بعد حيــرة نوع العربية ... حيرة جديدة (( خليجى ام توكيل )) CeratoKoup ؟؟؟؟!!!

**M7amD_7amDy** · 26-07-2010 03:32 PM

المشاركة الأصلية كتبت بواسطة Ahmed Samy

أهلا بحضرتك معانا

شوف يا سيدي ما حدش يقدر يقوللك اشتري دي و انت مغمض ....لأن الحالة بتاعتك انت و احنا بنعرض عليك الفكرة بتاعة كل واحد و رؤى مختلفة

القصة أخرها عندي :
الوكيل عنده ميزة يتيمة و بيحاول يلعب بيها بكل طاقته و بيحاول يبروزها و ينفخها جامد و هي ضمان 100 ألف أو خمس سنين

غير كده كل المزايا للخليجي ....

1 - وجود نظام esp وده نظام الثبات الإليكتروني و في نظري يستاهل ضمان الخمس سنين لأنه بيخلي العربية عربية تانية و ممكنة تقرا عنه هنا في المنتدى أو على اليوتيوب.

2 - الست اسطوانات و المراية التعتيم و الأيرباجات الكتيرة

3 - سرعة التسليم

4 - كل ده بسعر أقل ممكن يوصل لـ6000 جنيه
______________________________________________

طيب ...أولا حتة ان الوكيل أحسن واحد يفهم في العربية دي مقولة مش دقيقة قوي لأن العربية مش معقدة اساسا و الوكيل (ما بيصلحش) علشان يفهم ولا مايفهمش قوي الوكيل بيغير و دمتم .

الضمان بالنسبة ليا مش عامل أساسي لأن العربية فعلا مشاكلها شبه معدومة في الأساسيات مافيش غير مشكلة زميلنا أبو ليلى اللي عنده الفتيس ظهر فيه مشكلة ...و دي برضه ليها حل انك تشتري ضمان سنة أو سنتين من أمان الشرق مع تكنو ون ...و بكده لو ظهر فيها حاجة هاتبقى انت متغطي بضمان .

الصيانة متوفرة في كل حتة لأن العربية هي هي السيراتو العادية ...و عندنا مركز تكنو ون بيصون لينا -أعضاء المنتدى- عربياتنا و بخصم كويس و اهتمام ممتاز . و طبعا 4000 جنيه بكل أمانة حراااااااااااااااام يتدفعوا للوكيل مقابل أي اصلاح لأن كل الناس و أنا منهم صلحت أعقد الحاجات بره لأني خبطت العربية.

غير كده انك في عربية الوكيل ماتقدرش تركب زينون ,جي بي إس , فلاتر , تغير عفشة اسبور الا تحت عين الوكيل و بإذن منه علشان تحافظ على ضمانك ...و إلا ..مالكش ضمان

الموضوع في النهاية هايرجعلك برضه

واضح وضوح الشمس ان الخليجي تكسب ......و الناس أكترها بتشتري خليجي

بس لو ان خايف و مأثرة فيك حكاية الضمان ....

يبقى امشي جنب الحيط و هات عربية الوكيل

نفس تفكيرى يادوك

لو كنت قريت ردك كنت أيدتك من غير ما أكتب

**Ahmed Samy** · 26-07-2010 03:50 PM

المشاركة الأصلية كتبت بواسطة m7amd_7amdy

نفس تفكيرى يادوك :e_braces[1]:

لو كنت قريت ردك كنت أيدتك من غير ما أكتب :s_thum1[1]:

حبيبي يا حمدي

طب كنت اكتب انت الأول ووفر عليا الكلام الكتير

**ashouhdy** · 26-07-2010 03:58 PM

طالما اخترت السيراتو كوبية يبقى هات طبعا اللى فيها esp العربية دى ماشاء الله روعة فى الجرى و الثبات و أسالنى أنا

**Atrees** · 26-07-2010 05:15 PM

بص يا باشا - وكيل او خليجي العربية حلوه جدا - لكن ليه اغامر ؟؟؟؟

يعني في كل حتة في العالم المتقدم بيدورو علي الضمان وهما اصلا مش محتاجينة عشان الضمير عندهم كويس حبتين - ههههه

نيجي بقي لمصر وتجار مصر ومستوردين مصر اللي ممكن يبيعلك سيراتو ويسلمك سيات 133 - هههه - ده النصب علي ودنة - طبعا الضامن هوا الله في الاول والاخر - لكن سوالي - لو مثلا اشتريت خليجي وطلعت الايرباج سيستم عطلان !!!!!!!! تمنة كام ؟؟؟؟؟؟

متهيالي مش حتفرق معاك العشرة ايرباج ساعتها - ولا اي شركة تامين وضمان في مصر حتغيرهالك ببلاش

المصنع بيديلك مسؤوليتة عن اي حاجة في العربية لمدة 5 سنين - انا اروح اقولو لا شكرا مش عايز - حوفر 10000 جنية في الخليجي ولو طلع حاجة - حدفع قدهم ده غير الشحططه

طبعا الخليجي كماليات لا جدال عليها واهمها ال esp التحفة - بس مهو ده كمان نظام قابل للعطل !!!! اعمل ايه ساعتها ؟؟؟

بص احنا كلنا هنا اخوات واختلاف وجهات نظرنا رغم اتفاقنا المستمر هوا وجه نظر بنطرحها عليك وانت في الاخر صاحب القرار وحتلاقينا دايما ايد واحدة يا بهجت :)

**CeratoKoup** · 26-07-2010 06:01 PM

حوفر 10000 جنية في الخليجي ولو طلع حاجة

دة للاسف لا توفير ولا حـاجة زي ما انت شايف الصورة الي حاتطها فيها الاسعار الكوبية الخليجى هاى لاين سعودى
عاملة 134 ألف جنية يعنى هوفر 2000 جنية بس
و 2000 دول هيتفدعو ضمان كمــان
يعنى يعتبر موفرتش حاجة بس اشتريت كماليات اعلا و esp

**Amr A.salam** · 26-07-2010 06:12 PM

يعني فرق خمس بواكي بين اللي فيها esp واللي مافيهاش ؟؟؟؟؟

والوكيل الهاي لاين بكام ؟؟؟؟؟؟ 136 ؟؟؟؟؟

ممكن تجيب الvin بتاع العربية وتكشف عليه على السايت وتعرف هي سعودي ولا كويتي ولا حاجة تانية
وهتلاقيه على القايم تحت باب السائق

موضوع الصيانة عندك أمير وجوزيف أو تكنو وان
موضوع الضمان عندك أمان الشرق

بصراحة أنا لو مكانك :
لو الخليجي ما فيهاش esp هجيب الوكيل وششششش
في حالة الESP هفكر كتير أوي :)

**hosamenter** · 27-07-2010 02:54 AM

انا حاجز كوبية خليجى اتكل على الله الخليجى اعلى كتير انا احترت حيرتك شهرين واخيرا استقريت على الخليجى عن كامل اقتناع

**ashouhdy** · 27-07-2010 03:07 AM

انا مش فاهم اذاى الوكيل يشيل ال esp دة كأنة شال الكاوتش بتاع العربية !! المفروض ان دة حاجة اساسية فى عربية معمولة اساسا عشان الجرى ؟!!!

-

الموضوع: بعد حيــرة نوع العربية ... حيرة جديدة (( خليجى ام توكيل )) CeratoKoup ؟؟؟؟!!!

LinkBack

أدوات الموضوع

عرض

-

-

-

-

-

-

-

المواضيع المتشابهه

بيكانتو للمدام : خليجى و لا توكيل ؟!

خليجى ولا توكيل

باسات خليجى ولا توكيل ؟

رجاء من كل واحد معاة السيراتو يكتب العربية دة توكيل ولا خليجى ولمشكلة الى حصلت معاة

النترا توكيل ولا خليجى

الكلمات الدلالية لهذا الموضوع

المفضلات

المفضلات

ضوابط المشاركة