عرض للطباعة
بصراحة انا حطيت الموضوع ده بناء على اقتراح من الزميل blazer عشان نقدر نقيم السيارة الجريت وول هوفر اللي بتتجمع عند عز العرب والبافارية وخصوصا بعد ما عرفت من الزميل blazer انها بقالها حوالي 80 الف مع صديقه في خلال 3 سنين بدون مشاكل نهائي وممكن تشوفوها في اللنك ده
Great Wall Motor Hover SUV Review and Test Drive – Braking Test | Illustration of Chinese Car
وفي انتظار ارائكم
انا شايف انها حلوه جدا الهوفر جامده و احسن شركه صينيه جريت وال و بيريلينس هيا الى بيتعملها اختبرات تصادم و تجارب وليها فيديوهات كتييييييير على اليوتيوب
وشكلها اكبر من التيريوس تحس انها لينكولن او فورد او gmc كده
و الكومودو بحس انها تقليد تيوتا برادو كروزر
بس التريوس كويسه و بصراحه الى قدامه الاختيارات ديه بصراحه الله يكون فى عونه بس الجريت وال هوفر شوفتها عندنا بصراحه عجبتنى اوى وكبيره كده وشكلها مش صينى و الخامات بتعتها حلوه
استاذ احمد ..حضرتك شفتها فين..وهل اللي شغتها هي تجميع البافارية- عز العرب.انا كلمتهم وعرفت انهم بداو في تجميعها من اول 2010 ولما سالته انتم بعتم كام عربية قالي مش عارف..بعدين هي 5 مقاعد ولما قلتله ليه مش 7 مقاعد .قالي مبتنزلش عندنا ...وبعدين لما قلتله ان السعر غالي 130-140-150 الف قلي ده في صيني ب 150 الف..
يا ترى ايه راي حضرتك في الكلام ده...يعني لو هي ب 150 مش الواحد يجيب تريوس افضل ويخليه في المضمون..اي نعم التريوس مش اقل شوية لكن ياباني برضه..
انا في حيرة شديدة ومتخوف ...لكن ليه سمعه عز العرب في التوكيل وحشة كده..
بصراحة ... انا لو في حيرتك دي ...اقتباس:
المشاركة الأصلية كتبت بواسطة mummy_47
اختار التريوس .... ليه ؟
الجريت وول ماركة لسه بتقول يا هادي في مصر ....... و اسعار عربياتها كتير عليها .... مع احترامي للماركة و انها من انضف الماركات الصينية ..... لكن ما اضمنش ظروفها ... دا غير ان التوكيل نفسه اهو مش عارفين هما باعوا كام عربية .... التجميع مصري و المكونات صينية ..... و بصراحة مشفتش حد جابها ....
الكومودو نظريتها نظرية الجريت وول .... هيا طبعاً عربية واو واو ..... بس برده ما اضمنهاش ... لكن برده بتقول يا هادي و فيه ناس بدأت تشتريها ........
اما التريوس .... فلا شك انها ياباني ...... عربية اعتمادية الى حد ما و قوية و ثباتها ممتاز ..... غير كدا توكيل محترم و قطع غيار متوفرة و العربية نفسها منتشرة و معروفة ....
- عز العرب توكيل محترم .... يمكن مش معروف لانه واخد توكيل الجيب و الكرايسلر و الدودج ( أعلى عربيات ) يليها الستروين و الجريت وول و البي ام دبليو و البروتون ...
مفيش منهم غير البروتون اللي نقول عليها منتشرة و معروفة ..... يليها الجيب و البي ام دبليو ( اللي بقوا زي الرز في مصر ) اما الستروين فشهرتها بدأت تضمحل و الكرايسلر و الدودج دول بقى للنخبة و اصحاب المال الوفير :) :) .... غير كمان اسعار عز العرب الولعة في قطع الغيار ....... علشان كدا سمعته - كما يُقال - وحشة ....
----
ارشح لك التريوس بكل قوة ....... سعر معقول , امكانيات معقولة , بس قصاد كدا ح تاخد أمان و كفاءة و قوة .و شكل مميز .... و اهى التريوس بقى لها كتير في مصر ..... :) :)
بص يا باشا التريوس جديره بالاحترام وعربيه جيده و اعتماديه و عمليه جدا
لكن انا عجبتنى الجريت واال عن التريوس فحاجه شكلها الى مبينها انها جيب و المنظر العام يخوف غير التريوس برده تحس انها زى الماتركس بس اعلى شويه
التريوس احسن برده بس التابلوه بتاعها فقيير جدا جدا غير بتاع الجريت واال
الجريت وال 2000 سى سى التريوس 1500 سى سى
ان الجريت واال عجبانى اكتر من حيث الشكل و الامكانيات و القوه و الخامات بس اكيد التريوس مضمونه واحسن منها تقفيل يابانى الجريت واال مصرى
ديه يابانى وديه صينى مع ان الدايهتسوا اقل اليابانى بس برده يابانى ياعنى
ونصيحه خليك فى التريوس العربيه الى شوفتها شوفتها فى معرض و شوفت واحده تانيه راكنه عندنا
تريوس وخليك في المضمون ويمكن بعد عشر سنوات نغير راينا في الصيني
وديه شويه صور
http://rk-trade.net/ru/data/......./...l_Hover_01.jpg
http://www.hyts.hu/autok/great-wall/...l_hover_r6.jpg
http://www.autosvit.com.ua/gallery/i...ll_Hover_3.jpg
YouTube - Great Wall Hover
YouTube - GWM Hover off road
YouTube - Hover in Mud
ادائها احسن من التريوس بكتيير بس برده متخدش على كلامى شوف الاعضاء هيقولو ايه بس انا هوريك شويه فيديوهات كمان مش هتعرف انها صينى بجد عربيه اسطوره
YouTube - HOVER cuv GREAT WALL maurizio roma
وده اختبار تصادم التريوس
YouTube - Crash Test EuroNCAP Daihatsu Terios (2008) www.sicurauto.it
وده جريت وااال
YouTube - Great Wall Hover ANCAP crash test - Sicurauto.it
وبص فى الاخر اختيارك و انا برده بنصحك بالتريوس بس انا بنسبالى الهوفر احلى بس شوف اراء الاخرين ومتخدش على رأى خالص
لقد زيدتم جحيرتي اكثر...
طيب تعالو نأخذ الموضوع من جانب اخر
اولا: ايه اللي جعل سمعة الياباني كويسة كده ..طبعا ان العربية الياباني معمرة وبتعيش كثير ..والنقطة ديه مردود عليها لان زميل احد الزملاء معاه العربية وعامله 80 الف كيلو في 3 سنوات بدون اي مشاكل.وكمان الزميل حطى عن تجربته في السفر بها الساحل الشمالي مع تحميلها باقصى حمولة ليها بدوت ادنى مشكلة واداء فوق الممتاز.. وده اللنك http://www.nilemotors.net/Nile/93071-2008.html
ثانيا:نقطة اختبارات السلامة ..اعتقد ان العربية واخذه 4 نجوم من 5
ثالثا: نقطة الانتشار: العربية من العربيات القلائل اللي بتدخل الاتحاد الاوروبي واداء رائع..كمان هي في دول الخليج..وطبعا في الجو الحار في دول الخليج اعتقد انها عربية كويسة وبتتحمل...كمان ليها توكيل في السعودية اسمه الرسام..
رابعا: نقطة ان الياباني مضمون والامريكي كذلك ...طيب واللي حصل للكورولا ده ايه وسحب 10 ملايين سيارة من العالم...التكنولوجيا دلوقتي وسهوله انتقالها جعلت كل شئ ممكن...كمان شوف الشيروكي الحديث بيحصل فيه ايه..من كثر التنولوجي اللي في العربية والحساسات الكثير العربية بتعطل..شئ تافه صغير يعطل العربية ويقرفك في المشوار لو كنت مسافر.
خامسا: الجودة..انا قلت قبل كده ان معظم الماركات الشهيرة من الكمبيوترز بتصنع في الصين وبجودة عالية..كمان سوق المستلزمات المنزلية مثل White Whale و Fresh الصيني مستحوذ على السوق,,كذلك السيارات .BMW بتتصنع في الصين على سبيل المثال وكذلك ماركات شهيرة اخرى للاستفادة من رخص الايدي العاملة واكيد طبعا يوجد منتج صيني بيدخل في التكوين والا ما سمحت الصين بان تتجمع هذه السيارات عندها.
لو حيدنا كل شئ وشيلنا الماركات اللي على العربية ..يا ترى هتختاروا ايه...اعتبر نفسك رايح تشتري شقة جديدة...هتعمل ايه ..اكيد هتبص على المنطقة اللي فيها الشقة والموقع وبعدين الشقة من جوه ..لكن عل ممكن انك تجيب مهندس يكشفلك على اساسيات الشقة وقوة العمارة وانها مش معرضة للانهيار بعد فترة...فكروا كده شوية....هل حد فينا بيعمل كده....طبعا ده الصح لكن مش عارف امكانية تطبيقة ازاي...وبالمثل في العربيات ...العربية اساسيات وتحمل ...
وفي انتظار تعليقاتكم
مع خالص تحياتي
كلام حضرتك مظبوط .... و باين لحضرتك انك ميال للهوفر :)اقتباس:
المشاركة الأصلية كتبت بواسطة mummy_47
ح نرد على حضرتك نقطة نقطة ....
أولاً : سمعة الياباني طول عمرها كويسة ....... في العربيات او غيرها .... معروف عن الياباني قوة الاحتمالية و الكفاءة ... اي نعم مش في مستوى الالماني الجبار و المعروف ..... لكن ح نقول احسن الوحشين ..... و هما بيحاولوا يوصلوا لقوة الامريكاني كمان ....
و ده بيبان في السعر .... لما تشتري كاسيت سوني صيني غير لما تشتري كاسيت سوني ياباني ..... ده ح تلاقي سعره 1000 جنيه , التاني ح تلاقي سعره 4000 جنيه ......
انا معايا التريوس , و عملت معايا 1500 كيلو في شهر بالظبط من غير مشاكل و باستهلاك موفر للبنزين ... حتى في السرعة , ماشي على 120 و اكلت مطبات كتير , و العربية ماشاء الله و لا جرى لها حاجة ماشاء الله ....
لكن تعال لو ركبت مثلاً اسبرانزا تيجو ....... و اخدت انت مطبات على سرعة 120 .... ح تلاقي فرق أكيد , لان انا سقت العربية دي قبل كدا ......... الثبات مش قوي زي التريوس و الأمان مقبول مش ح اقول ضعيف لكن مش قوي زي التريوس او غيره من الياباني ....
ثانياً و ثالثاً : معرفش حضرتك تقصد انهي عربية ....
رابعاً : الياباني مضمون و الأمريكاني كذلك , لانهم عربيات معمرة ..... علشان كدا تلاقي قطع غيارهم مولعة ....
غير كدا .... طريقة استخدامك للعربية بتفرق .......
ممكن واحد مقتنع بالصيني و جاب عربية صيني ... بس استخدامه ليها محترم , علشان كدا تلاقي العربية عايشة معاه ....... او مبعنى آخر ممكن نقول راجل فاهم سواقته محترمة ......
حضرتك بتقول ان الشيروكي فيه تكنولوجيا كتير و .. و .... ..... طب ناخد مثال من الواقع ....
السيراتو مثلاً ........ فيها حاجات كتير , لكن تعال لنقطة الأمان و الكفاءة ........
تلاقي صاج السيراتو مش قوي و بينعوج .... تلاقي في مشاكل في الموتور ......
اما بالنسبة لحكاية عربيات كورولا دي .... فدي غلطة من مصنعي العربية نفسيهم ..... غلطة من شركة تويوتا ..... و انتا حضرتك بتتكلم عن شركة دايهاتسو بالنسبة للتريوس ... دي شركة و دي شركة ... و الياباني غلطاته مش بالوراثة .. و لا ايه ؟ :)
دايهاتسو معروف عنها الثبات و الوسع الغير عادي في عربياتها .......
و بعدين ح نروح بعيد ليه ..... شركة رينو سحبت اكتر من 40 الف عربية فلوانس من دول الخليج علشان مشكلة في صمامات الغاز في تنك البنزين و اللي بيأثر على دورة المحركات بالكامل ...... و المكونات فرنسية و التقفيل كوري ......... بس حتى لو كدا , دي رينو ...
اي شركة معرضة لأي خطأ مهما كان ......... حتى لو عربية لامبورجيني ..... فبلاش نعلق الشماعة على الكورولا ......
خامساً : التقفيل الصيني ....
التريوس مثلاً ممكن تلاقيها ياباني بالكامل , لكن فيها كاسيت صيني ...... بس خد بالك , الكاسيت صيني , يعني مش الموتور و لا الفرامل هيا اللي صيني .....
السوبارو امبريزا مثلاً ... كلها ياباني .... بس الكاسيت بتاعها صيني ....... برده دا كاسيت مش وسيلة أمان ... لو باظ ممكن نجيب غيره .......
كذلك العربيات ......... لو اتقفلت في الصين مفيش مشاكل , لأن المكونات اصلاً مش صيني .... النيسان صني مثلاً .... مكوناتها ياباني بس تقفيل مصر .......
لكن مشكلة التقفيل الصيني او المصري .... انهم بيغيروا حاجات .... يعني الفرش او الكاسيت او المرايات .... بيلعبوا في حاجات في العربية .......
علشان كدا بنفضل ان العربية تبقى تقفيل بلادها .... و اهو رينو زي ما قلت لحضرتك ..... مكونات فرنساوي و تقفيل كوري ( في بلاد الخليج ) و ظهر فيها مشاكل اهو .....
سادساً :
لو شيلنا الماركات اللي على العربية ..... اكيد ح نعرف الأول اتصنعت فين و اساسياتها ايه .......
و مثال الشقة ...... الشقة حاجة و العربيات حاجة حضرتك .....
ثقافة الشعب بتقول دور على الرخيص ........... و دا كلام جميل .......
بس هل الرخيص دا ح يعيش معاك ؟
هل الرخيص دا ح يعمر معاك ؟
هل الرخيص دا ح يستحمل ؟
لو انت شاري حاجة رخيصة و محافظ عليها ... اكيد ح تستحمل معاك ....
لكن لو انت استخدامك استهلاكي .... كبيرها خمس سنين و بالسلامة .....
و العربيات كدا .... و الصناعات كلها كدا .... حتى الألماني ...
ثقافتهم ان العالم كله يستهلك ........ بحيث ان العربية تقعد معاك خمس سنين او سبع سنين او عشر سنين و بعد كدا تقول بالسلامة ..... لانه بعد عشر سنين نلاقي مشاكل ظهرت في العربية و اجري و دوخ على الميكانيكية اللي معظم مبيفهمش حاجة في اي حاجة .....
يعني العمارة او البرج ممكن يوقعوا حتى لو الاساسات قوية ............ دي حاجات لا يعلمها الا الله وحده ....
عربية الماني و وسائل الامان فيها قوية و كتير و استخدامي ليها جيد .... و نزلت تاني يوم لاقيتها مخبوطة ..... العيب مش عندي و لا عند العربية ... دي برده حاجات لا يعلمها الا الله وحده ....
فكل شيء رايد و كل شيء ممكن حدوثه سواء بالخير او بالشر .....
انا عارف ان ردي ممل ... و فيه اخطاء ....... لكن انا بس حبيت اشارك :)
و ربنا يبارك لك في اي عربية ح تجيبها ان شاء الله :)
الهوفر ماتور متسوبيشى
والتريوس لا تقارن فى الوسع او القوه والارتفاع عن الارض ب الهوفر