برسونا بازيك 2009 vs سيات كوردوبا 2009 vs هوندا سيتي 2007
أول حاجه أحب أكلم عنها أني كنت خايف أجيبها جدا في الأول و بقول ايه ده أجيب ماليزي ده أنا مش بطيق الكوري و أنا معايا أبيزا 1994 بس كانت طلعت عيني و فتحت بقها بس كنت بدور في المستعمل الالماني علي سكودا أوكتافيا و ميجان و أوبل فكترا أي حاجه في حدود 70 -75 ألف و شفت أوبترا و سيتي على السكه و منت راكب مع واحد صحبي الجين بتاعته و قالي متشوف البرسونا قعدت أفكر و رحت لقيت البرسونا 2009 البازيك عليها أوفر ب 71000 زيرو عجبني سعرها أوي على حجمها و جربت أسوق الجين بتاعت صحبي عجبني أحساس السواقه بتاعها عربيه تحفه عائليه و في نفس الوقت أسبور بدأت أمخمخ فيها و في الوقت ده كان معايا عربيه كوردوبا 1400 و ساسعات السيتي 2007 بتاعت واحد صحبي ماشي بيها المهم البرسونا أثبتت فعلا أنها حاجه تانيه خالص فعلا بروتون ماشيه علي الطريق الصح و حتبقي من الكبار لو ركزت في التقفيل شويه و بدئت تغير الأشكال شويه و أنا متوقع الأكسورا دي حتكتسح لو نزلت
نيجي للمقارنه بقى
1- من الثبات
الثلاث سيارات جيدين جدا و أن كانت البروتوت تمتاز بالدركسيون بتاعها و قوه التحكم فيه الباور بتاعها هايل جدا على الطريق عكس الباور الكهربي الموجود في السيتي و الكوردوبا فهو ناعم جدا يعطي أحساس بعدم الراحه علي الطريق أو القلق أما البروتون فانت متحكم في السياره بنسبه 100 % فعلا
2- العفشه
البرسونا غفستها ناشفه شويه و ان كانت مناسبه أن شكلها سبور و بتديها ثبات عالي و مش حكلم عليها على الطريق كان معايا ناس في الكنبه الخلفيه و جي من الساحل و من كتر ما هي ناعمه و مريحه ناموا بعكس الكوردوبا متعبه علي الطريق للجالسين على الكنبه أما السيتي فغهي مريحه جدا علي السرعات القليله و معقوله على السرعات العاليه و أن كانت البروتون أحسن
3- الموتور
لا يوجد أي مقارنه بمعني الكلمه البروتون موتور متوحش تحسه عاووز يجر دبابه غريب عنده أستعداد يجري حتي لو جايب أخره يعني العربيه من 0 ل 160 كم من غير أي معاناه و عزم جميل جدا يحسسك بالقوة و بالتميز
موتور الكوردوبا علي الرغم من أنه 1400 و لكن نشيط جدا و لكن مشكلته أنه مش بيجري أوي في الشد تعبان أوي بس بيجري جبت بيه 180 بس كان بيموت بس كويس أنه جابهم
الهوندا يا سلام علي ده موتور أدائه رائع و ناعم بس قوي زي البروتون بمعني معندوش أستعداد يجري بعد ال 140-150 بس بيوصل 190 كم برده و يعتبر أحسن من الكوردوبا
5- الجير بوكس
البرسونا الجير بوكس ناشف مناسب جدا لستايل السياره و أدائه معقول يعيبه العضه البين النقلات و لكن بتتعود عليها و بتختفي بعد فتره و ادائه في الجري كويس و النظام العجيب الموجود الي و انتا بتنقل بيرفع ال rpm ده رائع زي التربو و لو أتعودت عليه انسى تسوق حاجه تانيه بجد عنده أستعداد للشد دائما
الابيزا ياااااااااااااااااااااه على النعومه رائع تحسه عارف انه رايح فين بجد رائع بس للاسف مش عارف أتعامل عليه بعد البرسونا بقي يقطع كل ما أنقل غلشان ال rpm بينزل بعد النقله تحسه مش عاوزاك تجري
أما الهوندا سيتي هي كانت أوتو ستبترونك بس ده فعلا أنضف فتيس شوفته أستحاله ده يكزن أوتو ماشاء الله عليها فعلا ماشاء الله
6 الفرامل
انا متأكد ان البرسونا الباذيك دي مش ABS بس هي مش ذي ما قريت ذي الفل عايزه تعود بس مش أكتر بس كويسه فعلا
الكوردوبا الفراملزي البروتون بنفس مشكله طول المشوار
السيتي أحسن فرامل فعلا باللمسه العربيه بتقف
7- التقفيل
فالرق كبير لصالح الكوردوبا تليها السيتي تليها البروتون مع العلم أني حتى الأن لم أواجه مشكله تقفيل و أن كانت خامات السيتي أحسن كراسي جلد و أبانوس و دلع تليها الكوردوبا و أن كانت مشابهه للبروتون في الخامات تفرق في جوده التقفيل فقط
من رايي المتواضع جدا البرسونا لو أهتموا باتلتقفيل و عملوا هاي لاين بخامات أحسن حتبقى من أحسن السيارات الموجوده
السياره قيمه جيده بالنسبه للفلوس المدفوعه يعني 70000 جنيه تقارن بمين مفيش أي حاجه
أما العربيات الي علمت عليها كانت
الكوردوبا طبعا بسهوله
السيتي طلعت عيني و لكن بعج ال 100 عرفت أجيبه بس بالعافيه
نيو سيراتو بس كان جايبنب في أول الطلعه بعد كده مشافنيش
كروز تحس زي السيراتو بالظبط سحب على السرعه الواطيه في العالي بخ
أوبترا طبعا
