ياريت حد يقولى اركب جنوط كام للفيستا 96 و هل من الممكن اركب تكيف للعربية دى وفي

**ahmedmansour82** · 26-07-2010 12:48 PM

ياريت حد يقولى اركب جنوط كام للفيستا 96 و هل من الممكن اركب تكيف للعربية دى وفيين وبكام وايه افضل مقاس كوتش

**aYaBooY** · 26-07-2010 06:38 PM

الف مبروك العربية الاول
بالنسبة لمقاس الجنوط سيبها على فبريكتها و اعتقد انها نفس المقاس الي عندي 13 و ده عموما بيديلك ثبات كويس قوي قوي و ديه سمة فورد
موضوع التكييف و ده شغلانة و بيكون حمل على الموتور ( بس طبعا مع الحر مش مهم الموتور ) العربية عندك المفروض انها مجهزة تكييف و ده معناه انك مش هاتغير حاجة فيها انت هاتزود عليها
تكييفات الفورد كلها مش عالية الاداء و ديه سمة مشتركة في كل تكييفات العربيات الاوروبية المنتجة في نفس الفترة و من هنا اعتقد مش اكتر من اعتقاد انك لو ركبت تكييف نفس مواصفات الي راكب في الكيا برايد العصفورة هايشتغل عندك كويس علشان الموتور نفس السعة الترية و اعتقد ان عزم الموتور الفورد اكيد اعلى و حجم الصالون الداخلي تقريبا واحد
يبقي انك تعرف ان تركيب تكييف في عربية بيكلف في حدود 2000 جنيه

**mo_elshama3** · 05-08-2010 11:47 PM

العربية دي كانت معايا و لسة بيعها هي طبعا عربية جمده جدا وربنا يبركلك فيها
في رأي العربية دي فيها مشكلة واحدة بس ان ماتورها 1100 س س و ده قليل عليها جدا وخصوصا ان العربية وزنها تقيل
فلتكيف هيبقى تقيل اوي على الماتور مش هيى دي المشكلة
المشكله هي ان التكييف هيسخن الماتور فلازم تغير الردياتير بواحد اكبر اعتقد ان ردياتير الفيستا 1300 ممكن يركب
اديني فرصة اشفلك الوضوع ده واحاول ارد عليك في اسع وقت