-
طلب تسعير
السلام عليكم جميعا معروض عليا نيسان صني سوبر صالون 2007 فابريقة برة وجوة رشة باب خلفي في التوكيل الحالة الخارجية والداخلية ممتازة العداد 43000 كم السيارة ملك صديق وهي اول يد وهو محملني مسئولية تسعيرها بما يرضي الله السيارة لونها نبيتي الصيانة جميعها بالتوكيل ومحتاج رايكم في السيارة من ناحية الوسع الداخلي وقطع الغيار مع العلم انا معايا نوبيرا2001 مانيوال اسف للاطالة
-
السعر العادل بتاعها على وصفك من 77 ل 80 الف
-
70 الف كويس اوى والله اعلم
-
بالنسبة الى السعر :
كتير عليها 77 الف يا استاذ احمد , ده انت كدا حتخليه يبقا كرمه بزيادة اوىىى
تعالى نحسبها بالعقل
السوبر صالون 2010 الشكل الجديد بفرامل وعوامل امان لو كسر زيرو حتكون ب90 الف
ودى الكسر زيرو وموديل السنة
لكن
شيل سنة من كل استعمال مع الكيلوهات يبقا العدل بتاع العربية دى 70 الف بصراحة
لان كمان الموديل الحديث وقع سعر الموديلات القديمة منها
بالظبط زى ما حصل مع السيراتو الجديدة اللى وقعت سعر القديم
وده افضل سعر بمايرضى الله
بالنسبة الى قطع العربية ووسعها :
العربية ممتازة , ومحترمة جداا , والوسع فيها كويس , ومريح
وبالنسبة الى قطع الغيار :
الاصلى منها بتجيبه عن طريق التوكيل , وفى قطع غيار بره التوكيل بس مش اصلى طبعا , يعنى مش يابانى
وطبعا الفرق بين الاصلى فى التوكيل واللى بره التوكيل انك لما تيجب الحاجة الاصلى حتريح دماغك , وحتحافظ على عربيتك , من اى مشاكل ,لكن الحاجة الغير اصلية , ممكن تبوظ الدنيا عندك وتاثر على حاجات اخرى عشان هى مش اصلى
حعطيك مثل
زى تيل الفرامل مثلا , لوجبته بره التوكيل , ممكن تلاقيه ب150 جنية , وتركبه عادى مش حيقول لا
يبقا انت كدا وفرت النص لانه فى التوكيل ب300 جنيه
بس التيل المضروب ده او العادى مش اليابانى , حتى لو كان تايوانى , لما حيركب حياثر على الطنابير , وطبعا الطنابير غالية
يبقا هل كدا انت وفرت ؟!
يبقا انت كدا فتحت على روحك حاجات تانية
طول ما بتحافظ على عربيتك ومهتم بصيانتها , وبتجيب ليها احسن حاجة يبقا حتعيش معاك
زى احنا بردوا لما بناكل حاجة من الشارع , شغال وماشى الحال , بس ممكن الواحد يتعب منها ويفتح على روحه فتحة ويجراله حاجة لقدر الله , لكن لو الواحد عمل الصح واكل فى بيته الاكل الصحيح الميثالى , والتمام اللى شايف معمول ازاى وواثق فيه , يبقا مش حيكون فى مشاكل ولا اى حاجة , والحارس هو الله طبعا
اطمن للنيسان عربيات محترمة جدا , مواتير معمرة
ومبروك مقدما
واسف على الاطالة
وتقبل تحياتى
-
بصراحة مليش في التسعير بس التوكيل اعتقد ممكن يفيدك بالتليفون ... جرب كده
-
معلش مخدتش بالى من انها 2007 انا كنت فاكرها 2009 علشان كده شيلت 10 الف كسر زيرو و10 الف استعمال ......فعلا 70 الف عادل عليها اوى
-
-
انا متشكر جدا لرودودكم جزاكم الله كل خير
-
اعتقد 75000 سعر مناسب ممكن يقل ل73000
Content Relevant URLs by
vBSEO 3.6.0 PL2