مصر اختارت الجمبري .....هو أنا فعلا مزودها

**Ahmed Samy** · 26-07-2010 07:21 PM

حالا لسة شايف اعلان أنا شايفه نستفز ليا لأبعد الحدود مع ان كل اللي حواليا مش معايا

نص الإعلان : مصر كلها اختارت ...عملتوها يا مصريين ...مصر اختارت طعمها ...مبروك عليكو يا مصريين

مش عارف ليه حسيت ان الصوت ده صوت خارجي مش من مصر و بيتريق علينا و بيستهبلني أنا شخصيا

لقطات الفرحة في الشوارع عند ظهور نتائج انتخابات الشيبسي و ضرب البومب و القفز و التنطيط مازالت مستفزة جدا

انا حاسس اني مزودها بس فعلا انا اتنرفزت وشتمت الإعلان شتيمة و حشة و أهلي جنبي من فرط غضبي و كلهم بصولي باستغراب و مش فاهمين ايه اللي جوايا

هو بقى اخرنا نبقى بلد شيبسي

و بالجمبري كمان

حد فاهمني و لا أنا فعلا مزودها

**yse** · 26-07-2010 07:28 PM

انا بيتهيألي اني فاهم حضرتك
وان حضرتك اللي عايز توصله ان الصوت الخارجي ده بيضحك علينا

وبيين ان اخرنا نختار طعم شيبسي لا اكتر ولا اقل

مافيش اختيار في حاجة جد او ليها معنى وكمان صورة الفرحة اللي في الشوراع بتدل على ان لو الشعب كده فهو شعب تافه علشان يفرح الفرحة ديه لطعم شيبسي مش انجاز مهم يعني

ولكن مافيش فايدة البلد وقعت من زمان وشكلها كده مالهاش قومة تاني يادكتور

**Eng_Mostafa_89** · 26-07-2010 07:34 PM

اعلان سخييييييييييييييف جدا
وبرضة نفس احساسى ان الاعلان دة معمول للتريقة مش اكتر

**yoko** · 26-07-2010 07:38 PM

كويس إنكم نبهتوني عشان مشفوش

**أبو عبدالله** · 26-07-2010 08:02 PM

انت لسه بس واخد الموضوع متأخر
يا حاج احمد الموضوع زايد من زمان ولكن انتبس ركزت دلوقتي او ممكن مشوفتش الا دلوقتي فحسيت لأنك اخدت بالك او ركزت
الأعلانات كلها مستفزة وفيه اعلانات انا بعتبرها شتيمه في مصر علناً وصريحة جدا جدا
ولكن هل من متابع ومستمع له عقل
للأسف
احنا مستوانا بقه متدني جدا جدا جدا
والهيصه في الهايفه ولو مصاصة بقت وطنية وبتاع
ولا حول ولا قوة الا بالله

**mahmoudbadr** · 26-07-2010 08:25 PM

نفسى بس أسأل هو مين اللى إختار و مين اللى إهتم بالإختيار

السخيف دة

طالما لا أنا و لا حضراتكم إختار

بس كمان العيب على فنانين و رياضيين

ييجى يقولك طعم البطيخ و اللى يقول لك طعم مش عارف إيه حاجات تقرف

ولا هي الفلوس و بس

حسبنا الله و نعم الوكيل فى كل من يسفه ولا يتفه الشباب

يخلى كل إهتماناتهم إن كان ليهم إهتمامات ..............فى تفاهات

و يضللهم وينضحك عليهم

**kemoelord** · 26-07-2010 08:36 PM

طيب يا جماعه كويس انهم بيسالونا على الطعم الي احنا عاوزينه , اسمها انتخابات او اختيارات نزيهه مش احسن لما احمد عز يقولك هو الي يقرر بطعم ايه ههههههههههههههههههه حضرتك اساسا يا استاذ احمد تقريبا بنسبه 75 % مين الي بيتذاع في التلفزيون مستفز واخر قلة ادب وسفاله واستهبال واستخفاف بعقول الناس يعني معلش الموضوع مش هيجي اكتر من موضوع اعلانات ميلودي افلام والمسخره الي بتحصل من هبل وهطل حمزاوي افندي ,, يلا حسبي الله ونعم الوكيل