الموضوع: عاوز افك كاسيت الاوبترا

ياهل الخبره
ممكن مساعده عاوز اشيل الكاسيت بتاع الاوبترا ومش عارف افكه ازاى لانه فيه مشكله
اللى انا اعرفه انى كنت بشيل التلات بكرات بتوع التكيف وفى البكره اللى فى النص بيكون فيه مسمار اما بفكه كنت ممكن اقدر افك الاطار اللى بيكون حولين الكاسيت وفتحات التكيف وبعدها بسهوله اشيل الكاسيت ده كان فى عربيات نوع تانى
انما اما جيت اجرب فى الاوبترا البكر بتاع التكيف اما جيت اشده مش رضى يطلع انا عاوز اعرف ازاى اوصل للكاسيت وازاى اشيل الاطار السلفر اللى حولين الكاسيت

المشكله العجيبه اللى فى الكاسيت ان نصه اليمين مش شغال والنص الشمال شغال
يعنى زراير الراديو مثلا واحد واتنين وتلاته شغلين والباقى لا البحث الاتوماتيك شغال انما المانيول لا ممكن يشتغل ويطفى انما مش يعلى ويوطى الصوت

اسف على الاطاله وشاكر ليكم

انا لما غيرت الكاسيت بتاعي ب سي دي الفنى فك الوش كامل بفتحات التكييف وزرار الهازارد لغاية فوق الولاعه وده كله كبس من غير مسامير. لكن خلى بالك من بكرة التكيف السخن والبارد لأنها متوصله بسلك على اليمين وده اللى بيغير إتجاه إستقبال الهوا
وبالتوفيق بإذن الله