حد عنده فكره عن التمويل العقاري

**shaddadfalcon1** · 26-07-2010 02:54 PM

المشاركة الأصلية كتبت بواسطة ahmed4000

تصحيح

حضرتك حتدفع 181 الف مش 81 الف
لان المبلغ المتقسط 200 الف فقط وحترجعهم 381 الف

متفرقش تمن الشركة كام المهم اللى بيتقسط كام

انا فاهم - انا قصدي هدفع فوائد بقيمة 81 الف + ال 100 الف طبعا اللي انا هدفعها مقدمه + ال 200 الف اللي هو هيديهملي

**shaddadfalcon1** · 26-07-2010 02:55 PM

المشاركة الأصلية كتبت بواسطة بحري

لو بيعمل كده فعلا يبقى ممتاز جدا..المهم إن ملكيتها تنتقل للبنك ويحوزها إداريا وواقعيا وبعد كده ينقل ملكيتها لأي حد تاني ويبيعها كاش أو تقسيط مش هتفرق حتى لو في نفس اليوم أو حتى في نفس الساعة

المشكلة يا أبوحمزة إن ساعات في التطبيق نفسه بتحصل تجاوزات وبيكون في تساهل في الإجراءات وترتبيها ..فلو تأكدنا من إنهم بيطبقوا الإجراءات بدقة يبقى شئ جميل حقيقي

يعني هي الفكره كلها في موضوع انه يشتريها باسمه وبعدين يسجلها ؟
يعني لو كان بيكتبها باسمك علي طول وهو اللي بيدفع تمنها يبقي كده حرام !!
انا بفكر معاكو بصوت عالي

**أبو_يوسف** · 26-07-2010 03:02 PM

انت ممكن حضرتك تاخد شقة ايجار لمدة 60 سنة وهاتدفع مقدم لا يتعدى 40 ألف او 50 والايجار هايكون في حدود 200 او 300 ج.. (شقة زي كدا لو تمليك مش هاتقل عن 200 ألف مثلا يعني شقة كويسة)
واعتقد ان 60 سنة كافية جدا جدا كانها شقة تمليك وفي نفس الوقت لو حبيت تسيبها من حقكك ان تساوم مالك العقار او اللي هايجي يسكن مكانك وتاخد اللي تتفقوا عليه.. النقطة دي اعتقد حلال..
وفي نفس الوقت الايجار بعد 5 سنين بالكتير هايعتبر ملاليم حتى وانا كان بيزيد بنسبة هاتكون نسبة ضئيييييييلة جدا.. لان وضع الايجار الطويل دا بيختلف عن الايجار العادي ابو سنة وسنتين..
وبلاش تدخل في اي خطوة الا لما تكون متأكد من انها حلال.. ومتاخدش باسماء البنوك وصفاتها..
تأكد من شكل المعاملة اللي هاتتم معاهم..
وربنا يوفقك للخير..

**أبو_يوسف** · 26-07-2010 03:03 PM

المشاركة الأصلية كتبت بواسطة shaddadfalcon1

انا فاهم - انا قصدي هدفع فوائد بقيمة 81 الف + ال 100 الف طبعا اللي انا هدفعها مقدمه + ال 200 الف اللي هو هيديهملي

لا هو يقصد ال 200 الف الباقين هاتدفعهم 381 غير ال 100 الف المقدم
يعني الشقة هاتوصل ل 481 الف يعني الزيادة هاتبقى 181 الف

**ZALABANY** · 26-07-2010 03:19 PM

أنا شايف افضل حل انك تدفع المبلغ بتاعك مقدم في شقة وتقسط الباقي لصاحب الشقه عندك حدائق الاهرام كلها كده على سنتين و3 سنين وكذلك عباد الرحمن المشاريع الكبيره بيعملوا كده دون الدخول في شبهة قرض او التعامل مع بنك

**aliabutaleb** · 26-07-2010 03:25 PM

المشاركة الأصلية كتبت بواسطة بحري

لو بيعمل كده فعلا يبقى ممتاز جدا..المهم إن ملكيتها تنتقل للبنك ويحوزها إداريا وواقعيا وبعد كده ينقل ملكيتها لأي حد تاني ويبيعها كاش أو تقسيط مش هتفرق حتى لو في نفس اليوم أو حتى في نفس الساعة

المشكلة يا أبوحمزة إن ساعات في التطبيق نفسه بتحصل تجاوزات وبيكون في تساهل في الإجراءات وترتبيها ..فلو تأكدنا من إنهم بيطبقوا الإجراءات بدقة يبقى شئ جميل حقيقي

أيوة يا دكتور هما فعلاً بيعملوا كدة
والعهدة على موظف البنك اللي قابلته امبارح بس في فرع 6 أكتوبر
بس نسيت أستوضح منه جزئية حظر البيع
منطقياً البنك هايحظر بيع الشقة لصالحه وأعتقد دي نقطة خلافية هامة في تحديد إباحة الموضوع على حسب ما سمعت

**shaddadfalcon1** · 26-07-2010 04:11 PM

المشاركة الأصلية كتبت بواسطة zalabany

أنا شايف افضل حل انك تدفع المبلغ بتاعك مقدم في شقة وتقسط الباقي لصاحب الشقه عندك حدائق الاهرام كلها كده على سنتين و3 سنين وكذلك عباد الرحمن المشاريع الكبيره بيعملوا كده دون الدخول في شبهة قرض او التعامل مع بنك

ما هو ياريت الاقي حاجه زي كده وصاحبها يرضي
الفكره كلها الموضوع ده محتاج مقدم كويس وانا عايز اجيب حاجه كويس عشان افوق لنفسي شويه واعمل حاجه لولادي

**shaddadfalcon1** · 26-07-2010 04:15 PM

المشاركة الأصلية كتبت بواسطة timtim

لا هو يقصد ال 200 الف الباقين هاتدفعهم 381 غير ال 100 الف المقدم
يعني الشقة هاتوصل ل 481 الف يعني الزيادة هاتبقى 181 الف

اعندك حق - ده كده بقي الضعف
انا مكنتش واخد بالي خالص

يمكن عشان انا حاطط 10 سنين
لو خلتها 5 سنين المبلغ المبدفوع يبيبقي حوالي 283 الف يعني 83 الف فوائد

**أبو_يوسف** · 26-07-2010 04:17 PM

المشاركة الأصلية كتبت بواسطة shaddadfalcon1

ما هو ياريت الاقي حاجه زي كده وصاحبها يرضي
الفكره كلها الموضوع ده محتاج مقدم كويس وانا عايز اجيب حاجه كويس عشان افوق لنفسي شويه واعمل حاجه لولادي

مانا متهيألي يا باشمهندس اللي يدفع قسط 3180 جنيه شهريا مش هايفوق لنفسه بسهولة..
انا بتكلم بصفة عامة انما لو القسط مش هايضلعك توكل على الله وتحرى الحلال