مشكله مجنناني في الاوبترا

**mido3bsawy** · 26-07-2010 04:56 AM

انا معايا اوبترا اوتوماتيك 2010 لسه شاريها من 3 شهور ومن اول ما اشترتها حسيت بيها بحدفه يمين بسيطه بع فتره لقيتها بتزيد والخدفه دي علي اي سرعه يعني تسيب الطاره تلاقي العربيه راخت لوجدها اقصى اليمين المهم روحت صيانه اال 5000 وقلتلهم شاف الزوايا لقاها مظبوطه قالي بدل العجل اللي قدام مكان اللي ورا المهم روحت امبارح عن بتاع الكوتش قالي هبدلك العجله الشمال اللي قدام مكان اللي ورا المهم بدلتها وبردو لقيت المشكله متحلتش بس خفت سنه عن الاول
المهم انا مش عارف اعمل ايه؟؟؟ خصوصا اني رايح صيانه 10000 قريب ؟؟؟؟؟؟؟؟؟؟؟؟؟

**Hosam_Optrawy** · 26-07-2010 07:11 AM

سيبك من التوكيل عشان مش هايعملك حاجه فى الحدفه دى

انت تتأكد الاول ان ضغط الهوا مظبوط فى ال 4 عجلات

اظبطهم على 30 ويفضل تحط نيتروجين

ولو المشكله استمرت اكشف زوايا عند مركز محترم زى بريدجستون

**rzeiny** · 26-07-2010 08:11 PM

يا باشا المشكلة دي كانت عندي من 2007 ودخت مع التوكيل من م نصر للهرم لغاية ما اقتنعوا انها علبة الدركسيون وغيروها في الهرم بعد عذاب ومرار .
ومقيش شهرين ورجعت تاني مع تقل في الدركسيون ولازم علشان ثغيرها تروح الهرم وتضيع يوم كامل والاخر العربية تمام مفيهاش حاجة والمهندس جربها .
تاخدها وتمشي تلاقي نفس العيب وانت رايح من الساعة 9 ص وماشي 4 عصرا تقوم واخد المهندس يجرب يقولك بكل سماجة عندك حق بس هاتها بدري المرة الجاية واحنا نغيرها . والله انا مش عارف البدري ده امتى بالضبط مع العلم ان معظم الوقت الي واقفاه لم يقترب منها احد ولازم تتخانق علشان يشتغلوا فيها . ذل

**arakysolom** · 27-07-2010 12:37 PM

السلام عليكم و رحمة الله
اهلا بيك في برنامج مشاكل الاوبترا و بنرحب بيك زميل عزيز معايا شخصيا في الحدفة اليمين
انا اخوك اسلام من اسكندرية بعاني من حدفة يمين و العربية اتجربت في التوكيل اكتر من 6 مرات عشان يتأكدو من الحدفة و في الاخر غيرولي جوز اطارات ومع ذلك لم يحدث اي تغيير و ظبطوها اخر مرة بالجهاز الجديد بتاع ضبط الزوايا اللي بيقوله انه ب 150000 جنيه و مع ذلك لا جديد و انا شخصيا يئست من انهم يعدلوها

**abdulmageed** · 28-07-2010 12:43 AM

انا جربت الموضوع النهارده
وفعلا لاحظت الموضوع ده بس مش عارف من الشارع ولا العربية\
هجرب تاني واتأكد
2010 اوتو
500 كلم

**ma_almula** · 01-08-2010 11:24 AM

المشاركة الأصلية كتبت بواسطة hosam_optrawy

سيبك من التوكيل عشان مش هايعملك حاجه فى الحدفه دى

انت تتأكد الاول ان ضغط الهوا مظبوط فى ال 4 عجلات

اظبطهم على 30 ويفضل تحط نيتروجين

ولو المشكله استمرت اكشف زوايا عند مركز محترم زى بريدجستون

+111111111111111111111111111111111111111

**MedaSam** · 01-08-2010 12:59 PM

واضح ان موضوع الحادفه يمين ده عند معظم مالكي الأوبترا ......... انا برضه حاسيس بيه و ساعات بيكون خطر جدا لو على سرعات عاليه ... 120 و انت طالع
اللي انا شايفه كده من كلامكوا ان مفيش حل للمشكله أصلا ....... في االي عمل ترصيص أو غير علبه الدريكسيون و مفيش فايده

تفتكروا نشتكي في التوكيل و لا حمايه المستهلك ؟!!

**mohamedaghali** · 01-08-2010 02:33 PM

انا كان عندى نفس المشكله فى عربيتى القديمه 2007 و ظبت زوايا عند واحد فى مدينه نصر و راحت عالطول اعتقد انك محتاج تظبت هواء + زاويا والموضوع مالوش علاقه بالترصيص و معايا حاليا 2010 مفهاش المشكله ديه يا جماعه بجد العربيات ديه زى البطيخ انت و حظك انا عربيتى ال 2007 مغير علبه الدركسيون فيها 4 مرات فى الضمان علشان بيتتقل و بتخشن لغايه لما بعتهاو هى عامله 65000 و جبت ماركه تانيه و عندى واحد صاحبى جيب 2007 معايا فى نفس اليوم من منصور برضو ماشا الله زى الفل ربنا يباركله فيها و عامله 100000

**arakysolom** · 02-08-2010 09:24 AM

المشاركة الأصلية كتبت بواسطة medasam

واضح ان موضوع الحادفه يمين ده عند معظم مالكي الأوبترا ......... انا برضه حاسيس بيه و ساعات بيكون خطر جدا لو على سرعات عاليه ... 120 و انت طالع
اللي انا شايفه كده من كلامكوا ان مفيش حل للمشكله أصلا ....... في االي عمل ترصيص أو غير علبه الدريكسيون و مفيش فايده

تفتكروا نشتكي في التوكيل و لا حمايه المستهلك ؟!!

انا معاك يا باشا لأن الشكوي الفردية عمرها ما حتجيب نتيجة زي الشكوي الجماعية حتي يعرف الجهاز ان هذا عيب صناعة و ليس حالة شاذه و نرحم الناس اللي حتشتري بعد كده من عذاب اللف و الدوران و الحوارات بتاعة التوكيل لأني كنت يوم السبت هناك و كان فيه اكتر من 5 عربيات 2010 بيضبطوا زوايا اذن هي مشكله عامة و الكل حدفة يمين