الموضوع: حد عنده فكره عن التمويل العقاري

المشاركة الأصلية كتبت بواسطة ahmed4000

فى شركات كتير وبنوك بتقدم تمويل عقارى وفى الاغلب هو حلال لانه مش حيديلك فلوس فى ايدك تشترى الشقة

بس مشكلته عامة فى اجرائاته

لازم الشقة تكون متسجلة وان المالك يوافق يقدم الورق المطلوب ويستنى الشركة لما توافق عليه وهما بيمولوك بحد اقصى 80% على الا يزيد القسط عن 40% من الراتب وطبعا اثبات الراتب من الشركة اللى حضرتك شغال فيها او من خلال اى طريقة تقتنع بيها الشركة


بس دى مش دعوة للاحباط لان مدام ناس بتقدر تاخده يبقى حضرتك ممكن تاخده برده وكمان ساعات بتبقى شركة التمويل العقارى نفسها عندها شقق جاهزة تمولها فدى اجرائاتها بتبقى اسهل

وده لينك لمجموعة من الشركات لو حضرتك حبيت تسأل

Untitled ........

متشكر جدا لحضرتك

المشاركة الأصلية كتبت بواسطة tifana2010

السلام عليكم
حكاية التمويل العقارى دى باقساطه حتخلى الشقة أم 300 ألف تقف عليك بـ 500 - 600 ألف تقريبا نتيجة للفوائد
أنا بصراحة شايفة أن حضرتك ممكن تجيب بالمبلغ اللى معاك شقة صغيرة أو فى مكان شعبى رخيص و تكبرها فيما بعد
ولو مش عايز تسكن فيها أجرها و كمل على ايجارها واتأجر فى مكان أحسن لحد ماتحوش و تكبرها شوية بشوية
و تنقلها فى مكان أحسن كده حيكون أوفرلك كتير و أحسبها مع نفسك و ربنا يكرمك و يوسع عليك إن شاء الله

انا فاهم حضرتك

بس انا بالفعل ماجر ومش عارف احوش وكل يوم الشقق بتغلي

انا فاهم ان سعر الشقه هيبقي الضعف بس ده علي اساس اني هستني لأخر المده وده انا مش ناي اعمله

يعني لو انا هقسط مثلا 10 سنيين فانا ان شاء الله مش هكمل 3 سنيين واكون مكمل الاقساط اللي عليا وفي الحاله دي لو هتحسب الفايده اللي دفعتها هتبقي اقل بكتيير من الذياده في سعر الشقه لان الشقه النهارده مش ذي 3 سنيين قدام - فاهم انا عايز اقول ايه؟

يعني انا لو هدفع فوايد 7 الأف في السنه يبقي لو سددت كل اللي عليا كمان 3 سنيين يبقي دفعت ذياده 21 الف بس ساعتها سعر الشقه هيكون ذاد 50 الف


انا اقدر ادفع قسط كبير بس الفكره في المقدم

اللي عايز اسال عليه بقي هل ينفع اجي بعد فتره وادفع مبلغ كبيير من اللي عليا او اسدده كله؟

لما عملت قرض من hsbc قبل كده وبعدين عرفت حرمنيته ورحت اسدده قاللي لازم تدفع غرامة سداد مبكر وقيمتها 2% من قمة المبلغ اللي هتدفعه ودي مش قضيه بالنسبه ليا

السلام عليكم
هوا انا كنت فى نفس الموضوع دا من فترة...... ياه فكرتنى بالذى مضى
المهم انا كنت خلاص تانى يوم رايح لشركة تمويل عقارى... لكن قابلت اشيخ احسبه على خير... قالى الموضوع دا مش حلال لانه ببساطة لا يملك السلعة ولكنه يقرض مال و ياخذها بفوائد.... المهم انا مش هخش فى جدل كتير ... الله اعلم ان كانت الفتوى صح ولا لأ......
وبعدين قعدت احسبها لو اخذت شقة وكان التقسيط حت 10 سنيين ... وجدت انى هادفع تمن لشقة مرة ونصف زيادة او اكتر من كده بشوية.....
س يا سيدى ... ربنا يسر لى بعدها بشقة ظريفة بالتقسيط على سنتين .... والحمد لله خلصت اقساطها...
بس نصحية ابعد عن المووع دا لانك تقعد طول عمرك تدفع فلوس الشقة...

المشاركة الأصلية كتبت بواسطة ahmed4000

ينفع وحتدفع غرامة السداد المبكر برده

وعلى فكرة حتى لو استنت لاخر المدة تبقى كسبان اكتر
لان لو لقيت القسط حتى 4 الاف جنيه دلوقتى تخيل بعد 5 او 10 سنين المبلغ ده حيبقى عامل ازاى

التضخم بيقلله اوى وكمان دخلك باذن الله حيتحسن وفى نفس الوقت الشقة تمنها بيزيد وممكن يبقى ازيد من تمن الشقة بالفوايد لو اخترت منطقة صاعدة

يعنى انا فاكر من 10 سنين اخويا اخد شقة وكان القسط الف جنيه لمدة 15 سنة وده كان رقم كبير طبعا ساعتها لكن دلوقتى يعتبر ولا حاجة

بالظبط كده
شوف الموقع ده كده بتاع شركة املاك بيتيهالي ليها شغل كتيير في مصر

http://www.amlakfinance.com/egypt/ae...id=19&Itemid=4

لما قلتله هدفع 100 الف وعلي 10 سنين والشقه سعرها 300 الف لقيت المبلغ الكلي اللي هدفعه 381 الف يعني حوالي 81 الف ذياده

والله انا اتشجعت قوي للموضوع ده بجد وشكلي كده هدوس فيه
انا الحمد لله كمان سنه مش هيبقي عندي اي التزامات في الشهر وغير كده مرتبي بيذيد كل سنه بمعدل حلو جدا يعني زي ماحضرتك قلت هيبقي القسط ولا حاجه

وخد عندك الموقع ده علشان يحسبلك قيمة الوحدة و الاقساط و ههتقف عليك فى الاخر بكام
بنظام حاسبة التمويل العقارى
http://www.iinvest.org.eg/icons/calculators.html