المشاركة الأصلية كتبت بواسطة ahmed samy
صحيح الراجل نزل من عربية لعربية تانية بفرق شاسع و نزلة الركوبة جامدة .....بس ليه نطلعه مجنون و هربانة منه
اللي فيكو جرب يركب عربة بي ام أو مرسيدس هايعرف ان ركوب العربية دي فعلا عبء نفسي نوعا ما
1 - بتخاف تركنها اي ركنة لأن تعويرتها تقيلة (حتى لو غني, بتخاف على العربية)
2 - تعامل النس الطفيليين معاك بيكون أسخف و أسخف من عيتو (جناب معالي سيادة حضرتك ...ياباااشا) ولو طلعت جنيه معدن يبصولك باستغراب (مستنيين الورقة الخضرا على الأقل)
3 -ودي بقى حقيقة ..صعب تروح بيها مشاوير معينة زي المناطقالعشوائية أو الأرياف بسبب ان العربية فعلا بتتبهدل و سكان المناطق دي بيعاملوها لى انها مكوكو فضائي و لا زم يشلحوها (بيعملوا كده في اللانوس مابالك بالبي إم)
4 -و دي برضه حقيقة ....السفر بالعربيات دي على طريق مقطوع أكثر خطرا من عربية عادية و عندي قصة لواحد صديق (وكيل نيابة) اتوقف بسبب عربيته و ممكن أحكيها لو تحبو ..و بعدها باع السي 200 بتاعته و ركب كريستاله ..و معاه سيراتو دلوقتي برضه :)
5 - معاملة الأصدقاء أو الشلة اللي مش قد كده ..بتختلف مع الواحد لما يجيب عربية كويسة (مع انهم عارفين أنه غني من يومه) و ساعات دي بتبقى حاجة مقرفة جدا .
6 - سعر التشغيل و الصيانة ...حتى لو غني ,ناس كتير بتضايق من الأسعار ويقول أنا أجيب عربية تقضي الغرض و ماحسش بيها اساسا .
7 - الغرض ...ممكن يكون غرض صاحبك من العربية البي ام مش موفراه كويس و لاقى حاجة مريحة في السيراتو ...مع انها مش أحسن ب ممكن تكون ليه أريح
يعني ...