الموضوع: شط إسكندرية

السلام عليكم
إمبارح بالليل..صديق وزميل ليا من أيام الجامعة كلمني
قالي قدامه كام صيدلية بتتباع في إسكندرية
ماكدبتش خبر
خلصت شغلي..وطلعت على أليكس الساعة 12 بالليل..وصلت على 3 الفجر
المهم
الكاوتش نام مني في الطريق ..أول ماوصلت أليكس..روحت على بنزينة(مش فاكر إسمها)
عمللي في الكاوتش ييجي 3 خوابير كبااار..وحسبلي الخابور بــ10 جنيه(مع إنه في أي مكان بــ3 جنيه)
المهم
وده سبب الموضوع
الكورنيش كان ملياااااان موتوسيكلات هوندا..رايحة جاية على الكورنيش
رايحين جايين
رايحين جايين
زززززززززززززززززز
(متخيلين الصوت طبعا)
وعيال معاهم موتوسيكلات صيني ..ماشيين معاكس وغير معاكس
بيعملوا حصان
(علشان طبعا مش هيعرفوا يعملوا زي الهوندا)
منظر غبي ومستفز
ولحد الساعة مابقت 7 الصبح
والعيال دي..بنفس المنظر ده
ولما دخلوا البنزينة يحطوا بنزين..شوفتهم من قريب
عيال سيس ..سنهم صغير جدا ..لابسين سلاسل وحاجات غريبة كده
وإلي ضحكني جدا
عربية بيجو 504 .داخلة البنزينة فيها 4 عيال ..كل واحد فيهم لو دخل في حيطة يهدها
رابطين إشاربات على راسهم..ولابسين كات
ومشغلين راب
فكروني بعصابات الزنوج بتاعت الأفلام
ههههههههههههه
...
بعد لما لفيت في سموحة ...والمعمورة ..وشارع 45
وشوفت الصيدليات المعروضة.
مالقتش ولا واحدة فيهم تنفعني
أخدت مخالفة حزام بــ 50 جنيه عند المنتزه..وإنت رايح ناحية المعمورة..بعد لما تعدي النفق الصغير

وكلمت ميزوأليكس..علشان أشوفه
لكن التليفون فصل شحن..ولولا عارف إن شنوري لسه زعلان مني ...كنت روحتله
ورقم مصطفى مهران إتمسح من على الموبايل ...مش عارف إزاي
...
شوية الهوا على البحر ساعة الفجر ..مالهمش حل