طب خلي بالك لاحسن الراجل الطيب اللي لابس ابيض في ابيض يمسكك ..... ساعتها هتبات في الحجز مع ناس نوتي جدا :)
عرض للطباعة
لأ متقلقش يا باشا انا بمشي بالعربيه بتاع 2 كيلو في اليوم عشان اجيب والدتي و الحمد لله مش بطلع طرق سريعه و لا حاجة عشان شايف ان انا لسه مبتدأ و شكرا على النصيحه :(
اول عربيه سوقتها لانوس 99
128 1300cc model 1989
لادا 2105 1200 cc والعربية دي كانت بتقفل عدادها وبتجيب 160 وطلعت من بروتن ويرا والله
فكرتني بالذي مضي و اول تجربة هباب
كانت عربية الوالد تويوتا كريسيدا 1982 و مكنتش كملت 10 سنين و من ورا والدي سابني في العربية و نزل يشتري حاجة
نفذت كل الخطوات النظرية صح، دوست دبرياج ...جبت الأول .... دوست بنزين و طاااااااااااااخ في العربية اللي قدامنا و أعتقد انها كانت نيسان سيدرا بتاعت زمان !
و علي الحظ العربية اللي قدامنا كان فيها طفل عمرة سنة مثلا و نايم و صحي من الصدمة يصرخ !
طبعا عربية 2000 سي سي و كبسة بنزين غشيمة خلتها نطت من مكانها
بس ستر ربنا أن عربيات زمان كانت متصنعة من هياكل دبابات فالخبطة مبانتش لا في دية و لا في دية و لحد النهاردة ابويا ميعرفش الجريمة اللي انا ارتكبتها في حق الطفولة النائمة
و من يومها كل ما اركب عربية تويوتا أتحسس مسدسي !
125 استيشن كانت وحش تقريبا مكناش بنحتاج عربية نقل ننقل بيها عفش البيت