اول عربيه سوقتها في حياتك

**ahmed2y** · 27-07-2010 10:48 AM

اول عربية سوقتها ال فيات 132 كنت اعدادى ثانوى مش فاكر المهم والدى فى الفترة دى اشترى مع الفيات فلوكس كان يروح الشغل الصبح بالفولكس وانا وراة انزل للفيات اعد اطلع قدام وارجع وار محدش علمنى سواقة وبعدين بقيت اخرجها من مكانها واخدلى لفتيين بس المشكلة بقى لو جة حد وانا برة وركن مكانى ههههههههههههه كانت دى بقى المشكلة اعد استناة لحد ما يمشى عشان احطها تانى مكانها عشان الحج ميعرفش وساعات مكنش الى ركن مكانى يجى احطها فى مكان تانى وكانت بتعدى ايام يا ريتها دامت

**devilishtigers** · 28-07-2010 08:09 PM

اول عربية كانت ال 127 وكنت بحبها اوي انا كنت بتعلم السواقة مع نفسي من اول ما كان عندي 16 سنة وكنت بسوقها تحت البيت حوالي 8 او 10 متر وفي يوم لقيت والدي بيقولي انزل سوق مكاني وكنا في 6 اكتوبر من حوالي خمس سنين.
ولغاية دلوقتي بحبها جداااااااااا
وندمان اني بعتها

**salahlanser** · 28-07-2010 11:21 PM

اول عربيه فيات 124 بتاعه الوالد ياااااااااااااااااااااااا ااه ايام
افتكر انى كنت هاخبطه بيها وهو واقف ادامى وانا بطلع راحت العربيه نطت منى فى اتجاهه هو ربنا يديله الصحه ماركبنيش تانى بس انا
بقيت اخدها من وراه ولحد ما الواحد اتعلم السواقه
وانا بسوق من وانا عندى11سنه يعنى بقالى 19 سنه بسوق يا ريت ترجع الايام الحلوة ده تانى