بالنسبه لفرش الأبواب , طريقه فك مقبض الزجاج كالأتى :-
مقبض الزجاج بيتكون من 3 قطع , اليد الخارجيه + غطاء خلفى لليد + سوسته معدنيه صغيره وظيفتها شبك المقبض بماكينه رفع الزجاج نفسها
- اول شئ هات مفك صغير , ويفضل يكون سنه رفيع شوي
- حاول تشد المقبض نفسه للخارج شويه بعيد عن فرش الابواب
- بالمفك حاول تفك الغطاء الخلفى للمقبض (من ناحيه فرش الباب) عن طريق إدخال المفك بينه وبين المقبض الاساسي
- بعد ابعاد الغطاء البلاستيك الخلفى عن المقبض , لو بصيت من اقرب زاويه بين الغطا والمقبض هتلاقي سوسته معدنيه صغيره ماسكه المقبض بسن ماكينه الزجاج
- بالمفك حاول تضغك على طرف السوسته في عكس اتجاه تركيبها , لغايه لما تلاقيها طلعت من مكانها , بس طبعا حاول تحافظ عليها عشان ما تضيعش
- في الحاله دي هيكون كل شئ مفكوك والفرش اصبح جاهز للخلع تماما
---------------------------------------------------------------------------------
اما بالنسبه لتركيب الكاسيت
فانا عن نفسي لما ركبت الكاسيت بتاعي اتبعت الاتي (طبعا مع إطفاء كهرباء العربيه بالكامل من الكونتاكت و بعد فك الجزء الخاص بالكاسيت) :-
بجيب الكاسيت الجديد واخليه امامي عشان اشوف الوان اسلاكه
وامسك الكاسيت القديم , وابدأ اقارن بين الوان الأسلاك الموجوده في الكاسيت الجديد والقديم
لو لقيتها متطابقه ببدأ بفك سلك سلك من الكاسيت القديم وتركيب نفس لون ونوع السلك من الكاسيت الجديد مكان السلك المفكوك من القديم وهكذا
طبعا مع مراعاة ان في بعض الوان اسلاك متشابهه مع لكن مع وجود خط اسود على جانب السلك يميزيه (يعني مثلا السلك الرمادي , والرمادي × اسود) , لازم كل سلك يركب مكانه صح عشان توزيع الصوت
وصف اسلاك توزيع الصوت
السلك الابيض و الابيض ×اسود ---- السماعه الاماميه يسار
السلك الرمادي و الرمادي × اسود ---- السماعه الاماميه يمين
السلك الاخضر و الاخضر × اسود --- السماعه الخلفيه يسار
السلك البنفسجي والبنفسجي × اسود --- السماعه الخلفيه يمين
(السلك اللي لونه واحد هو سلك موجب - والسلك اللي لونه عليه خط اسود من الجانب هو سلك سالب)
بالنسبه لاسلاك الطاقه
السلك الاسود هو السلك الارضي
السلك الاحمر هو السلك الموجب
السلك الاصفر سلك طاقه دائمه على ما اظن , وهو للحفاظ على برمجه القنوات والضبط بشكل عام
اتمنالك التوفيق بإذن الله
http://www.nilemotors.net/Nile/116029-a.html
الموضوع ده بيحتوي ضمن شروحاته على طريقه فك الجزء الخاص بالكاسيت , لتسهيل الأمر عليك بإذن الله
المفضلات