إيه رأيكم نفكر بالعكس - فوائد الجمارك المرتفعة على السيارت!!

**wawoo** · 28-02-2008 02:53 PM

المشاركة الأصلية كتبت بواسطة tutankhamoun

أستاذ واو wawoo

البهاوات اللي مش عاجبين حاضرتك دول ..... جالهم أنهيار عصبي و تبذير شديد على مصاريف البنزين بسبب القيادة العشوائية في جمهورية العك العربية و عاصمتها القاهرة
يعني البهاوات اللي راكبين عربيات مش مستمتعين بيها و لا حاجة

يعنى حضرتك جالك انهيار عصبى و تبزير شديد على البنزين من مصاريف البنزين , امال الناس اللى مش لاقية حتى تمن تزكرة الاوتوبس جالهم اية , دة زمنهم ماتو بقى , اية يعنى عشان يوم ولا يومين كانت الدنيا زحمة جالك انهيار عصبى , انهيار عصبى مرة واحدة كدة .

احب اقولك فى ناس حتى مش قادرة تدفع تمن تزكرة الاتوبسى مش حقولك المترو حتى . و ياريت تكلم واحد فيهم و تشوف بيوصل شغلة ازى او بيحصلة اية فى المواصلات و الميكروباس دة اذا كان رجل اما لو كانت سيدة فربنا يتولها برحمتة فى المواصلات العامة .
جربة كدة تقف على محطة اتوبيس لمدة ساعة او اتنين لحد ما تيجى النمرة اللى انت عاوزها وتلاقى مكان تقف حتى و بعدين ابقى اتكلم عن الانهيار العصبى .
يظهر اننا من كتر النعمة اللى احنا فيها نسينا انها نعمة اساسا و نسينا ان ناس كتير محرومة منها و مش لاقية حتى ربعها .

اللى بكلمك عنهم دول مش واحد ولا اتنين دول تقريا اكتر من 80% من الشعب المصرى , يا ريت نفكر فى بعض اكتر من كدة ياريت نحس ببعض اكتر من كدة .
و بعدين انا زى مقولتلك انا مش ضد الجمارك انماا ضد المغالة الغير مبررة دى , و يا سيدى لو الجمارك دى بتتصرف على المواصلات العامة كنت قولتلك ماشى , انما شوف بتتصرف فين و بتروح فين و مين اللى بيسرق حتى الدقيق بتاع رغيف العيش المدعم .

و انا مش ضد ان اللى معاة يجيب عربية و اتنين كمان لو يحب بس , اللى دخلة على قدة برضو من حقة يركب عربية كويسة بمصاريف كويسة , يعنى زى ما انت راكب عربية كل واحد نفسة يركب عربية نفسة يكون محترم و هو بيتنقل من مكان لمكان , اظن دى رغبة طبيعية يعنى .

لو كانت الموصلات العامة جيدة مش حقول ممتازة حتى , كانت الناس باعت عربييتهم مش اشتريت عربيات ,
و انا شوفت فى المانيا ازى الناس بيستعملو الموصلات العامة فى كل تنقلاتهم , و دة عشان موصلات محترمة و بتوصلك لكل حتى فى البلد بكل سهولة , طيب حقولك على حاجة , محطات الاوتوبيس فى برلين مواعد الاتوبيس فيعا مكتوبة بالدقيقة , اة والله بالدقيقة و اللى سافر برلين يقولك ازى الاوتوبيس بيوصل فى المعاد اللى مكتوب بالدقيقة , و ما تسئلنيش بيعملوها ازى ........

**tutankhamoun** · 28-02-2008 06:54 PM

المشاركة الأصلية كتبت بواسطة wawoo

يعنى حضرتك جالك انهيار عصبى و تبزير شديد على البنزين من مصاريف البنزين , امال الناس اللى مش لاقية حتى تمن تزكرة الاوتوبس جالهم اية , دة زمنهم ماتو بقى , اية يعنى عشان يوم ولا يومين كانت الدنيا زحمة جالك انهيار عصبى , انهيار عصبى مرة واحدة كدة .

احب اقولك فى ناس حتى مش قادرة تدفع تمن تزكرة الاتوبسى مش حقولك المترو حتى . و ياريت تكلم واحد فيهم و تشوف بيوصل شغلة ازى او بيحصلة اية فى المواصلات و الميكروباس دة اذا كان رجل اما لو كانت سيدة فربنا يتولها برحمتة فى المواصلات العامة .
جربة كدة تقف على محطة اتوبيس لمدة ساعة او اتنين لحد ما تيجى النمرة اللى انت عاوزها وتلاقى مكان تقف حتى و بعدين ابقى اتكلم عن الانهيار العصبى .
يظهر اننا من كتر النعمة اللى احنا فيها نسينا انها نعمة اساسا و نسينا ان ناس كتير محرومة منها و مش لاقية حتى ربعها .

اللى بكلمك عنهم دول مش واحد ولا اتنين دول تقريا اكتر من 80% من الشعب المصرى , يا ريت نفكر فى بعض اكتر من كدة ياريت نحس ببعض اكتر من كدة .
و بعدين انا زى مقولتلك انا مش ضد الجمارك انماا ضد المغالة الغير مبررة دى , و يا سيدى لو الجمارك دى بتتصرف على المواصلات العامة كنت قولتلك ماشى , انما شوف بتتصرف فين و بتروح فين و مين اللى بيسرق حتى الدقيق بتاع رغيف العيش المدعم .

و انا مش ضد ان اللى معاة يجيب عربية و اتنين كمان لو يحب بس , اللى دخلة على قدة برضو من حقة يركب عربية كويسة بمصاريف كويسة , يعنى زى ما انت راكب عربية كل واحد نفسة يركب عربية نفسة يكون محترم و هو بيتنقل من مكان لمكان , اظن دى رغبة طبيعية يعنى .

لو كانت الموصلات العامة جيدة مش حقول ممتازة حتى , كانت الناس باعت عربييتهم مش اشتريت عربيات ,
و انا شوفت فى المانيا ازى الناس بيستعملو الموصلات العامة فى كل تنقلاتهم , و دة عشان موصلات محترمة و بتوصلك لكل حتى فى البلد بكل سهولة , طيب حقولك على حاجة , محطات الاوتوبيس فى برلين مواعد الاتوبيس فيعا مكتوبة بالدقيقة , اة والله بالدقيقة و اللى سافر برلين يقولك ازى الاوتوبيس بيوصل فى المعاد اللى مكتوب بالدقيقة , و ما تسئلنيش بيعملوها ازى ........

يا أستاذ واو
أنت داخل في شمال كدا ليه ؟؟؟؟؟؟؟؟ :)

:)
و الله أنا حاسس بالناس و أنا عارف أد أيه الناس بتعاني في المواصلات العامة في مصر هذا أولا
ثانيا .... بالنسبة لنعمة العربية ( الحمد لله على كل نعمه و منها العربية و ربنا يديم علينا نعمه يارب العالمين و يرزق كل الناس )
و بعدين حضرتك مسكت في جزء من تعليقي و تجاهلت جزء أخر
أنا قلت أنا أول واحد مستعد يتخلى عن سيارته و ده واقع عملي لأني لا أذهب بها إلى كل الأماكن
المهم ....
موضوع الجمارك أنا شرحت وجهه نظري بالتفصيل في المداخلات السابقة
أنا ضد استخدام السيارات الخاصة نظرا للتلوث الشديد و استهلاك الوقود العالي الذي هو أصلا مصدر ناضب أي ليس متجدد
و بعدين أوتوبيسات أوروبا اللي حضرتك بتتكلم عليهم أنا كنتر بركبهم لسنين طويلة من عمري لأني كنت عايش هناك و عارف أد أيه هما بيهتموا بالمواصلات العامة
و لكن هل تعلم لماذا يتركون سيارتهم و يستخدمون المواصلات العامة ؟؟؟؟؟؟؟؟؟؟
لغلو البنزين
ارتفاع مصاريف تشغيل السيارة مع رخص السيارة نفسها
لدخول أي مدينة رئيسية يجب أن تدفع مصاريف دخول للمدينة و أيضا ارتفاع قيمة الركن في تلك المدن
يعني من الأخر الحكومات بتاعتهم برضه هي اللي أجبرتهم على استخدام الموصلات العامة
و أرجوا أن تفهم مقصدي بدلا من الهجوم علي بهذا الشكل لأني و الله أفكر في هؤلاء الناس المطحونين لأن النعمة و العز من عند الله وحده و هو اللي بيعطي عباده و في لحظه ممكن تجد نفسك بدون هذه النعمة و كما أعطاك الله ..... ممكن يأخذه منك مرة أخرى
و شكرا

**wawoo** · 28-02-2008 07:45 PM

المشاركة الأصلية كتبت بواسطة tutankhamoun

يا أستاذ واو
أنت داخل في شمال كدا ليه ؟؟؟؟؟؟؟؟ :)

:)
و الله أنا حاسس بالناس و أنا عارف أد أيه الناس بتعاني في المواصلات العامة في مصر هذا أولا
ثانيا .... بالنسبة لنعمة العربية ( الحمد لله على كل نعمه و منها العربية و ربنا يديم علينا نعمه يارب العالمين و يرزق كل الناس )
و بعدين حضرتك مسكت في جزء من تعليقي و تجاهلت جزء أخر

يا توت باشا انا مش داخل شمال ولا حاجة , انا بس استفزتنى انهيار عصبى دى , عموما انا اقدر رايك فى الجزء التانى , و لكن اجمالا انا شايف ان الجمارك مرتفعة جدا بالنسبة لبلد زى مصر , و عارف ان فى زيادة العربيات ممكن تحصل مشاكل جديدة , بس المشاكل دى حلها مش عدد العربيات , كلها حاجة ممكن تتحل بشكل منطقى و يعنى احنا ممكن نشجع مثلا السيارات الصغيرة زى ما بتقول , و نشجع تصنعها و تجمعها , بس ما يكونش على حساب جودتها و متانتها .

و بالنسبة لسعر البنزين فى اروروبا انا عارف ان البنزين غالى عندهم بس مش غالى للدرجة اللى تخليهم يسيبو عربيتهم بدلليل ان معظم الاروبيين بيسفرو فى نهاية الاسبوع رحلات طويلة, و دخلهم يغطى اى سعر للبنزين عموما , هو سبب لكن مش السبب الاساسى , لكن مستوى المعيشة مختلف و مستوى الدخول مختلف .

فى برضو نقطة مهمة ان التوسعات العمرانية الجديدة ستة اكتوبر و القاهرة الجديدة و خلافة اصبحت شبة مستحيلة بدون سيارة , يعنى احنا عندنا مسحات كبيرة و فى توسعات كتيرة , لتنمية كل الاماكن دى محتاجين سيارات لان الموصلات العاملة حتكون صعبة فى المناطق دى .

فزيادة العربيات حتحصل حتحصل حتى لو عملت جمارك 300% , فيبقى الحل اننا ندور على حلول جديدة تستوعب الاعداد دى , لن مصر بلد نامى و محتاج وسائل تنقل تكون سريعة و مريحة عشان الانتاج يزيد , مافيش مفر من دة , و اكيد ارتفاع الجمارك مش واحد منهم .

**Ghamrawy** · 28-02-2008 09:38 PM

استاذ tutankhamoun انا عندى ليك عرض مغرى جدا انا حاشترى منك عربيتك الجين 2 بتمنها زيرو و حاديك بدلها نيسان او هيونداى سوناتا زيرو او اى تجميع محلى لا يزيد ثمنه عن 150000 بس من غير ضمان خالص :)ايه رائيك ؟؟
( على فكرة انا بهذر)

**tutankhamoun** · 29-02-2008 06:50 AM

المشاركة الأصلية كتبت بواسطة gemino

استاذ tutankhamoun انا عندى ليك عرض مغرى جدا انا حاشترى منك عربيتك الجين 2 بتمنها زيرو و حاديك بدلها نيسان او هيونداى سوناتا زيرو او اى تجميع محلى لا يزيد ثمنه عن 150000 بس من غير ضمان خالص :)ايه رائيك ؟؟
( على فكرة انا بهذر)

يا باشا العربية تحت أمرك من غير تبديل ...... و على رأي الحرنكش و البكش المصري ...... ده أحنا نزودهالك :D :D :D :D :D
بس أنت عربية حضرتك نوعها أيه ؟؟؟؟

**Ghamrawy** · 29-02-2008 10:45 PM

يا باشا تسلم :) انا كان معايا جيتز 2007 و بعتها بعد 8 شهور بس قبل ما تمشى كتير و اخسر فيها جامد بعتها يوم 12/2/2008 و دلوقتى صادرت عربية مراتى مستغل قانون الطوارئ و مش عارف اجيب ايه بس اعتقد انى حامشى نفسى ببولو 1000 سى سى لحد ما موضوع الجمارك ده يبانله صاحب علشان بصراحة انا حاسس ان فى حاجة حاتصل فى مدة ماتزدش عن سنة

**tutankhamoun** · 01-03-2008 07:20 AM

المشاركة الأصلية كتبت بواسطة gemino

يا باشا تسلم :) انا كان معايا جيتز 2007 و بعتها بعد 8 شهور بس قبل ما تمشى كتير و اخسر فيها جامد بعتها يوم 12/2/2008 و دلوقتى صادرت عربية مراتى مستغل قانون الطوارئ و مش عارف اجيب ايه بس اعتقد انى حامشى نفسى ببولو 1000 سى سى لحد ما موضوع الجمارك ده يبانله صاحب علشان بصراحة انا حاسس ان فى حاجة حاتصل فى مدة ماتزدش عن سنة

طيب كويس أنك بعتها من غير خسارة كبيرة و الحمد لله
و بعدين عند حضرتك اللي أحسن من البولو
البونتــــــــــــــــــو .... ممتازة جدا
و ربنا يسهل و الجمارك متنزلش لأن بجد البلد مش ناقصة خانقة
و الناس كلها مكلبشه في القاهرة و الأسكندرية و محدش عايز يروح أي حتة تانية و الحكومة و لا هي هنا
ربنا يرحمنا برحمته

**Ghamrawy** · 01-03-2008 02:36 PM

مش عارف ليه باحس ان البولو المستعمل ماسك نفسه عن البونتو المستعمل يمكن علشان فرق قوة الصاج الخارجى

**Mustang69** · 01-03-2008 04:11 PM

مبداء صح جدا فى الدول الصناعية بجد... و نكتة جامدة مووووووووت فى مصر

هو احنا عندنا صناعة؟؟؟

احنا اخرنا بنجمع و حتى التجميع مش فالحين فيه و فى الاخر المنتج المجمع محليا بيتباع بسعر المستورد.... يبقى فيه حاجة من اتنين:

اما التجميع برخص التراب و باقى السعر سرقة و بالتالى المستفيد هو صاحب المصنع فقط و المستهلك بيضيع حقة سواء جاب محلى او مستورد

و اما ان التجميع بيكلف اكتر من شراء المستورد و بالتالى التجميع استثمار غير مجدى و الحكومة بتحمية على الفاضى... زى كدة اللى مات اكلينيكيا و بيتفس بس بجهاز تنفس صناعى... مفيش منة رجا

اما قصة الشوارع و العربيات و الزحام دى نظرية غلط جدا و بتفكرنى بمسرحية تخاريف لمحمد صبحى لما عمل امنية التسلط

هوبا: الناس عاملة مظاهرات بيقولوا مش لاقيين العيش
الحاكم: اقبضوا على الفرانين
هوبا : الفرانين مخدوش دقيق يعملوا بيه عيش
الحاكم: اقبضوا على بتوع الدقيق
هوبا: بتوع الدقيق مخدوش قمح من الفلاحين
الحاكم: اقبضوا على الفلاحين
هوبا: كدة مش حنلاقى ناكل
الحاكم: اقبضوا على اللى مش حياكل

هى الحكومة بتعاقب اللى عايز يشترى عربية عشان البلد زحمة؟؟؟؟ هو الزحام مشكلة صاحب العربية ولا مشكلة الحكومة؟؟؟... يا ريت منخلطش الامور و نبص على السبب الاساسى للمشكلة و طرق الحل بدل ما نكبر الg وخلاص

بيفكرنى الموضوع دة بقصة وقف تراخيص التاكسى... بدل ما التكاسى تقل سعرها زاد فى البيع و الشراء و بقى التاكسى المستعمل اغلى من الملاكى المستعمل... الحكومة بتاخد قرارات غير مدروسة بالمرة و نتائجها غالبا بتبقى عكسية

اما زيادة الموارد فا دى نكتة الموسم بجد... هى مصر بلد فقيرة؟؟ اللى حيقول اه يبقى مش عايش فى مصر... احنا عندنا موارد بالعبيط و بالرغم من كدة بنفرض ضرائب على كل حاجة فى الدنيا و دمغات و حبشتكنات والخ الخ... شوف الضرائب اللى على الاجور و ضرائب المبيعات و الجديد الضريبة العقارية و بعد كل دة تلاقي بيقولك زيادة موارد... هى المشكلة فى نقص الموارد ولا سرقة الموارد؟؟

برضة الحكومة بتبص غلط... "الموارد قليلة نزودها"... يا سادة الموارد مش قليلة ولكنها بتتسرق... امنع السرقة و حاسب اللى بيسرقوا الدنيا حتتظبط... زى من كام اسبوع قريت فى الجرنان ان الحكومة بتبحث معالجة اسباب الغلاء فى الاسعال و على قمة الحلول زيادة الاجور... يا اولاد الناصحة ما الاجور لما تزيد و المشكلة موجودة الاسعار حتزيد تانى... ابحث عن سبب الزيادة و حلة بدل ما تدى الناس قرشين يفرحوا بيهم اسبوع و بعد كدة يغنى ظلموه من تانى

الحكومة تبحث عن الجباية قبل مصلحة المواطن فا محدش يقول الجمارك حماية و الكلام الفاضى دة لان احنا معندناش حاجة عشان نحميها... لما نبقى نصنع و بقول نصنع عربيات نبقى نعمل جمرك على المستورد زى امريكا

ولما نطبق القانون على الكل و ميبقاش فيه سرقة الموارد حتزيد و مش حنحتاج نالف اى مصدر دخل زى الدمغة و طوابع الشرطة و انواع التسول المختلفة اللى بتعملها الحكومة

و يا ريت كفايه كدة عشان حتحبس

+10000000000000000

**hamedo0** · 01-03-2008 04:37 PM

المشاركة الأصلية كتبت بواسطة Mustang69

مبداء صح جدا فى الدول الصناعية بجد... و نكتة جامدة مووووووووت فى مصر

هو احنا عندنا صناعة؟؟؟

احنا اخرنا بنجمع و حتى التجميع مش فالحين فيه و فى الاخر المنتج المجمع محليا بيتباع بسعر المستورد.... يبقى فيه حاجة من اتنين:

اما التجميع برخص التراب و باقى السعر سرقة و بالتالى المستفيد هو صاحب المصنع فقط و المستهلك بيضيع حقة سواء جاب محلى او مستورد

و اما ان التجميع بيكلف اكتر من شراء المستورد و بالتالى التجميع استثمار غير مجدى و الحكومة بتحمية على الفاضى... زى كدة اللى مات اكلينيكيا و بيتفس بس بجهاز تنفس صناعى... مفيش منة رجا

اما قصة الشوارع و العربيات و الزحام دى نظرية غلط جدا و بتفكرنى بمسرحية تخاريف لمحمد صبحى لما عمل امنية التسلط

هوبا: الناس عاملة مظاهرات بيقولوا مش لاقيين العيش
الحاكم: اقبضوا على الفرانين
هوبا : الفرانين مخدوش دقيق يعملوا بيه عيش
الحاكم: اقبضوا على بتوع الدقيق
هوبا: بتوع الدقيق مخدوش قمح من الفلاحين
الحاكم: اقبضوا على الفلاحين
هوبا: كدة مش حنلاقى ناكل
الحاكم: اقبضوا على اللى مش حياكل

هى الحكومة بتعاقب اللى عايز يشترى عربية عشان البلد زحمة؟؟؟؟ هو الزحام مشكلة صاحب العربية ولا مشكلة الحكومة؟؟؟... يا ريت منخلطش الامور و نبص على السبب الاساسى للمشكلة و طرق الحل بدل ما نكبر الg وخلاص

بيفكرنى الموضوع دة بقصة وقف تراخيص التاكسى... بدل ما التكاسى تقل سعرها زاد فى البيع و الشراء و بقى التاكسى المستعمل اغلى من الملاكى المستعمل... الحكومة بتاخد قرارات غير مدروسة بالمرة و نتائجها غالبا بتبقى عكسية

اما زيادة الموارد فا دى نكتة الموسم بجد... هى مصر بلد فقيرة؟؟ اللى حيقول اه يبقى مش عايش فى مصر... احنا عندنا موارد بالعبيط و بالرغم من كدة بنفرض ضرائب على كل حاجة فى الدنيا و دمغات و حبشتكنات والخ الخ... شوف الضرائب اللى على الاجور و ضرائب المبيعات و الجديد الضريبة العقارية و بعد كل دة تلاقي بيقولك زيادة موارد... هى المشكلة فى نقص الموارد ولا سرقة الموارد؟؟

برضة الحكومة بتبص غلط... "الموارد قليلة نزودها"... يا سادة الموارد مش قليلة ولكنها بتتسرق... امنع السرقة و حاسب اللى بيسرقوا الدنيا حتتظبط... زى من كام اسبوع قريت فى الجرنان ان الحكومة بتبحث معالجة اسباب الغلاء فى الاسعال و على قمة الحلول زيادة الاجور... يا اولاد الناصحة ما الاجور لما تزيد و المشكلة موجودة الاسعار حتزيد تانى... ابحث عن سبب الزيادة و حلة بدل ما تدى الناس قرشين يفرحوا بيهم اسبوع و بعد كدة يغنى ظلموه من تانى

الحكومة تبحث عن الجباية قبل مصلحة المواطن فا محدش يقول الجمارك حماية و الكلام الفاضى دة لان احنا معندناش حاجة عشان نحميها... لما نبقى نصنع و بقول نصنع عربيات نبقى نعمل جمرك على المستورد زى امريكا

ولما نطبق القانون على الكل و ميبقاش فيه سرقة الموارد حتزيد و مش حنحتاج نالف اى مصدر دخل زى الدمغة و طوابع الشرطة و انواع التسول المختلفة اللى بتعملها الحكومة

و يا ريت كفايه كدة عشان حتحبس

+10000000000000000

كلام حضرتك صح 100*100
مصر فيها موارد كتير بس الحرميه اكتر

الموضوع: إيه رأيكم نفكر بالعكس - فوائد الجمارك المرتفعة على السيارت!!

LinkBack

أدوات الموضوع

عرض

-

-

-

-

المواضيع المتشابهه

في السعودية المطاردة بتكون بالعكس ...!!!

المشكلة إتحلت بس بالعكس

أية رأيكم يا شباب فى ألغاء الجمارك نهائيا على السيارات وقطع غيارها

ماهى السيارات المرتفعة و الملائمة للمطبات المصــرية ؟

كمية الأموال التي تفرضها مصلحة الجمارك على السيارت هل هي أموال حلال؟

الكلمات الدلالية لهذا الموضوع

المفضلات

المفضلات

ضوابط المشاركة