-
رأيكم فى بيجو 106
انا معروض عليا عربية بيجو 106 موديل 94 على 21الف فعايز اعرف منكم كل حاجة عنها علشان دورت فى المنتدى ملقتش مواضيع عنها فياريت تجاوبونى بسرعة علشان العربية متروحش منى انا عايز اعرف اسعار قطع غيارها عالية ولا معقولة وبعدين سرعة اعادة البيع وشكرا مقدما بس يا ريت بسرعة تردوا عليا يا جماعة
-
العربيه عشان قليله جدا جدا في مصر اعاده بيعها بطئئة و قطع غيارها مش كلها متوفره بس لو تضوف حاجه تانيه يبقي افضل
اما هي كا عربيه محترمه
يعيبها سرعه اعاده البيع و قله قطع الغيار قله بمعني انك مش هتلاقيها عد 100 واحد مثلا من ال 100 دول ممكن تلاقي قطع غيارها عند 40 واخد بس
-
العربيه كانت معايا حوالي 5سنين وبالعكس كل قطع غيارها متوفرة لانها نفس قطع غيار الستروين ax وعربيه ممتازة وانا شخصيا ندمان اني بعتها و ثباتها رائع وشكلها حديث سواء من جوه او من بره وممكن يتسقط لها مواتير كتير وموفره في البنزين جدا العيب الوحيد اللي فيها انها ضيقه من جوه يعني ماتنفعش لعائله وحكايه بقي ان اعادة سعر البيع هو اصلا 21 يجيبو ايه بالعكس سعرها كويس ومش هتغلب لو جيت تبعها بس حاول تخلص 20 واهم حاجه اساسيتها تكون كويسه وموتورها وربنا يوفقك وعلي راي المثل اسأل مجرب
-
طيب متشكر اوى يا رجالة على ردودكم السريعة وافهم من كدة ان قطع غيارها مش غالية طمنتونى والحمد لله طيب بالنسبة لسواقتها هل هى ناعمة ولا لأ وكمان نظامها ايه فى السحب والشد وكدة علشان الحاجات دى مهمة بالنسبة لى
-
طيب سؤال كمان يا جماعة معلش تعزرونى بتقل عليك هو مين احسن البيجو 106 ولا205
-
هي من ناحية بتجري فهي بتجري كويس وسحبها حلو بس تختلف علي حسب موتورها 1100 ولا 1400 اللي كانت معايا كانت 1400 وسقطلها موتور 1600 كانت طبعا جباره وثباتها كان عالي جدا وكانت ناعمه برضو جدا لان كل البيجو كده من ناحية بقي هي احسن ولا ال205 انا عن نفسي طبعا شايف ان ال106 اجمل بكتير من ال205 لانها احدث ال205 من سنة 83 وشكلها ماتغيرش فاتحس انها قديمه حتي من جوه قديمه جدا انما ال106 شكلها احدث واشيك وتابلوها احسن بكتير بس ال205 تتميز عنها انها اوسع من جوه وقطع غيارها هتلاقيها اكتر والناس كلها حافظه اسمها لانها فعلا علمت علامه كبيرة جدا سواء في مصر او بره في الخارج وانت بقي قدامك حرية الاختيار وربنا يوفقك
-
طيب يا باشا شكرا على تعبك معايا بس هاتقل عليك شوية هو الى 205 فى رأيك تعمل كام اخرها وهى احسن ولا السيتروينax
-
ماهي الستروين الax هي نفسها ال106 وطبعا تتميز الستروين عن ال205 انها موديلها عالي وهتلاقي فيها كماليات تكييف وسنتر وزجاج كهرباء امامي وممكن تكون 1400 سي سي وموتورها هو نفسه اللي موجود في ال205 بس من سنه 90 لان ال205 قبل سنه 90 كان موتورها مقلوب وده طبعا كان مقرف جدا بس لو قدرت انك تشتري 205 موديل 90 فيما فوق اكيد هتبقي احسن من الستروين لانها اوسع وشكلها كمان احسن بس اهم حاجه الاساسيااااات تكون سليمه وربنا معاك
-
205 بعد موديل 89 حلوه الشكل اتغيير
106 حلوه و شكلها شيك و بتجري
الستروين مش محبوبه في مصر و مش هتعرف تبعها بسهوله
Content Relevant URLs by
vBSEO 3.6.0 PL2