مواقف استفزازية فى رحلات ترفيهية

**attiaahmed** · 26-07-2010 06:00 PM

كنت عايز نشرك بعض فى موضوع يتعلق بأى موقف حصل لاى حد فينا
وهبدأ بموقف حصلى
كنت جاى من الشغل حوالى الساعة 9 ص وهروح تانى الشغل فى نفس اليوم الساعة 1 ظهرا وليا طلب فى القاهرة ؟
وانا ماشى طبعا بسرعة 160 ك علشان الحق اجى اريح ساعتين ولا حاجة وكنت على طريق بلبيس السلام ففى عربيتين نقل واحد بيعدى من التانى رحت واخد اقصى اليمين وانا بنفس السرعة . وبطرف عينى لمحت الراجل بتاع الرادار كان مستخبى فى وسط الشجر طبعا كنت قريب منة جدا وصوت الريس رعبة لمحتة فز من على الكرسى .
المهم قلت لنفسى اكيد هيوقفونى فى الكمين رحت راكن وركنت الريس وقولت اشرب سيجارة على ما تفرج .
وفجأه لقيت امين شرطة جالى بالموتوسيكل بتاعة وقالى رخصك ؟ طلعتلة الرخص قالى تعالى ورايا فرحت وراة للضابط وبدون اى مقدمات لقيتة بيقولى ادفع 400 ج ضحكت وقولتلة اية السبب ولية 400ج مع العلم انك موقف سيارات تجاوزت السرعة واقصى واحد دفع 150 . راح ضاحك بسخرية وقالى والراجل اللى اترعب دة اعمل معاة اية : المهم اجيبة شمال اجيبة يمين لحد معرضت علية 200ج مرضيش يدينى الرخص ابد وطبعا سحبهم وادانى ايصال وكتب علية البنود اللى تودى فى دهية دى ( سرعة 120 +بدون خوزة + التهرب من الكمين اثناء الضبط + تعطيل المرور )مع العلم ان الحاجة الوحيدة اللى حصلت هة السرعة ليس الا .
المهم اللى انا عايز اقولة من الموقف دة ان اى حد فى مركز قوة بيحاول يزبح اللى تحت ايدة بدون اى رحمة ومفيش للاسف حد بيحاسبة............. واسف على الاطالة اصلى متغاظ جدا من اللى حصل

**hassan_gost** · 26-07-2010 08:02 PM

( سرعة 120 +بدون خوزة + التهرب من الكمين اثناء الضبط + تعطيل المرور )
بيع البيك احسن على كده :d
الواحد مش عارف يقول ايه..بس هما كده معظمهم ابن تيييييييييت

**Adel.Nasr** · 26-07-2010 08:16 PM

دا عيب الحكومه المصريه كل واحد بيحاول بسط نفوذه وتسلطه لأبعد حدود بدون مراعاه لمشاعر الأخرين و المشكله عشان تسلم منهم لازم يكون معاك واسطه (لنا الله )بس دا ميمنعش إنك كنت ماشي سريع . ربنا يكفيك شر السرعه

**attiaahmed** · 26-07-2010 08:42 PM

ربنا فوق الجميع

**mohamedtiger** · 26-07-2010 11:47 PM

عموما اى ضابط بيشوف واحد راكب موتوسيكل يبانى بيبقى عايز يرخم عليه ولما يلاقيه معاهوش واسطه بيبقى نهاره اسود............ههههههههههههههه ههههههه انا والله وقفنى ضابط على الدائرى فى كمين المرج وانت جاى على موقف العاشر وكنت لابس الخوذه ولابس جوانتى ولابس البوت وملتزم بالسرعه وساب 5 موتوسيكلات صينى يعدو بدون خوذ ووقفنى مخصوص عشان الاسكرينه بتاعت الخوذة مفيمه وقالى ارفع الأسكرينه يا خويا خلينا نشوفك عاملى فيها امريكانى..............هههههههههه هه طبعا فى الأخر مشيت لان رخصىكانت سليمه وكله تمام ولكن هو كان عايز........ وخلاص

لقد خالفتم القاعدة 9 أ مما يوجب انذاركم و وقفكم يوم بعد التخفيف

مشرف 5 ب

11:55 مساءا

26 يوليو 2010

**KHALED2010** · 27-07-2010 01:56 AM

والله عندك حق انا بتحصلى كتير وبقول الحمد لله .......بس لما الموضوع بيدخل فى الجد بكلم محمد اخويا فورا :::::بيخلصلى الموضوع بسرعه......

**zoom2zoom** · 27-07-2010 02:34 AM

انا حصلت معايا في مره في شارع احمد سعيد ايامها كنت راكب 900 والنمره اللي ورا كانت وقعت وانا شيلتا في الكرسي وصوت الشكمان كان عندي مزعج اخر حاجه المهم وقفت اشتري حاجه ولسه بمشي حوالي 200 متر راح موتوسيكلين شرطه وقفوني وطلبوا الرخص انا طبعا لحد يومنا هذا ماشي برخصه قياده خاصه طبعا سحبها وكتبلي 4 بنود زي الفل ( بدون خوذه / رخصه لاتجوز / بدون لوحه خلفيه / انوار مبهره عشان كانت زينون ) وحاولت اراضيه مفيش لانه كان نقيب وظابط راكبين انزومـــــــــــا طبعا هو االلي غاظه الصوت وبعدين انا امبيري 300 هو امبيره 240 اكيد دي زعلته ههههههههههههههههههه المهم روحت اسال اجيب الرخصه لاقيت غرامه 885 جنيه والحمد لله خلصت الحوار بمبلغ تافه جدا وانا اللي قطعت المحضر بايدي كماااااااان عشان ربنا وقف معايا ناس ولاد حلال اوي وبعدها باسبوع اتقفشت سير عكس الاتجاه في المهندسين وانا خارج من الشغل وحظي الاسود اني كنت خارج وقت موكب وزير الداخليه لانه ساكن ورا المطعم علطول وكنت هلبس قضيه بس الحمد لله طلعت منها برضه بغرامه دوران في الممنوع
واخر كلامي بعد الاطاله ان اللي امو بتدعيلو احسن من اللي امو بتديله 00000000000000

**KHALED2010** · 28-07-2010 12:32 PM

حصلت مرة معايا بس بالبايك الصينى على الكوبرى ال بيودى على جامعه الدول كنت ماشي بالبايك الصينى وجايب اخره 90 ك مبيجبش اكتر من كده المهم جه جمبى امين شرطة فضل يلعب معايا ويلف من حوليا وانا اقول فى سري انتا بتستعرض عليا طب وربنا لاوريك ........انا طبعا شغال طيار فى مصر الجديدة دليفرى بمعنى اصح بس على فكرة شغلانه مؤقته المهم قمت جايب الرابع وحارقه على الاخر لحد ماوصلت ل 100 ورجعت الخامس المهم فضلت اناوره بين العربيات على سرعه 100 تقريبا اول لما الطريق يفضى يقوم مقرب منى من ورا اول لما احس انوا قربلى خلاص اقوم دايس فرامل ورا تقوم العجلة تصرخ هوا يتخض ويفرمل جيت عديت من عربية وهوا كمان داخل ورايا بلا نقاش قامت العربية رمت عليه سنة بسيطة هوا اتخض و لان الشنطة بتاعته خبطط فى العربيةو اتكسر منها جزء اتضايق منى من هنا لهنا وهيا كانت فى البداية بنلعب مع بعض قام مشغل الفنار وكلمنى فى السرينة ال معاه انى اقف قمت واقف على جمب .........قالى رخصك من هنا لهنا اقوله دحنا كنا بنهزر وهوا مافيش معرفش قلب عليا فجاة من هنا ل هنا خد الرخصة وقالى تعالى ورايا .....قولتله بس ماتجريش وانا ماشي وراه كلمت محمد اخويا وقولتله مكانى فين واحنا رايحين فين قالى طب اقفل دلوقتى........المهم قفلت وشوية وكلمنى قالى هتروحوا على معرفش نقطة ايه كده تبع وحدة مرور ايه قالى اسال على الضابط فلان الفلانى وقوله انا اخو الملازم محمد ال هوا اخويا يعنى المهم روحنا وانا داخل على الضابط بضحك بيقولى بتضحك لى ياخفيف فبدارى الموقف وبقوله اصل مش لاحق ال خد من الرخص وجيت على العنوان ال خدته من اخويا قالى انتا خالد ......قولتله اه قالى خد الرخص واخوك بيقولك روح علشان ابوك مسافر وانتا هتسافر معاه الامين ال سحب منى الرخص كان هيعيط وهوا واقف .......قمت مسلم على الامين وقولتله هوا انتا بتحطلها كام كيلو زيت وعلطول مااديتوش فرصه يتكلم وقولتله سلام عليكو وقمت مروح واخد كلمتين من ابويا فى البيت بس قشطة عدت على خير ...........

**KHALED2010** · 27-08-2010 09:47 PM

النهارده رخصتى اتسحبت العصر وكانت معايا بعد الفطار والبركة فى ربنا وصاحب الصورة ال معايا فى التوقيع ............اخى العزيز

**otefa** · 28-08-2010 01:41 AM

واضح ياخالد أن أخوك ملازم بس شاااااااااااطر جدا

الموضوع: مواقف استفزازية فى رحلات ترفيهية

LinkBack

أدوات الموضوع

عرض

-

-

-

-

-

-

المواضيع المتشابهه

كمبيوتر رحلات الاوبترا

صور1 رحلات فريق عمر الصياد-رحلات تسقيط من المكس مع الدرافيل 4/6/2012

رحلات عمل ,,, مغامرات وخبرات

احلى سماعات ترفيهية من شركة سامسونغ

رحلات صيد...!!!

الكلمات الدلالية لهذا الموضوع

المفضلات

المفضلات

ضوابط المشاركة