مفتاح اللوجان الاحتياطي ضاااع

**hamadagado** · 26-07-2010 07:09 PM

ازيكم يا عمالقة اللوجان الكرام
بجد المنتدى رائع و استفت منه كتييير جداا الف شكر ليكم على مواضعكم الرائعه و المفيده جدااا
انا عندي عربيه لوجان هاف ابشان
انا ضاع منى مفتاح من المفتاحين و قريت هنا ان عشان اعمل مفتاح تاني في التوكيل هتكلف 700 جنيه تقريبا
و ممكن اعمله برده مثلا في محل عزب للمفاتيح في السودان ب 150 جنية
و انا فضلت اني اعمله بره ارخص و اناس قالتلي مفيش فرق
فكلت محل عزب قالي انه هيحتاج يفك حاجه اسمها الـImmboliser
فسؤالي هل فك الـImmboliser هيطلع من الضمان ولا لأ عشان انا لسه فضلي كتير في الضمان

يا ريت حد يرد عليا بسورعه عشان انا لازم اعمل نسخه من المفتاح في اسرع وقت

**amr.elsayed** · 26-07-2010 07:37 PM

اولا اسأل تانى فى التوكيل عن سعر المفتاح علشان 700 جنيه دة من سعره من فترة .. الله اعلم حاليا بكام .. ماعنديش خلفية عن سعره والله
ثانيا انا عن نفسى ماعرفش الامبوليزر فى اللوجان شكله ايه ... لكن معلوماتى ان الامبوليزر بيكون زى حساس او كارتة زى كارتة الكومبيوتر
ثالثا انا عن نفسى اخاف اعمل حاجة زى كدة خارج التوكيل مش علشان الضمان بس لأ علشان ممكن الصنايعي دة يعك ويبوظ حاجة تانية بدون قصد بالذات انها حاجة انا مش عارفها
رابعا الاختيار الافضل هو التوكيل بدون الدخول فى متاهات وتكهنات واسأل عن السعر الاول وحاول تدور كويس على المفتاح الضائع كويس وربنا يوفقك ان شاء الله

**hamadagado** · 26-07-2010 07:49 PM

شكراا جداا استاذ عمرو على ردك و نصيحتك
يعني ممكن يكون اكتر كمان من 700
و انا هسأل ان شاء الله التوكيل و هقولك
بس ياريت الجرب التوكيل و جرب يعمله بره يقولنا هل في فرق و بره ممكن يبوظوا حاجه ؟؟
و اليعرف موضوع الـImmboliser يقولنا عليه بردوا ؟؟؟

**jericho** · 26-07-2010 08:12 PM

اتوكل علي الله واعمله في التوكيل العربية لسه جديدة ومش ناقصة حد يلعبلك فيها التوكيل اضمن وانضف وكفاية راحة بالك لما تعملوا في التوكيل

**yaserbasha2000** · 26-07-2010 08:28 PM

طب المفتاح ضاع ازاي
يعني انت مطمئن انه مش ممكن يكون وقع في ايد حد ممكن يستخدمه مثلا
انت ممكن تحتاج تغير تكويد الامبولايزر وتغيير تكويد المفتاح اللي معاك كمان قبل ما تعمل مفتاح جديد

**hamadagado** · 26-07-2010 08:50 PM

@jericho
صح بس فرق السعر كتير اوي و بره ارخص بكتييير و ناس بتقول مجربين بره و مضمون

@yaserbasha2000
هو الاكيد ان شاء الله انو يكون ضاع يا اما في البيت ( و انا دورت كتير في البيت من ملقتوش ) يا اما ضاع بره البيت بعيد و ربنا يستر

ياريت الجرب يعمل مفتاح بره يقولي في فرق عن التوكيل ولا ايه ؟؟