إيه رأيكم نفكر بالعكس - فوائد الجمارك المرتفعة على السيارت!!
انا زى كل واحد فى مصر بيلعن الجمارك المرتفعة بشكل كبير جداً فى مصر.
وعلى طول اقول يعنى إحنى دخلنا على قده و دول الخليج ما شاء الله دخلهم مش عارف أد إيه :rolleyes:.
وإحنا ندفع جمارك بالعبيط على العربيات وهما يشتروها بنص التمن اللى إحنا بنشترى بيه!
النهاردة جت على بالى فكرة إن الجمارك دى السبب اللى خلى رجال الأعمال فى مصر يفكروا و يدوروا على التجميع فى مصر.
دلوقتى فيه هيونداى بتتجمع فى مصر و دايو و شيفروليه وجيب شيروكى و البيجو الإيرانى وحتى المرسيدس وغيرهم.....
تفتكروا لو مفيش عندنا جمارك كان حد سيهتم و هيبقى فى المصانع دى!
أى نعم ما شاء الله اللى بيصنعوا السيارت دى بيبيعوها أغلى من اللى جايه من بره. بس ده وضع مش صح و مسيره يتعدل "يعنى السوق هيظبط نفسه"
بس الواقع إن فى مصانع بتجمع سيارات هنا و فيه ناس كتير بتشتغل فيها و أكيد بتشغل صناعات مغذيه للسيارت وكل ده يعنى بيوت مفتوحه وأقتصاد ومسيرهم للتطور فى ظل منافسة السوق.
على حد علمى مفيش فى الخليج تصنيع أو تجميع سيارات لانهم لو جمعوها هتبقى إيه الفايده!؟
تفتكروا الحكومة عندنا بتفكر صح ؟؟؟!!!!