الموضوع: بعد حيــرة نوع العربية ... حيرة جديدة (( خليجى ام توكيل )) CeratoKoup ؟؟؟؟!!!

سؤال صغير برة الاختيار
رغم انى اؤيد الخليجى لمزاياها
هى السيراتو توكيل او خليجى بتنزل من غير gps لحد دلوقتى؟

دي تحربتي للعربيه دي أتمنى تفيدك

صباحكو فل..........العربيه كانت هاي لاين
العربيه عجبني فيها الاتي:
1)الشكل الخارجي روعه,و شكل الجنط جميل و ان كنت أفضل الجنط اللي بيجي مع الفئه الاقل لان الجنط ده شكله شبابي زياده عن اللزوم.
2)التشطيب من جوه كخامات جيده
3)التجهيز أكتر من رائع خصوصا جلد التابلو و الابواب و الكراسي و المفتاح البصمه و الكاسيت مع السماعات.
4) أكتر حاجه عجبتني القعده ورا....من أوسع العربيات الكوبيه اللي سوقتها و ان كان انخفاض السقف ممكن يضايق الطوال.
5)الشنطه واسعة و كافية لمعظم الاوقات.
6)الاستهلاك جيد جدا...400 كم سفر بمتوسط استهلاك لل100 كم 8.5لتر بمتوسط سرعه 130كم\س
7)العربيه حضورها على الطريق لطيف و ملفته فعلا.
8)العربيه أعلى من السيفك على المطبات............محكتش مني غير في مطب فرعوني مستوحى من الاهرامات

ما عجبنيش فيها الاتي:
1)ساعات كتير حسيت ان الجير غبي جدا و مش فاهم ,فكنت بفضل استخدم المانيوال أوبشن.
2)الجنط بيخبط في الحفر
3)العربيه فيها خمس تلاف زياده لانها لسه جديده


رأيي النهائي:لو معاك 136 ألف و مش ناوي تبيع قبل 5 سنين على الاقل لانك ساعتها مش هتقدر تلم غير نصهم....اشتري و توكل على الله....عربيه حلوه

ودي الصور و اسف على التأخير
الصور المصغرة للصور المرفقة