الموضوع: ارتفاع صوت الموتور؟؟؟

حاول تحدد الصوت اكتر عامل ازاي ؟؟
و بتسمعه وانت ماشي ولا على السلانسيه ؟؟

لو الار بي ام بيعلى ويوطى لوحده يبقه احتمال كبير الايدل كنترول محتاج تغيير , او عالاقل جرب التنضيف مؤقتا وشوف النتيجه

لو بعد التنضيف الخلل استمر زي ما هو يبقه حاول تجرب ايدل تاني من عند الكهربائي قبل ما تشتري , ولو العربيه اتظبطت يبقه فعلا الايدل باظ ومحتاج تغيير

ياريت يا استاذ ايهاب فوزي تقولنا هو الصوت العالى اللى حضرتك بتقول عليه المقصود بيه صوت المكنه نفسها (يعني صوت تخبيط او تكتكه مثلا) ولا صوت علو لفات الموتور كـ rpm ؟؟؟؟؟

المشاركة الأصلية كتبت بواسطة محمد الشامي

ياريت يا استاذ ايهاب فوزي تقولنا هو الصوت العالى اللى حضرتك بتقول عليه المقصود بيه صوت المكنه نفسها (يعني صوت تخبيط او تكتكه مثلا) ولا صوت علو لفات الموتور كـ rpm ؟؟؟؟؟

حماده حبيب قلبى معلش انا اسف على التاخير بس الشغل المهم ان الصوت هو ارتفاع فى rpmثم ينخفض تانى يعنى لو انا ماشى على التالت مثلا وفصلت الغيار صوت الموتور ميهداش مرة واحده لأ شويه وبعدين يهدا يارب اكون قدرت اوصلك المعلومه

المشاركة الأصلية كتبت بواسطة zaza2002

حماده حبيب قلبى معلش انا اسف على التاخير بس الشغل المهم ان الصوت هو ارتفاع فى rpmثم ينخفض تانى يعنى لو انا ماشى على التالت مثلا وفصلت الغيار صوت الموتور ميهداش مرة واحده لأ شويه وبعدين يهدا يارب اكون قدرت اوصلك المعلومه

ولا يهمك ياصديقي مفيش تأخير ولا حاجه :-)

المعلومه وصلت من اول ما قرأت موضوعك :-) لكن مع متابعتي للمشاركات حسيت اني فهمت غلط

وبصراحه من رأيي ان مشكلتك كلها في الايدل كونترول ,, جربه تنضفه وشوف الدنيا ايه !!
لو الحكايه فضلت زي ما هي روح لكهربائي وخليه يبصلك على الايدل بتاعك ويمكن يخليك تجرب واحد تاني من عنده وشوف كده ايه النتيجه

لان الحركه دي بتكون عيب في البوابه او الايدل , وغالبا فهمت من كلامك انك لسا مظبط البوابه ومروقها

انا ف مره حصل معايا نفس الحوار ده بعد غسيل حوض المكنه , وكل اللي عملته اني فكيت الايدل ومسحته بمنديل عادي , لان الايدل كان عليه شبه نقطه ميا مع رواسب وشوائب الهوا , وركبته تاني وعملت ايدل ليرن والعربيه اتظبطت جدااااااااااااااا

ان شاء الله يطلع الموضوع عندك بسيط كده , بس جرب التنضيف الاول وقولنا على النتيجه يا باشا :-)

انا روحت للميكانيكى وقالى انه شاكك انه حساس tps بس انا كنت عايز اعرف فايدة الحساس ده ايه وتمنه كام لو امكن ولكم جزيل الشكر