اسعار قطع غيار الفانتازيا

**_medo** · 27-07-2010 04:02 AM

الحلو ميكملش انا سمعت ان اسعار قطع الغيار للفانتازيا غالي اوي و كمان محدش بيعرف يصلحها غير التوكيل
فحبيت استشيركم الكلام ده صح ولا ايه ...........
عشان بفكر اشتري فانتازيا وده طبعا بعد بحث طويل
لان فعلا الفانتازيا من افضل العربيات الي في مصر دلوقتي
وطبعا قلت استشير اهل الخبره
معلش طولت عليكم
وشكراااااااا

**engahmedsamy** · 27-07-2010 11:58 AM

كلامك صح 100100

**inspiron** · 27-07-2010 10:24 PM

المشاركة الأصلية كتبت بواسطة engahmedsamy

كلامك صح 100100

ده علي أساس إيه يعني مش فاهم..

إلي صاحب الموضوع..راجع أسعار الـ a5 هي هي أسعار الفانتازيا مع إختلافات بسيطه.وممكن حضرتك تكلم أبو الحسن ( الموزع المعتمد لسكودا ) وتسألوا علي أسعارها. أنا شخصيا شاري فانوس كامل أمامي بـ 1800 جنيه وشبكة بـ 800 جنيه.

حضرتك مينفعش تقارن أسعار قطع غيار الفانتازيا بأسعار قطع غيار عربيات تانية أقل منها في الفئة.فاهمني.غير كده لو إحتجت أي قطعة غيار ليها و ركبتها هتنساها تماما.لأن حاجتها معمرة جدا جدا جدا جدا.

**_medo** · 28-07-2010 08:40 PM

المشاركة الأصلية كتبت بواسطة engahmedsamy

كلامك صح 100100

شكرااااا لردك

**marawansabry** · 29-07-2010 11:59 AM

اعتقد ان العضو انسبيرون مكنش بيرد على حضرتك لان واضح انك بتسال وتستشير هو واضح انه بيرد على المهندس احمد سامي في موضوع انة بيرد عليك انة كلامك صح 100 في 100 .. طبعا انا ميش محامي عن حد ومعرفش حد من سيادتكم .. بس دا توضيح لتقريب وجهات النظر .. وهي قاعدة طبعا لو عايز تاخد راي حد خد راي حد معاه العربية وجربها واشترلها قطع غيار .. لان الاراء السماعي غالبا (ميش دائما) بيشوبها بعض الاخطاء .. المهم عن تجربة شخصية بقي وعن مقارنة مع اصدقاء معاهم مركات اخرى .. قطع غيار الفانتازيا ارخص من ماركات اخرى كتير في نفس الفئة وفي فئات اقل .. دا حتى الصيانات بتاعت الفانتازيا اسعارها اقل من نفس الصيانة في ماركات اخرى وممكن تراجع الموضوع اللي انا عملته بخصوص صيانة ال 20000 للفانتازيا .. موضوع بقي التوكيل هو الوحيد اللي بيشتغل فيها لا انا هفسرهولك بالراحة .. من الاخر كدة الفانتازيا هي هي الاي 5 نفس الميكانيكا والعفشة وطبعا الموتور تفتكر حضرتك كمية مراكز الصيانة والميكانيكة اللي بيصلحوا الاي 5 ميش هيعرفوا يشتغلوا في الفانتازيا اكيد طبعا لا .. اللي بقي فعلا بجد هو الكسسوارات الخارجية من رفرف وشبكة وفوانيس وبرضة الكرتيرات بتاعت الرفارف كل دي مختلفة عن الاي 5 علشان كدة التوكيل قافش عليها ومبيدها الا للموزعين المعتمدين بتوعة يعني الحاجة موجودة وبتتباع بس من خلال التوكيل والموزعين المعتمدن بتوعة وعلى فكرة اعتقد ان فتح الباب هيبدا قريب قوي يستورد قطع غيار الفانتازيا (هو حاليا ممكن تلاقي بعض القطع الضالة في فرع الحرفيين).. يعني لو خايف اطمن العربية دي شغالة ما شاء الله ذي الصاروخ كمية مبيعات كويسة جدا وبدليل شوف انتشارها في البلد بقي عامل اذاي
حاجة اخيرة .. ياريت لكل الناس نلتمس لبعض 70 عذر ونخفف شوية من حدة النقاش .. ونحسن الظن في بعض وبلاش تحفذ في الحوار (الكلام دة للكل وانا منهم) .. الغرض هو الاستفادة المتبادلة ميش ان احنا نزعل من بعض
سلام بقي

**KHALED AYMAN** · 29-07-2010 12:08 PM

هقولك مقارنه سريعه ..
فانوس الفيكترا 2008 ب 2700 جنيه ...فانوس الفانتازيا 2010 ب 1800
شبكه الفيكترا مش فاكر بكام بس تثريبا 1700 الفانتازيا 800 جنيه
اكصدام الفيكترا ب 4000 جنيه اكصدام الفاانتازيا مش هيعدى 2000 جنيه
رداتير الفيكترا ب 4000 جنيه رداتير الفانتازيا اعتقد ب 2500
طبعا الكلام ده كله مع خالص حبى و تقديرى للفيكترا لانها عربيتى ...
الفنتازيا من اكتر العربيات الموجوده فى السوق كفاءه ...و الفلوس الى بتدفعها فيها بتلاقى ليها مقابل يعادلها ....
بس نصيحتى ليك لو لسمه متعلم السواقه بلاش تركب فانتازيا دلوقت ...اركب اى حاجه اتعود على المشى و ظبط نفسك و بعدين اركب فانتازيا لان زوايا العربيه صعبه و خصوصا ضهر العربيه

**marawansabry** · 29-07-2010 10:57 PM

المشاركة الأصلية كتبت بواسطة khaled ayman

هقولك مقارنه سريعه ..
فانوس الفيكترا 2008 ب 2700 جنيه ...فانوس الفانتازيا 2010 ب 1800
شبكه الفيكترا مش فاكر بكام بس تثريبا 1700 الفانتازيا 800 جنيه
اكصدام الفيكترا ب 4000 جنيه اكصدام الفاانتازيا مش هيعدى 2000 جنيه
رداتير الفيكترا ب 4000 جنيه رداتير الفانتازيا اعتقد ب 2500
طبعا الكلام ده كله مع خالص حبى و تقديرى للفيكترا لانها عربيتى ...
الفنتازيا من اكتر العربيات الموجوده فى السوق كفاءه ...و الفلوس الى بتدفعها فيها بتلاقى ليها مقابل يعادلها ....
بس نصيحتى ليك لو لسمه متعلم السواقه بلاش تركب فانتازيا دلوقت ...اركب اى حاجه اتعود على المشى و ظبط نفسك و بعدين اركب فانتازيا لان زوايا العربيه صعبه و خصوصا ضهر العربيه

لا الريدياتير بي 1200 جنية (او 1500 ميش فاكر قوي) بالضريبة بالتركيب .. وسربنتينة التكيف بالتركيب بالشحن بتاع التكييف بي 1980 جنية .. طبة شبكة امامية سفلي بي 26 جنية وشبكة امامية سفلي بي 110 جنية .. دي نماذج من الحجات اللي انا عرفها وسالت عليها

**KHALED AYMAN** · 29-07-2010 11:59 PM

المشاركة الأصلية كتبت بواسطة marawansabry

لا الريدياتير بي 1200 جنية (او 1500 ميش فاكر قوي) بالضريبة بالتركيب .. وسربنتينة التكيف بالتركيب بالشحن بتاع التكييف بي 1980 جنية .. طبة شبكة امامية سفلي بي 26 جنية وشبكة امامية سفلي بي 110 جنية .. دي نماذج من الحجات اللي انا عرفها وسالت عليها

السفلى دى الى فى الاكصدام ...فى الفيكترا ب 220

**_medo** · 30-07-2010 12:10 AM

المشاركة الأصلية كتبت بواسطة marawansabry

اعتقد ان العضو انسبيرون مكنش بيرد على حضرتك لان واضح انك بتسال وتستشير هو واضح انه بيرد على المهندس احمد سامي في موضوع انة بيرد عليك انة كلامك صح 100 في 100 .. طبعا انا ميش محامي عن حد ومعرفش حد من سيادتكم .. بس دا توضيح لتقريب وجهات النظر .. وهي قاعدة طبعا لو عايز تاخد راي حد خد راي حد معاه العربية وجربها واشترلها قطع غيار .. لان الاراء السماعي غالبا (ميش دائما) بيشوبها بعض الاخطاء .. المهم عن تجربة شخصية بقي وعن مقارنة مع اصدقاء معاهم مركات اخرى .. قطع غيار الفانتازيا ارخص من ماركات اخرى كتير في نفس الفئة وفي فئات اقل .. دا حتى الصيانات بتاعت الفانتازيا اسعارها اقل من نفس الصيانة في ماركات اخرى وممكن تراجع الموضوع اللي انا عملته بخصوص صيانة ال 20000 للفانتازيا .. موضوع بقي التوكيل هو الوحيد اللي بيشتغل فيها لا انا هفسرهولك بالراحة .. من الاخر كدة الفانتازيا هي هي الاي 5 نفس الميكانيكا والعفشة وطبعا الموتور تفتكر حضرتك كمية مراكز الصيانة والميكانيكة اللي بيصلحوا الاي 5 ميش هيعرفوا يشتغلوا في الفانتازيا اكيد طبعا لا .. اللي بقي فعلا بجد هو الكسسوارات الخارجية من رفرف وشبكة وفوانيس وبرضة الكرتيرات بتاعت الرفارف كل دي مختلفة عن الاي 5 علشان كدة التوكيل قافش عليها ومبيدها الا للموزعين المعتمدين بتوعة يعني الحاجة موجودة وبتتباع بس من خلال التوكيل والموزعين المعتمدن بتوعة وعلى فكرة اعتقد ان فتح الباب هيبدا قريب قوي يستورد قطع غيار الفانتازيا (هو حاليا ممكن تلاقي بعض القطع الضالة في فرع الحرفيين).. يعني لو خايف اطمن العربية دي شغالة ما شاء الله ذي الصاروخ كمية مبيعات كويسة جدا وبدليل شوف انتشارها في البلد بقي عامل اذاي
حاجة اخيرة .. ياريت لكل الناس نلتمس لبعض 70 عذر ونخفف شوية من حدة النقاش .. ونحسن الظن في بعض وبلاش تحفذ في الحوار (الكلام دة للكل وانا منهم) .. الغرض هو الاستفادة المتبادلة ميش ان احنا نزعل من بعض
سلام بقي

شكرااا لزوق حضرتك