عرض للطباعة
النهارده لاحظت بعد مافولت ان العربيه استهلكت حوالي 31لتر في 275كم فهل ده معدل طبيعي داخل القاهره في الزحمه مع اني مابشغلش التكيف مع ملاحظه ان العربيه كمان لسه زيرو حوالي شهرين 000
افيدوني افادكم الله انا سمعت من ناس هنا معدلات غير كده بس علي الفيرنا1500
ولكم جزيل الشكر يأاخواني
وازاي احسب معدل استهلاكي اقسم عدد الكم المقطوعه علي عدد اللترات اللي تفولت ولا ايه بالظبط
حيران ومستني اي رد
انت بتعمل حوالى 8.8 كيلو فى اللتر و دة عادى فى الزحام الوهمى لمصر
على الطرق المفتوحة... الدائرى مثلا مع مشى فى حدود 90 كيلو فى الساعة حيبقى المعدل 10.8 كيلو لكل لتر
MMamdouh
الف شكر ليك يا امبراطور اللانوس مع ان الكتالوج بيقول 6.8/90كم
كلام الكتالوج ده لا ينطبق بشكل عملي على الاستهلاك الفعلي
أولا .... تتم تجربة السيارات في ظروف تشغيل مختلفة و على طرق مختلفة و أيضا طقس مختلف
يعني لو الهواء ضدك غير لما يكون معاك
لما تكون السرعة ثابتة غير لما تكون متغيرة
لما تكون محمل العربية اي حاجة ... غير لما تكون فاضية
نوعية الطريق الذي تسير عليه السيارة ... طريق ناعم ... طريق خشن
نوعية الوقود المستخدم
عوامل كثيرة تؤثر في استهلاك البنزين
و المعدل بتاع حضرتك طبيعي في زحام جمهورية العك العربية
و المقياس الحقيقي على الطرق المفتوحة
فعلا أنا دة أستهلاكى حوالى 180 كيلو فى الصفيحة جوة البلد
معروف عن اللانوس إنها بتاكل بنزين زيادة عن الهيونداى اكسنت و اكسيل و فيرنا و أنا شايف إن كدة معدل معقول خاصة داخل البلد و المقياس الحقيقى لإستهلاك البنزين فى المشاوير الطوالى كالسفر و ميكونش فية حمولة زيادة بالسيارة
اما عن الاستهلاك فى السفر فبتعمل 260ك فى الصفيحة ماشى 100ك/ساعة يعنى زى المرور ما بيقول
خلى بالك كمان ان قياس الأستهلاك لازم يكون دقيق، يعنى ممكن عامل البنزينة يملالك التانك على الأخر فيفرق فى حسبتك 2 - 3 لتر وواحد تانى يشيل اول ما الطرمبة تفصل، يبقى علشان تقيس صح تقف على ايده فى المرتين
:eek::eek::eek:
العربية عندى بلاعة بقاااا
العربية بتعمل من 150 الى 170 على الطريق سرعة 80 ل90
ولما روحت قولتلهم فى التوكيل قالولى عادى
العربية بتعمل 170 الى 180 على الطريق فى الصفيحة
المعدل العادى :confused:
طيب يا جماعة ايه المشاكل اللى ممكن تكون فى العربية اللى تخلى الاستهلاك
يكون زيادة كده
فول العربية وخد قراءة العداد و بعد ما تمشي كام يوم في وسط البلد مثلا فول العربية تاني وخد القراءة الجديدة للعداد واقسم فرق القراءتين علي عدد اللترات اللي فولتها في المرة الاخيرة واضرب الناتج × 20 يطلعلك استهلاك العربية بالكيلو متر / صفيحةاقتباس:
المشاركة الأصلية كتبت بواسطة mohamed sedek
عشان النتيجة تبقي دقيقة حاول تخلي التفويل من نفس المحطة ولو ممكن من نفس الخرطوم وتتوقف عن التفويل لما الخرطوم بتاع المحطة يفصل اتوماتك وما تخليش العامل يزود بعد كدة .. وتعمل كدة في المرتين .. او تملأ التانك علي الآخر تماما في المرتين .. يعني لازم التفويلتين يكونو زي بعض
ولو علي طريق طوالي اعمل كدة في اول الطريق وفي آخره عشان المعدل يكون للطريق الطوالي بس من غير المشي في البلد لأن الاستهلاك مختلف تماما في الحالتين
وبعدين تسأل الاستاذ محمد ممدوح هل الاستهلاك ده طبيعي والا كتير
طب يا جماعة أنا عربيتى جوليت بتعمل 175 فى الصفيحة جوة البلد دة كويس ولا أية ؟
عربيتى 2007 استهلاكها كالأتى:
- فى زحام القاهرة بالتكيف 160 كم فى الصفيحة
- فى زحام القاهرة بدون تكيف 180 كم فى الصفيحة
- داخل المدينه فى شرم الشيخ (طرق سالكة) بالتكيف 200 فى الصفيحة
- داخل المدينة فى شرم الشيخ بدون تكيف 220 فى الصفيحة
- طريق سفر (سرعة 120 كم/ساعة) بالتكيف 250 فى الصفيحة
- طريق سفر بدون تكيف 280 كم فى الصفيحة