حد يعرف سير الكاتينه بيتغير على كام كيلو فى f3 1600?

السلام عليكم ورحمة الله وبركاته

حد يعرف سير الكاتينه بتاع البى واى دى f3 1600cc بيتغير على كام كيلوا اصل انا بصراحة مش بتعامل مع التوكيل لان مواعيد فرع العباسيه متناسبنيش خالص و انا بتعامل مع اى صنايعى بره التوكيل اصلى بقالى فترة كده لما اجى ادور الصبح اسمع زى صوت صفارة بتاع سير فى الجانب اليمين من اودام فى العربية بس بتروح على طول انا مش عارف ده سير الكاتينه ولا سير الدنامو ولا ايه مع العلم ان العربية عاملة 23000 كيلو لحد دلوقتى حد ده يعرف ده ممكن يكون صوت ايه او السيور بصفه عامه بتتغير على كام كيلو 0
جزاكم الله خيراً

السيد الفاضل سير الكاتينه بيتغير على 40000 فى التوكيل وهو مكتوب على علبه السير بالتوكيل و يفضل تغييره بالتوكيل

اما صوت الصفاره فهو من سيور الدينامو والتكييف ويمكنك مراجعتهم بمعرفه احد المتخصصين فى كهرباء السياره

ربنا يكرمك يا اخى و متشكر جداً على الرد السريع بس تفتكر اقعد لحد ال40000 الف ولا اروح قبلها مثلا على 35000
مع الشكر

اقتباس:

---

المشاركة الأصلية كتبت بواسطة ahasan

ربنا يكرمك يا اخى و متشكر جداً على الرد السريع بس تفتكر اقعد لحد ال40000 الف ولا اروح قبلها مثلا على 35000
مع الشكر

---

لا تفرق بس الافضل تذهب في الميعاد ويستحسن عند 38000
ولكن اكشف على السيور الان

احب ان اضيف ان سير الكاتينة لايتغير فقط بمقياس الكيلو متر ولكن بالمدة اذا مر على السيارة اكثر من ثلاث سنوات ولم تصل الى ال 40 الف كيلو يجب تغيير سير الكاتينة وهذا ماعرفته من توكيل دايو ويجب تغيير سير الكاتينة فى التوكيل ولكن كثيرون يهربون من التوكيل لان صيانة التوكيل تصر على تغيير كل السيور البور والدينامو والتكييف وبرغم عدم ارتفاع الاسعار للسيور ولكن سعر المصنعية هو ما يفرق