محتاج رأي اهل الخبرة ضروري... ال idler فيه عفريت!!

مساء الخير يا رجالة..
عندي مشكلة بقالها فترة و محتاج بعض الاستشارات قبل ما اعك :)
الRPM بتاع الموتور زمان مكنش مزبوط وكان بيعد يطلع وينزل وانا ماشي، طبعا ده من ال idler.. غيرته والمشكلة الحمدلله اتحلت...
لحد فترة قريبة لقيت العربية لما اهدي واجي اقف في اشارة مثلا ، الRPm يوطى جدا و العربية تترجرج كانها هتبطل و طبعا الدركسيون يتقل، ثانيتين كدا و يرفع تاني للمعدل الطبيعي!!
المشكلة دي جننتني، و قلنا برضه من ال IDLER.. سألت عليه جديد لقيته ب 1800 غير الضريبة في منصور.. المهم استغليته و قعدت شهر مستني لحد لما والدي سافر لندن و خليتو يجبهولي معاه من هناك،
جابلي ال GM الاصلي و made in germany و حركات، قلت بس هحطه و انسااااا :)
وفعلا ركبته و جبتله جوان جديد و نضفت البوابة ، ومشيت... و برضه المشكلة زي ماهيا:majd(4):
دلوقتي مش عارف اعمل ايه او ده احتمال يكون ايه خصوصا ان لمبة الENGINE مش منورة ولا حاجة!!

و كمان دلوقتي لما اجي اقف احطها على ال N عشان متعملش كده ، وفعلا مبتعملش، لكن اول ما ارجع على ال D العربية تبطل خالص :(

هل ممكن الماف يعمل كده؟؟ ولا ايييييييييييييييييه؟؟؟؟؟؟ ؟؟؟؟؟؟؟؟؟؟؟

اقتباس:

---

المشاركة الأصلية كتبت بواسطة booda_eng

مساء الخير يا رجالة..
عندي مشكلة بقالها فترة و محتاج بعض الاستشارات قبل ما اعك :)
الrpm بتاع الموتور زمان مكنش مزبوط وكان بيعد يطلع وينزل وانا ماشي، طبعا ده من ال idler.. غيرته والمشكلة الحمدلله اتحلت...
لحد فترة قريبة لقيت العربية لما اهدي واجي اقف في اشارة مثلا ، الrpm يوطى جدا و العربية تترجرج كانها هتبطل و طبعا الدركسيون يتقل، ثانيتين كدا و يرفع تاني للمعدل الطبيعي!!
المشكلة دي جننتني، و قلنا برضه من ال idler.. سألت عليه جديد لقيته ب 1800 غير الضريبة في منصور.. المهم استغليته و قعدت شهر مستني لحد لما والدي سافر لندن و خليتو يجبهولي معاه من هناك،
جابلي ال gm الاصلي و made in germany و حركات، قلت بس هحطه و انسااااا :)
وفعلا ركبته و جبتله جوان جديد و نضفت البوابة ، ومشيت... و برضه المشكلة زي ماهيا:majd(4):
دلوقتي مش عارف اعمل ايه او ده احتمال يكون ايه خصوصا ان لمبة الengine مش منورة ولا حاجة!!

و كمان دلوقتي لما اجي اقف احطها على ال n عشان متعملش كده ، وفعلا مبتعملش، لكن اول ما ارجع على ال d العربية تبطل خالص :(

هل ممكن الماف يعمل كده؟؟ ولا ايييييييييييييييييه؟؟؟؟؟؟ ؟؟؟؟؟؟؟؟؟؟؟

---

استاذى بعد اذنك اكتب اسم العربيه اوبل ايه و موديل:3_3_102[1]: الصنع عشان الاعضاء تقدر تفيدك اكتر

بص يا سيدى انا كان عندى نفس المشكلة دى والحمد لله اتحلت كانت المشكلة فى
1.الايدل
2.الرشاشات
3.السلانسى(علبة تحديد كمية الهواء الداخل الى غرفة الاحتراق)
الحل
الايدل لازم يتغير وانت بتقول انك غيرتة
الرشاشات ودى ليها حلين ام ان تغايارها او توديها لمركز فى شارع شمبليون عندو جهاز يحط علية الرشاشات ويختبرها
السلانسى ودة عبارة عن بورضة حساس دى ممكن تجبها استيراد

العربية فيكترا بي موديل 2002 ، موتور الايكوتك 2000 سي سي
و السلانسيه ده شكله ايه ولا موجود فين؟؟

اعمل سكان ع العربيه افضل
بس احتمال كبير تكون مشكلة رشاشات

ممكن يكون عيب فى كهربة العربية بردوا
جرب منظف رشاشات كدا فى مشوار طويل مع حرق على العربية

عيب ماف بمنتهى الوضوح

الماف تعيش انت يا حاج ..

انا برجح موضوع الماف ده لسبب كمان، انا فصلت الفيشة بتاعته والعربية شغالة و كل الحصل ان اللمبة نورت في التابلوه، المفروض العربية تبرجل او الrpm يعلى او اي تغيير يحصل حتى لو العربية تتلخبط، لكن ولا الهوااا زي ما شيلته زي ما وصلته!!!
اظن ان ده مش طبيعي، ولا ايه؟؟

عموما انا شاكر للجميع مساعدته وان شاء الله على اول الشهر اروح اعملها سكان و واغيرلها المطلوب، وبالمناسبة سعر الماف كام؟ استيراد او جديد وايه الاحسن؟
ولو فيها تتقيل عليكوا ، طرمبة الباور و شداد سير الموتور يعملوا كام؟؟ عشان عايز اخلص الشغل دا كله مرة واحدة....

و ربنا ما يحرمناش من مساعدتكم :)

اقتباس:

---

المشاركة الأصلية كتبت بواسطة booda_eng

انا برجح موضوع الماف ده لسبب كمان، انا فصلت الفيشة بتاعته والعربية شغالة و كل الحصل ان اللمبة نورت في التابلوه، المفروض العربية تبرجل او الrpm يعلى او اي تغيير يحصل حتى لو العربية تتلخبط، لكن ولا الهوااا زي ما شيلته زي ما وصلته!!!
اظن ان ده مش طبيعي، ولا ايه؟؟

عموما انا شاكر للجميع مساعدته وان شاء الله على اول الشهر اروح اعملها سكان و واغيرلها المطلوب، وبالمناسبة سعر الماف كام؟ استيراد او جديد وايه الاحسن؟
ولو فيها تتقيل عليكوا ، طرمبة الباور و شداد سير الموتور يعملوا كام؟؟ عشان عايز اخلص الشغل دا كله مرة واحدة....

و ربنا ما يحرمناش من مساعدتكم :)

---

هو ده الفيصل.... التجربه ..كده اتاكدنا من الماف ,هو سعره جديد خيالي مش فاكره بالضبط انما ممكن تجيبه استيراد علي تجربه ب500 ج - طرمبه الباور ماعرفش سعرها - شداد السير جديد ب95 ج واي خدمه .

تسلم يا حاج ومنتحرمش

ماف البى ارخص من ماف الأيه بس برضوا سعره خرافى جديد
اخره استيراد زى ما قال فادى باشا 450-500 جنيه