ايه هية ارخص عربية زيرو فى مصر ؟؟؟؟ اعتقد انها السوزوكى ماروتى حانفترض ان الناس كلها اللى معندهاش عربيات حاتشترى ماروتى و ده شيئ سهل جدا و البركة فى البنوك ساعتها مش حاتبقى البلد زحمة ؟!!! دا حاتبقى اكتر من كده 3 مرات(ماتنسوش العربية الهندى النانو ممكن برضه تدخل فى اللعبة)
نيجى نبص للموضوع بتاع الجمارك :اولا الصناعة (التجميع المحلى ) واخد اعفاءات و مميزات كتيرة و بدء من اكتر من 10 سنيين و النتيجة ايه ؟؟ النتيجة عربية غالية و شكلها و حش و عمرها الافتراضى قصير و فيها عيوب برضه و لو فعلا الحكومة بتفكر فى مصلحة التجميع المحلى مكانش من المفروض انها تدخل عربيات صينى علشان العربيات الصينى بتنافس المحلى فى نفس الفئة السعرية مع وجود عامل الابهار فى الشكل و الكماليات و ان كانت الجودة لازالت محل تساؤل و شك كبير.
ثانيا الزحمة : من الكلام اللى انا قولته فوق كدا كدا الزحمة موجودة و جاية جاية و حاتزيد
يبيقى فى النهاية كل اللى بينادى بموضوع بقاء الجمارك على ماهو عليه بيلف فى حلقة مفرغة و بيبص تحت رجليه بس بمنظور ضيق و كان من الاولى للحكومة انها تستعمل مليارات الجمارك فى توسيع الطرق و زيادتها و تحسينها و لكن ازاى؟؟ الحرامية الغلابة ياكلوا منين ؟؟ و لو مش عارفين تعملوا حاجة بيعوا الطرق زى ما كل حاجة اتباعت و هاتوا شركات اجنبية تعمل طرق و تصلح الدنيا.
و اسف على الاطالة