برجاء الافادة

**engaass** · 26-07-2010 09:19 AM

السلام عليكم ورحمة الله وبركاته

امبارح روحت حجزت شيفرولية لانوس عند سمير ريان وبعد اذنكم عندى بعض الاستفسارات
1- هى العربية موجودة بس قالولى لسة الورق هايجى (ورق ايه؟)
2- بتاع المبيعات بيقولى ممكن تاخد العربية لحد اما الورق يجى بس انا مش موافق ؟
3- بيقولى هايحجز نسخة مفتاح لحد لما ارخص عشان يتأكد انى رخصت الشهر ده عشان العرض اللى نازل على سعر العربية انتو ابه رايكم؟ مع العلم انى هاشترى العربية كاش
4- هو الكاسيت نوعه اية
اسف على الاطالة بس اعذرونى لان دى اول مرة اشترى عربية زيرو
وشكرا جزيلا:b4_592:

**Akram** · 26-07-2010 09:26 AM

المشاركة الأصلية كتبت بواسطة engaass

3- بيقولى هايحجز نسخة مفتاح لحد لما ارخص عشان يتأكد انى رخصت الشهر ده عشان العرض اللى نازل على سعر العربية انتو ابه رايكم؟ مع العلم انى هاشترى العربية كاش
ا:b4_592:

إزاي هتشتري كاش و عايز نسخة من المفتاح تحت أي مسمى ,
الموضوع ده مش تمام و او انا مكانك هقلق منه ,

لو مكنتش دفعت حاجة دور على معارض تانية ...

**engaass** · 26-07-2010 10:23 AM

فين النصايح سا وحوش

**SamerBassiouny** · 26-07-2010 10:29 AM

هوطبعا قصده على الورق اللي بتسلمه للمرور اللي بيكون فيه بيانات العربيه(رقم شاسيه-رقم الموتور-الموديل-الافراج الجمركي)

بس نصيحه ما تستلمش الا و الورق معاك لانك حتفضل ماشي من غير نمر و لو قلنا انك استلمتها و حتركنها لحد الورق ما يجي

طبعا سوف تكون عرضه للسرقه و تغني ظلموه بعد كده

**engaass** · 26-07-2010 10:46 AM

طب هو مش المفروض ان المعرض بيجيب العربية بورقها ولا بيستنى العربية لما يبعها يبعت يجيب ورقها من الوكيل
شكرا للردود

**SamerBassiouny** · 26-07-2010 10:53 AM

المشاركة الأصلية كتبت بواسطة engaass

طب هو مش المفروض ان المعرض بيجيب العربية بورقها ولا بيستنى العربية لما يبعها يبعت يجيب ورقها من الوكيل
شكرا للردود

انا عن نفسي استلمت العربيه و اخدت ورقها تاني يوم

بس استلمتها بالمفتاحين وكانت كاش

**sala7** · 26-07-2010 10:56 AM

كبر دماغك يا باشا و روح اشتري من معرض تاني
بص انا مره اخويا حكالي حكاية غريبة جدا
واحد راح اشترى عربية من معرض و المعرض كان قبل ما الراجل ده يجي يشتري كان بايعها لواحد تاني قبل منه
الراجل الاوني راح اخد العربية من المعرض و مشي ده على اساس انه مشتري و اول مالك ,,, الراجل التاني بردو على اساس انه مشتري و اول مالك ، عرف مكان العربية فين و راح واخد بعضه و راح للعربية اخدها و مشي و على ما اظن الراجل ده تبع المعرض و دي حركة نصب من المعرض .. طبعاً بقت العربية يمتلكها 2 و حورات بقا و مشاكل الواحد في غنى عنها
روح ياعمونا اشتريها من التوكيل ولا من معرض يكون سمعته كويسة و اصحابه ناس محترمين
و كبر دماغك من الكلام و الحورات من المعارض الغريبة اللي بنسمع عنها دي و عن حوراتها الفاشلة

**engaass** · 26-07-2010 11:01 AM

مش المفروض ان سمير ريان معرض محترم ومعروف ؟؟؟؟؟؟؟

**wael_dosoky** · 26-07-2010 12:10 PM

سمير ريان معرض محترم من خلال تعاملي معه وانا بأشتري العربية
ورق العربية هو خطاب من شركة gm إلي المعرض فيه بيانات السيارة وخطاب اخر من المعرض إليك وخطاب الإفراج
نصيحة لا تترك نسخة من المفتاح مادمت دافع كاش
و حاول ما تتحركش بالعربية من غير نمر انا عن تجربة شخصية
قالوا لي استلم العربية وبكره استلم الورق
قلت لهم لا استلم العربية مع الورق وادفع جزء من المبلغ موش كل المبلغ
وكمان لما استلمت العربية بورقها في حدود السابعة مساء وانا راجع علي الأتوستراد (ومعرض سمير ريان علي الأتوستراد) وقفتني لجنة عند المعادي ياعني بعد ربع ساعة من إستلامي للسيارة وامين الشرطة قال لي لازم المعرض كان يديك نمر مؤقتة ما ينفعش عربية تتحرك من غير نمر
المهم رحنا للظابط وكان ابن حلال و قال لأمين الشرطة فيما ما معناه اني واضح اني لسه مستلم الورق والعربية بأسمه وراجع علي الأتوستراد ياعني ما ترخمش وعديه

**engahmedsamy** · 26-07-2010 12:23 PM

طبعا روح معرض تاني و الكاسيت Cd clarion

الموضوع: برجاء الافادة

LinkBack

أدوات الموضوع

عرض