الموضوع: مشكلة غريبة في التكييف

المشاركة الأصلية كتبت بواسطة faron525

بعد اذن صاحب الموضوع ... انا لي استفسار بخصوص التكييف بردة وهي اني بعد ما بشغل التكييف لمدة ساعة تقريبا بلاقي مؤشر الحرار ارتفع عن المعدل الطبيعي ولو طفيت التكييف الاقي المؤشر رجع طبيعي تاني !!!!!!!! ياتري ايه الحل

الصبح دور العربية و سخنها كويس لحد ما الامبير بتاع الحرارة يوصل للمعدل الطبيعي بعد كدا شغل المكيف هتلاقي المروحتين اشتغلو بس مش جامد ،، هتستنى شوية لحد ما المفروض تلاقي المروحتين اشتخلوا بسرعه اعلاً من اللي كانوا شغالين بيها

لو المروحتين ما اشتغالوش على السرعة التانية (الاعلى) يبقا في مشكلة في كونيكتر الحرارة الخاص بالمروحة ( سينسور التحكم في سرعة المراوح) . ولازم يتشيك عليه و على الكتاوت كمان

طب دلوقتي أحنا بنتكلم في ان الحراره بتعلا اساسا مع التكييف بس ؟؟؟

1- ده ممكن يبقا سببه ان فيه مشكله في الصبابات ... ممكن تغير كاوتش و خلافه (خد بالك ان الكمبريسور حمل على الموتور و حمل مش عادي)
2- ممكن يبقا سببه بردوا ان الزيت عندك ناقص .
3- ممكن يبقا سببه ان ترموستات الحراره اللي جوة الموتور بتشاور عقلها ، (هو في حاجه اسمها الترموستات بتشاور عقلها يا عم الحاج) اقوله أأه ممكن ده بيبقا نادر جدا بتلاقي فيه شرخ بسيط في عمود الحراره اللي بيخلي الترموستات تفتح علشان تخرج المية على الرادياتير و بيكون شرخ بسيط جدا لما انت بتشغل المكيف الحمل بيزيد و الموتور بيسخن اكتر يروح مسخن في الترموستات زياده تروح قافله خالص متعديش المية ، لانها تكاد تكون بتفتح و المكيف مش شغال لكن لما الحمل يزيد و درجة الحرارة تزيد المشكله تظهر .
4- لو الرادياتير من جوة مسدود يعمل المشكله دي بردوا و ده علشان عدم كفائة تبريده للمية اللي ريحاله للموتور في حالة تشغيل حمل (الكمبريسور).

و الله و رسوله اعلم