مشكلة زجاج الكهرباء جديدة

**mfs** · 26-07-2010 11:45 AM

سلام عليكم
بالنسبة للزجاج الكهربا فى الباب الشمال جانب السائق الازاز بينزل من الزرار و لكن مبيطلعش تانى بس اقدر اطلعه من الكونسول الرئيسى يعنى كده المكنة المفروض سليمة و المجرى بتاع الازاز برضه سليم يعنى المشكلة انحصرت فى الزرار قلت افكه و انضفة باسبراى بتاع تنضيف الموبيلات و الاجهزة الالكترونية و لكن برضه مجبش نتيجه لقيته بيطلع اول مرة و بعد كده مبيطلعش

فكيت الوحده كلها بتاع الزرار و لقيت بلاستيكة بيضة هى اللى مسئوله عن طلوع و نزول الشباك و ليها 3 حركات
1- حركة للخلف لنزول الازاز
2- فى النص و دى مبتعملش حاجة زى المور كده
3 للامام عشان الازاز يطلع و الحمد لله شغاله بس يدوى من غير زرار و ساعات بتهنج كده

هل مثلا احطلها نقط زيت عشان متقفش كده و لا الزيت ممكن يأثر على الدائرة الكهرية حيث ان الاسبراى برضه وقتى و ترجع لحالتها

اسف للاطالة و اتمنى حد يكون عنده حل يفيدنى عشان كل الكهربائية يقلك نضفه و خلاص و يكسل يفتح الزرار

**احمد المصرى** · 26-07-2010 11:48 AM

الزرار فى قفله وعايز يتظبط روح لاى حد بتاع زجاج كهرباء وخليه يعملهولك هياخد حوالى ربع ساعه وهيتكلف حوالى 10 جنيه بالكتير اوى

**احمد المصرى** · 26-07-2010 12:41 PM

المشاركة الأصلية كتبت بواسطة mfs

متشكر على الرد السريع و لكن استفسار صغير
لو فيه قفلة مش كان المفروض ميشتغلش خالص او ان البلاستيكة الصغيرة دى متطلعش الازاز خالص ؟

لا هتلاقيه بيعلق بتحصل عندى كتير وبروح اصل المفتاح وخلاص الموضوع سهل بس عايز واحد محترم يعمله

**hon** · 26-07-2010 11:01 PM

السلام عليكم ورحمه الله
أنا كان عندى المشكلة دى عن تجربة
الازاز ينزل وميطلعش الا بخبطة على الباب
الحل لو حتستسهل غير ماتور الباب
الحل الاكيد =كهربائى شاطر يفك ماتور الزجاج ويغير شربون الماتور حتلاقى شربونين متاكلين وشكرا

**احمد المصرى** · 27-07-2010 07:54 AM

المشاركة الأصلية كتبت بواسطة hon

السلام عليكم ورحمه الله
أنا كان عندى المشكلة دى عن تجربة
الازاز ينزل وميطلعش الا بخبطة على الباب
الحل لو حتستسهل غير ماتور الباب
الحل الاكيد =كهربائى شاطر يفك ماتور الزجاج ويغير شربون الماتور حتلاقى شربونين متاكلين وشكرا

العيب عند الراجل دا مش فى المكنه ولكن فى الزرار نفسه والعيب عيب زرار مش عيب مكنه

**hon** · 28-07-2010 01:18 AM

انا قبل كدا نظفت الزرار دا وفكيت العلبة البيضة دى وحتلاقى تحتيها نحاسات كدا زى الشرايح وهى دى الى بتتنظف عشان بيبقى عليها أوساخ مش بتخلى الزجاج يقفل
بس خلى بالك الشرايح النحاسية دى ضعيفة جدا حلى بالك أحسن تقطمها بحرص شديد ونظف بمادة منظفة الى انتا عاوزها بس بحرض