الموضوع: ممكن اعرف مميزات و عيوب الجين 2 الاوتوماتيك السبورت 2010 اصلى ناوي عليها ان شاء الله

المشاركة الأصلية كتبت بواسطة mido_soliman

اولا اهلا بيك في بيت العيلة ( منتدي بروتون)
انا استلمت العربية جينا ٢٠١٠ من شهرين بالتمام ومن ساعه ما جبتها متكلمتش عن مميزاتها لانها مكتوبة هنا كتير بس وانا بقرا موضوعك حسيت اني لازم اتكلم عن مميزاتها وعيوبها بحيادية وبنوع من التفصيل الممل بناء علي وجهة نظري الخاصة جدا اتمني انك متزهقش
المميزات يباشا
١- شكل جميل بمعني كلمة جميل بمعني ان مينفعش يختلف عن شكلها اتنين
٢- اول ما تركب العربية حتلاقي الاتي احساس بالاحتواء جميل جدا وانت مالك كل حاجة قريبة منك ومتحكم فيها بسهولة وسلاسة
٣- موتور ١١٠ حصان قوي جدا علي السرعات العالية
٤- عفشة ممتازة وقوية جدا وتستحمل القرف اللي عندنا في شوارعنا وتعليق خلفي مستقل بعكس السيراتو مثلا عللب تعليقها متصل ودة في رأيي الشخصي عيب في اي سيارة المفروض انها محترمة احنا في ٢٠١٠ ياخوانا
٥- تكييف السيارة جيد جدا داخل المقصورة واحساسة رائع ومرضي الي حد بعيد
٦- الكماليات اللي بالسعر دة في عربية محترمة من شركة محترمة ناس بتفخر بصناعتها كانتاج وطني وقومي يؤثر بالسلب او الايجاب علي سمعة البلد بعكس الصيني اللي كلنا عارفينة واسمحلي اقولك علي الكمالبات وقولي فين عربية بالسعر دة ما بين ٩٠ الي ١١٠٠٠٠ جنية فيها الكماليات دي كلها
( باور ستيرنج - سنتر لوك - انذار ومانع سرقة امبولايزر - مالتي فانكشن في الدريكسيون - التحكم في ارتفاع وانخفاض الدريكسيون ونفس الحال لكرسي الباشا ( السائق) - سيدي امبي ثري بلوبانكت عالي الجودة مع اربع سماعات مدمجة في السيارة بصوت محيطي رائع - مساحة خلفية للازاز الخلفي - اربعة زجاج كهرباء - مرايتين كهرباء- تكييف متعدد السرعات - فوج لايت امامي وخلفي - بارك سينسور عالي الدقة بمعني الكلمة -سبويلر رياضي جميل -كراسي رياضية - فتيس اوتوماتيك ياباني الصنع - التحكم في ارتفاع وانخفاض الفوانيس الامامية عن طريق موتور خاص - كمبيوتر رحلات بساعة مدمجة ويعرض الكيلوات المقطوعة ككل وزمن الرحلة وعدد كيلواتها منفصلا كما بحسب متوسط استهلاك البنزين لكل ١٠٠ كيلو متر ويحسب البنزين المتبقي في التانك حتي اعادة التمويل -)
٧- قوة محرك وثبات عالي جدا علي السرعات وتحكم كامل وتام في كل جزء في السيارة من خلال المقود باطمئنان تام
٨- فرامل قوية تحتاج الي فهم الالية وتعود فقط
٩- شنطة حجمها مناسب جدا جدا بل تكون كبيرة مقارنة بسيارة ليفت باك

العيوب وبحيادية تامة من خلال امتلاكي لها والله علي ما اقول شهيد
١-مساحة رؤية خلفية سيئة الي حد ما
٢-صوت عالي نسبيا للمحرك مقارنة بالانسر والالنترا علي سبيل المثال وليس الحصر
٣- تجميع من صفر : مائة ضعيف نسبيا ( اوتو) ولكن بعد ١٠٠ تجميع سريع جدا
٤- صوت كمبريسور التكييف خارج السيارة مزعج جدا ( اكتشفتة بالصدفة جوة العربية مش مسموع ولكن تشعر بفصل الكمبريسور وتشغيلة كل ٣٠ ثانية تقريبا
٥- زاوية كسر المقود اقل نسبيا من سيارات اخري مثيلة لها معظم السيارات لفتين الجين لفة ونص وللمعلومة مفيش حاجة اسمها هاف باور علميا وميكانيكيا لان تعريف الباور وجود ماكينة الباور وعدم وجودها من عدم وجود الباور ستيرنج غير كدة مفيش حاجة اسمها هاف باور علشان بسمعها كتير
٦- قطع الغيار اسعارها مرتفع نسبيا لسيارة بسعرها وفئتها وهو شئ مستفذ ( قطع الغيار اغلي من عربيات ياباني وكوري علشان الانتشار للاسف )
٧-سعر اعادة البيع ليس بالجيد مقارنة بسيارات اخري من نفس الفئة السعرية
٨- توكيل عادي ليس بالجيد ولا السئ ولكن اشعر منهم باجتهاد
٩- فرامل مقلقة من الوهلة الاولي مع عدم الشعور بالامان مع التعامل معها ولكن بمجرد فهم اليتها واحساس الدواسة ستدرك انها فرامل قوية ومسعفة ولكن تحتاج الي تعود
١٠- اسف علي الاطالة لانها من ضمن العيوب ولكني حاولت جاهدا ان اقول علي كل عيب احسستة فيها في هذة الفترة
ولم اشاء ان اجد مبرر لكل عيب حتي لا اكون متحيزا علي الرغم من تفاهة العيوب الا ان لكل عيب مبرر مقنع جدا وساتركة لك بعد اقتنائها باذن الله لتكتشف انك تركب سيارة قريبة الي حد ما من السيارات الاوربية في قوتها وتميزها وخالص تحياتي لك

رد موضوعى ومحايد جدا سواء عن العيوب او المزايا وفعلا التجميع تحت المية بطىء شوية مش عارف بحس ان الموتور بينام منى شوية فى النص وبعد كده بيصحى فجاة مش عارف يمكن بعد صيانة الالف الموضوع يتظبط شوية ده غير انى لسه مجربتهاش على سرعة اكتر من 120 عشان برضه لسه تحت الالف والمفروض امشى حسب المانيوال بتاعها فى السرعات .

بروتون عربية جميلة ما شاء الله عاوزة اللى يحبها ويبقى مقتنع بيها هيحس انها فعلا اختيار موفق ويستاهل كل قرش اتدفع فيها .

ميزة مهمه اخرى ميدو نسى يقولها العربية بتنزل بمواصفات خليجية وده مختوم على العربية اسفل كرسى السائق ده غير ان المانيوال بتاعها مكتوب عليه كده من بره فى الجدول اللى على الغلاف بالانجليزى السوق ( مجلس التعاون الخليجى ) وطبعا عارفين الناس دى مبتهزرش ومبيدخلوش اى عربية وصعب انك تلاقى فى مصر عربية بمواصفات خليجية الا لو كانت جاية من بره التوكيل من الخليج .

ميزة اخرى ان العربية بتيجى من بره كامله مش متقلبة زى العربيات التانية اللى تلاقى الكاسيت الاصلى متغير ومكان الايرباج درج فاضى وحركات قلة القيمة دى , ده غير ان سعرها يكاد يكون سعرها فى ماليزيا ودى حاجة فعلا على الرغم انها تحسسك ان انت مش مسروق فى ولا مليم الا ان الموضوع مجننى . هل الماليزيين بيدعموا العربية عشان الانتشار ولا ايه السبب ؟

يا رب اكون اضفت حاجة لصاحب الموضوع