-
ركبت معدية النيل قبل كده ؟ تعالى نركبها مع بعض
بعد رحلة العذاب في قطر الصعيد , لازم نطلع رحلة نيلية جميلة نهدي أعصابنا فيها ...
اليكم بعض صور الجمال الرباني من النيل و معدية النيل في مركز سمالوط محافظة المنيا
و المنطقة دي أشهر منطقة في العالم ( بجد مش مبالغة ) في الحجر الجيري عالي النقاء و بيتم تصديره لكثير من دول العالم من هناك
اليكم الصور من شط النيل :
-
منطقه رائعه الجمال
وعموما المنيا فيها اجمل منظر للنيل والجزر
زى بنى حسن وبنى هلال وتونه الجبل
-
-
البلد اللى على الشط التانى دى بلدى
والارض اللى على النيل مباشرة دى ارضنا على الشط التانى
والبلد اللى بتستخرج منها الحجر الجيرى (الطوب الابيض ) بلدى
بلدى محصورة بين النيل والجبل الشرقى
المنيا أجمل مدينة مصرية ممكن تروحها وتشوف جمال كورنيشها وتحدى
بلدى ولو شغلت بالخلد عنها ...................
لنازعتنى إليها فى الخلد نفسى ...............
م.عصام مهنى
-
أنا جربت الرحلة النيلية من الأقصر لاسوان فعلا خطيرة
و نفسى اكررها تانى بس من القاهرة لاسوان بقى عشان تبقى المتعة أكبر
و نعدى على المنيا بالمرة عروس الصعيد و أجمل محافظاته هى و أسوان
سبحان الله بلدنا كلها حلوة قوى
كل محافظة أو مدينة أو قرية فيها لها صورة مختلفة من الجمال
وكل مكان و فيه ثرواته المختلفة والمتعددة
ربنا يحفظك يا بلدنا و يقدرنا نشكر نعمته فيكى و نصونك
-
اقتباس:
المشاركة الأصلية كتبت بواسطة midomahany
البلد اللى على الشط التانى دى بلدى
والارض اللى على النيل مباشرة دى ارضنا على الشط التانى
والبلد اللى بتستخرج منها الحجر الجيرى (الطوب الابيض ) بلدى
بلدى محصورة بين النيل والجبل الشرقى
المنيا أجمل مدينة مصرية ممكن تروحها وتشوف جمال كورنيشها وتحدى
بلدى ولو شغلت بالخلد عنها ...................
لنازعتنى إليها فى الخلد نفسى ...............
م.عصام مهنى
هندسة الحقني ب 500 متر على الشط في بني خالد الله يخليك
و من جولاتي في مصر اقدر اقول ان كل محافظة غير التانية خالص في نظام الحياة و أساليب البناء و طرق المعيشة حتى كمان نوعيات و طرق الطبخ مختلفة
-
يا باشا الارض كلها تحت أمرك
بس مش فى بنى خالد
بنى خالد مفيهاش ارض زراعية على النيل
احنا بقى بعد بنى خالد
بعد مصنع الاسمنت الابيض مباشرة
ان شاء الله هاخد حتة من الارض عندنا وهاعملها فيلا صغيرة على النيل
دى كفاية انك تشم هواء نظيف وتقعد تحت الشجر وتشوف النيل
انا هنزلك صور من بلدنا والارض وانت تحكم .......
م.عصام مهنى
-
اقتباس:
المشاركة الأصلية كتبت بواسطة midomahany
يا باشا الارض كلها تحت أمرك
بس مش فى بنى خالد
بنى خالد مفيهاش ارض زراعية على النيل
احنا بقى بعد بنى خالد
بعد مصنع الاسمنت الابيض مباشرة
ان شاء الله هاخد حتة من الارض عندنا وهاعملها فيلا صغيرة على النيل
دى كفاية انك تشم هواء نظيف وتقعد تحت الشجر وتشوف النيل
انا هنزلك صور من بلدنا والارض وانت تحكم .......
م.عصام مهنى
ربنا يخليك
انا عايز حتة صغيره على المية على طول عشان ابني عليها بيت صغير و مرسى للنش ولا مركب صغيرة عشان العيال تبلبط بدال المصيف اسبوع في السنة يصيفوا طول الاجازة و قريب من شغلي جدا
-
صورت المعدية و النيل بالليل بس مش باين حاجة للأسف
-
معلهش يا باشا
انا نازل البلد اول رمضان
هصورك كل حاجة وهنزلها
إن شاء الله
-
اقتباس:
المشاركة الأصلية كتبت بواسطة midomahany
معلهش يا باشا
انا نازل البلد اول رمضان
هصورك كل حاجة وهنزلها
إن شاء الله
تيجي بالسلامة
و أنا كده هعزم نفسي على الشاي عندك بعد التراويح بس بشرط نشربه على حطب على الشط
ويبقى لقاء لأعضاء نايل موتورز من مطاي و سمالوط
-
يا باشا انت تشرف انت وكل اعضاء نايل موتورز
بس مش شاى بس
كنافة وقطايف وفطار كمان قبل كل دا
شرف كبير لينا
كل عام انتم بخير
-
اقتباس:
المشاركة الأصلية كتبت بواسطة midomahany
يا باشا انت تشرف انت وكل اعضاء نايل موتورز
بس مش شاى بس
كنافة وقطايف وفطار كمان قبل كل دا
شرف كبير لينا
كل عام انتم بخير
كل سنة و انت طيب
هتكون موجود امتى في بني خالد عشان نتقابل ان شاء الله ؟
-
اقتباس:
المشاركة الأصلية كتبت بواسطة mazagangee
كل سنة و انت طيب
هتكون موجود امتى في بني خالد عشان نتقابل ان شاء الله ؟
انا كنت مسافر من يوم الاربعاء أول يوم رمضان ومشفتش المشاركة دى غير دلوقتى
يا راجل دا لسة راجع النهارة من البلد
خيرها فى غيرها
وكل سنة وانت طيب ورمضان كريم
-
كان يوم عيد بالنسبة لي وانا صغيرة لو رايحين مشوار من البلد وهنعدي بالمركب او زي ما اهل البلد كانوا بيسموها صندر او صندل مش عارفة
واحيانا كان السلك يتقطع والمركب تمشي مع مجرى المية لحد ما ربنا يسهل ويعرفوا يرجعوها كنت ببقه متمنية ابقى فيها
بس طبعا لو اتقطعت بالليل منتهى الرعب
من حوالي 5 سنين عملوا كوبري
-
اقتباس:
المشاركة الأصلية كتبت بواسطة midomahany
انا كنت مسافر من يوم الاربعاء أول يوم رمضان ومشفتش المشاركة دى غير دلوقتى
يا راجل دا لسة راجع النهارة من البلد
خيرها فى غيرها
وكل سنة وانت طيب ورمضان كريم
وانت طيب ....
لما تكون موجود ان شاء الله نبقى نتقابل ...
-
اقتباس:
المشاركة الأصلية كتبت بواسطة نور القمر
كان يوم عيد بالنسبة لي وانا صغيرة لو رايحين مشوار من البلد وهنعدي بالمركب او زي ما اهل البلد كانوا بيسموها صندر او صندل مش عارفة
واحيانا كان السلك يتقطع والمركب تمشي مع مجرى المية لحد ما ربنا يسهل ويعرفوا يرجعوها كنت ببقه متمنية ابقى فيها
بس طبعا لو اتقطعت بالليل منتهى الرعب
من حوالي 5 سنين عملوا كوبري
بعد الصندل عملوا المعدية بتشيل ناس وعربيات
انا ساعات باخد كوبرى المنيا بس بارجع تانى لحد سمالوط واطلع الطريق الصحراوى الغربى
او بركب المعدية من البلد ودى بتقصر المسافة يعنى الواحد يطلع من المعدية على البر التانى على الطريق الصحراوى الغربىعلى طول بس ما احلى ركوب المعدية بعد صلاة الفجر ومنظر النيل والشروق ونسايم الهواء ممتع جدا .
والاحلى انك تفطر اول ايام رمضان فى البلد وسط العيلة متعة تانية والاولاد بتبقى مبسوطة وفرحانة باللمة
كل سنة وانتم طيبين
-
شكراً يا باشا على التقرير الجميل ده
