الموضوع: كنت هاعمل حادثة على الدائري أمس

ألف شكرا يا جماعة
شكرا للسادة الأفاضل
سعداوي ... حميدو .... فهد .... الدكتور أحمد ... عبد العزيز وليد .... أوسكار .... اسلام المصري ...محمد عرابي .... علا عثمان ..... حازم خضر
---------------
على فكرة مكنش فيه تصوير و لا حاجة علشان الطريق كان شبه خالي من السيارات و لم يكن خلفه غيري ..
أنتوا فاكرين المسافة اللي أنا كنت سايبها دي كانت هاتفضل لو فيه شوية بهايم حواليه ؟؟؟؟؟؟؟؟؟؟؟؟؟؟؟

الحمد لله على كل شئ و ربنا يستر طريقنا جميعا

الحمد لله على سلامتك يا توت.

كويس إن الطريق كان فاضى وإلا الـ 150 متر دول كانوا إتحولوا لـ 150 عربية بينك و بينه!!!!

المشاركة الأصلية كتبت بواسطة اسلام المصرى

, قالى أنا أسف جدا جيت أفرمل مالاقيتش فرامل!!!! الله أعلم الكلام ده صح و لا لأ .

كداب فى أصل وشه

حكاية الأعذار العبيطة الغير قابلة للتصديق دى بقى الواحد يسمعها ليل نهار

واحدة ماشية تضرب غرز يمين وشمال وبعدين تخبط لك العربية وتنزل تكلمها تلاقى واحد ابن حلال طلعلك من تحت الأرض يقول لك اصل الكاوتش بتاعها نايم، وبعد ما انت للحظة تحس بالذنب وتسيبها تمشى يعود لك عقلك وتقول "كاوتش ايه اللى نايم وماله ومال غرز باريس داكار اللى الهانم كانت بتعملها"

واحد عمال يزمرلك بأسلوب مستفز وقليل الأدب ، وبعدين لو كسرت عليه ووقفتة يقول للك معلش اصل الكلاكس معلق، مال تعليق الكلاكس ومال اغنية "يابن ال...." اللى كان بيعزفها بالكلاكس

واحد يطبقلك الاكصدام وبعدين يقوللك اصل ما فيش فرامل

ده شعب كداب وسافل وعايز حرقه يا راجل بلا زبالة، بعد كدة اللى يقوللك الفرامل بايظة هات الكوريك ودش له القزاز والفوانيس وقول له معلش اصل الكوريك بايظ

المشاركة الأصلية كتبت بواسطة sab3aawy

ده شعب كداب وسافل وعايز حرقه يا راجل بلا زبالة، بعد كدة اللى يقوللك الفرامل بايظة هات الكوريك ودش له القزاز والفوانيس وقول له معلش اصل الكوريك بايظ

شكلك متغاظ أوى يا أستاذ سبعاوى..

المشاركة الأصلية كتبت بواسطة GoldenManEye

شكلك متغاظ أوى يا أستاذ سبعاوى..

مهى حاجة تشل يا راجل ، اصل كون واحد يؤذينى بالكلاكس او بصدم سيارتى او بشكل مادى، فده شئ اصبح واقع وبيحصل، لكن كونه بعد كدة يحاول يعدى بعملته بالإستعباط ومحاولة الإستكراد فده انا شايفه منتهى الإهانة ، لأن معناها ببساطة ان الافندى وللا الهانم اللى عمل فيا كيا شايفنى كائن كروديا صالح للإستقفاء والاستكراد، ودى حاجة تحرق الدم، لأن شيئا فشيئا حسن النية بينقرض من كل اصناف التعاملات، لو حسن النية اختفى من كل الشكال التعامل بين الناس يبقى هنعيش فى غابة ، ودة مش مجرد كلام فلسفى لكن محدش مننا يقدر يتحمل تبعات العيشة فى مجتمع اختفت منه تماما كل معالم التحضر

المشاركة الأصلية كتبت بواسطة hazem_khidr

الحمد لله علي سلمتك يا توت باشا .
انا اول امبارح ماشي في الشارع و جنبي عربيه نص نقل و فجأه البيه قرر نه يحدف يمين عليا علشان في نقره قدامه يا عيني.
يقوم علشان يفادي النقره يدخل فيا انا بس الحمد لله اخدت يميني في اخر لحظه .

نفس الموقف بالمللى حصل معايا من 3 ايام بس المره دى حدف على الشمال (رغم ان يمينه فاضى تماما وانا جاى طاير على الشمال) بس اللذيذ انى لما ضربت كلاكس طويل (ده هنا - فى السودان - معناه "ايه يا حمار اللى انت عملته ده) فتح الشباك وبيقوللى "لقيت قدامى حفره اعمل ايه يعنى" رغم اننا بالنهار ... والحفره دى معروفه فى الشارع ده .... واليمين كله فاضى ... وهو اساسا ماشى بشويش كان ممكن يفرمل !!!!

حمدالله على سلامتك ,