بالعربية وفعلا رحت النهاردة حجزتها أخيرا ربنا يهدي الجميع للقرار الصائب وأن شاء الله هتابع معاكوا الموضع من أول الأستلام بالمتابعة أول بأول ..........وأكرر شكرا لكم لتعريفنا بالجميلة f3

الف مبروك وربنا يبارك لك فيها واحنا في انتظار تقريرك

**zizomizo** · 26-07-2010 08:52 AM

المشاركة الأصلية كتبت بواسطة ozama22

الف مبروك وربنا يبارك لك فيها واحنا في انتظار تقريرك

ربنا يبارك في حضرتك والتقرير بعد الأستلام أن شاء الله

**ابو ياسمين** · 26-07-2010 11:27 AM

ألف مليون مبروك .. والحمد لله الذى هداك إلى مافية الخير والبركة . أن شاء الله .

**sv065** · 26-07-2010 07:06 PM

ألف مبروووووك مقدما للسيد الفاضل zizomizo علي إختياره الموفق بإذت الله

**zizomizo** · 26-07-2010 11:18 PM

شكرا يا جماعة على تمنياتكوا الطيبة وربنا يبارك أن شاء الله

**zizomizo** · 01-08-2010 12:07 PM

طبعا كان نفسي سعادتي تكمل بس على رأي المثل الحلو مايكملش
تخيلوا ياجماعة العربية الأف 3 معايا من أسبوع ومن يومها وهي منورة في الجراج مبتخرجش
عارفين ليه عشان مترخصتش لحد دلوقتي تخيل شركة كبيرة في حجم الأمل وبتعمل سيارة
جميلة زي دي ويبقى عندهم ورق ناقص ومش عارفين يرخصوا العربيات حاجة تكسف طبعا
أنا أستلمت العربية بعد الحجز بـ 48 ساعة شئ جميل طبعا وطلع معايا مندوب من الشركة للمرور
للترخيص وبعد مخلصنا تقريبا 75% من الإجراءات فوجئنا على الشباك بتقول السجل الصناعي أنتهى
يوم 2010/07/20 ولازم طبعا يرحلهم عن طريق المرور الرئيسي في القاهرة يعني مينفعش حد يسلمه
باليد والأغرب من كده أن السجل أتعمل يوم 2010/07/08 طيب مرحش ليه طبعا عشان مفيش حد متابع
بصراحة حاجة تضايق وربنا يصبرني انا لحد دلوقتي ماشي معاهم بالهداوة وبقول في قرارة نفسي ده خير
بس أكيد أكيد للصبر حدود.

**ehabpopo** · 01-08-2010 12:59 PM

الف مبروك يا zizo على العربية وربنا يكفيك شرها ويعطيك خيرها ... وما تزهقش وما تملش .. ما انت عارف انك فى مصر ... وكلة يهون علشان خاطر الجميلة byd ... والف مبروك مرة اخرى

**zizomizo** · 01-08-2010 01:46 PM

المشاركة الأصلية كتبت بواسطة ehabpopo

الف مبروك يا zizo على العربية وربنا يكفيك شرها ويعطيك خيرها ... وما تزهقش وما تملش .. ما انت عارف انك فى مصر ... وكلة يهون علشان خاطر الجميلة byd ... والف مبروك مرة اخرى

ربنا يخليك ويبارك فيك يا بوب وفعلا كله يهون عشان أجمل عيون، عيون الـ byd طبعا.