فريون زياده
عرض للطباعة
المشكلة ديه كانت عندى من فترة ولكن السبب هو فى ان التكيف بيفصل كهرباء من صباع الحساس خلى كهربائى يراجع على الوصلة الحساس على حد علمى
في بعض السيارات لما تدوس بنزين للاخر التكييف بيفصل علشان يزود استجابة الموتور
جرب توصل لنفس السرعة علي غيار اعلي
كلامك ظريف ومظبوط ياباشا
انا عندي فالسويفت المانيوال ومش الاوتوماتيك فيه زرار زي بتاع الاستوب كده راكب تحت دواسة البنزين بحيث انك اما تضغط عالدواسة لمده اكتر من 10 ثواني بشكل كبير يفصل الكومبريسور وطبعا في السيارات الحديثة ده بيتم من خلال حساس البوابة او tps واللي لازم طبعا انه يكون مظبوط....اما بيفتح بنسبة 90 % لمدة 10 ثواني بيفصل الكومبريسور
فممكن يكون الاخ رجله تقيله شوية عالبنزين
حاجة مهمة ان ممكن حساس الحرارة اللي شغال عن طريق التغير في ضغوط الفريون بايظ وده بيسموه الساعة وبيعمل فالاكسيل حوالي 120 جنيه
فيه حاجة مهمة جدا جدا ومعظم الناس مبتاخدش بالها منها...ألا وهي حساس حرارة المياه وده راكب في الكوعة بتاع الميه جنب حساس عداد الحرارة وده وظيفته ان اما العربية تسخن زيادة عن اللازم والمروحة بتاع الردياتير مش ملاحقة بيفصل الكومبريسور لتخفيف الاحمال لحد اما الحرارة تهدى ويرجع يوصله بعد كده....انا شخصيا لو طولت الوقفة بالسويفت بلاقي الكومبريسور فصل....
أتمنى اكون اضفت
شاكر لردك . للاسف اليومين الي فاتوا اتعطلت عن الكهربائي ما عرفتش اروح . هاخلية يشوف كل الي قولتوا علية واقول لكم النتيجة .
اما بالنسبة لرجلي التقيلة فانا موضح ان السرعة 60 مش 160 . اما بالنسبة للحساس والحرارة . فابالعكس اول ما اشغل التكيف العربية بتبرد وتروح الحرارة نازلة لل (c) . فهي مش مشكلة الحساس دة
ساوافيكم بالاخبار ان شاء الله وشاكر لكل الردود
الفلتر ممكن يكون مسدود أو السويتش الراكب على الفلتر