| تسجيل عضوية جديدة | استرجاع كلمة المرور ؟
Follow us on Twitter Follow us on Facebook Watch us on YouTube
صفحة 1 من 3 1 2 3 الأخيرةالأخيرة
النتائج 1 إلى 10 من 25

  1. #1

    الصورة الرمزية dr-mohamed

    رقم العضوية : 40918

    تاريخ التسجيل : 23May2009

    المشاركات : 4,852

    النوع : ذكر

    الاقامة : الجيزة

    السيارة: بروتون بيرسونا 2010 اوتو

    السيارة[2]: لانسر كريستالة 99 اوتوماتيك

    دراجة بخارية: لا يوجد ومش بحبها كمان

    الحالة : dr-mohamed غير متواجد حالياً

    افتراضي تجربتي الرائعة مع سمكري في الحرفيين - Facebook Twitter whatsapp انشر الموضوع فى :

    السلام عليكم ورحمه الله
    انا هاحكي النهاردة تجربه رائعة جدا قابلتني عن طريق واحد عرفته من هنا من المنتدى
    وثقت فيه وكنت فاكر اني هاجد في المنتدى اللي بحبه وعضو فيه من زمان كل معامله محترمة والحمد لله لقيت اكتر مما توقعت
    الاول انا عضو هنا من سنة تقريبا لما كنت بدور على عربية ومن يومها متركتش الموقع اكتر من ايام ولظروف العمل وكثير منكم يعرفوني ان لم يكن معرفة شخصية في مقابلات الموقع فمعرفة الكترونية من خلال المشاركات في الموقع
    انا عندي عربية لانسر وكريستالة ومش بسيبها لحد نهائي وكعادة شوارع مصر احيانا تتخبط او العيال اياهم يجربوا هل المسمار ممكن يطير اللون بتاع العربية ولا لا او الطلبة حبايبي يركبوا على الشنطة ويجربوا هل لو ضغطوا على الاكصدام ممكن يقع ولا لا الخ الخ من كوارث حياتنا اليومية
    الى ان قام سواق تاكسي شاهين الله يسامحه بحضن العربية حضن خفيف نتج عنه تطبيقة في الكابوت وقطع في الاكصدام الامامي وتني الرفرق الشمال
    هنا جبت اخري وقلت لازم اعملها في الاجازة واضحي واديها سمكرة ودوكو
    قريت في المنتدى ان فيه مكان كويس هنا اقدر الاقي فيه سمكرة للعربية
    روحت والحمد لله انى رحت مكان كنت رحته من فترة بسيطة كام شهر وانا بشتري حاجات من الحرفيين مع الخبير في اللانسر هيما لانسر هي ورشة العقيد خالد وقتها كانت
    ورشة صغيرة جدا
    لاء عيب اني اقول عليها ورشة
    هيا حاجة ائل من كدة بكتير
    واحد واقف في الشارع وعندة رف على ضهر كابينة رش
    وسلمنا عليه وقتها وشربنا الشاي واتكلنا على الله واشترينا حاجاتنا ورجعنا
    المرة دي رايح له زبون ومتخوف لاكتر من سبب منهم ان الراجل زوق جدا في مقابلته الاولى وفي كلامه مع الناس كلهم يقولهم اشوف العربية الاول وبعدين اقول التكلفة وقلت هيخبط في العالي الخ الخ المهم
    عشان معظم المنتدى بتشكر فيه
    رحت له بعد ما كلمته ووجدته نقل لورشة جديدة وطبعا عرفت منه ان الورشة القديمة كانت مؤقتة للبحث عن مكان افضل وان شاء الله يكبر اكتر واكتر
    المهم
    سيبتلة العربية يعملهالي بعد ما اتفقنا على السمكرة وبنتفق على الدوكو قالي هانادي بتاع البوية تتفقوا سوا وكلم واحد اسمه احمد قدورة على الموبايل وجه قدورة واتفقنا على الشغل اللى هيتعمل والتكلفة
    وسيبت له العربية واتفقنا ان التسليم هيكون بعد حوالى 12 يوم لانى وديت العربية يوم الاتنين واتفقنا استلمها الجمعة اللى بعد بعدها
    ورحت له مرة واحدة بس في وسط المدة فوجئت ان شغل السمكرة بعد ما كان قايل هياخد اسبوع والدوكو 5 ايام فوجئت بعد حوالى 4 ايام ان شغل السمكرة كله خالص والعربية اتفك السقف بتاعها علشان تترد خبطة كانت فيه على البارد من غير ما نكون متفقين عليها وبعدها راحت لبتاع الدوكو واحنا سوا
    المهم ان اختي عقبالكم خلفت والسبوع هيتعمل يوم الخميس في البلد يعني لازم اسافر بالعربية واحنا متفقين اخد العربية الجمعة اخر النهار
    طبعا دي مش شغلته احنا اتفقنا على الميعاد وانا كنت راضي بيه لكن ادي الله وادي حكمته
    مستحيل اسافر بالولاد بالمواصلات ومستحيل مسافرش سبوع بنت اختي
    ووجدت واحد من زملائنا هنا منزل اعلان عن عربيته ام 11 للايجار وفعلا سئلته وطلعت مانيوال للاسف وانا حالف ما هركب مانيوال تانى بسبب الم رجلي المتواصل من العربية السابقة
    وكلمت واحد حبيبي يشوف لي عربية ايجار احتياطي لو ملحقتش اخد العربية ااجرها يوم الخميس وارجعها الجمعة
    وقلت كلم العقيد خالد شوف ممكن تخلص قبل كدة ولا لا
    كلمته قالي العربية عند قدورة هروح واكلمك من عنده
    بعدها بشوية اتصل بيا من عند قدورة وكلمة من هنا كلمة من هناك ضغط على قدورة واتفقنا يسلمنا العربية يوم الاربعاء بس من غير تلميع ولما ارجع اروح له يلمعها
    ده طبعا بعد ما رفضت عرض من العقيد خالد اصر عليه بشدة اني اخد عربيته واسافر بيها لانه على كلامه مش بيحتاجها كتير وعادي لما اخدها يومين ورفضت طبعا فعرض عليا انه يوصلني انا والولاد وبردو رفضت العملية مش ناقصة احراج تانى
    المهم اتفقت مع قدورة استلم العربية يوم الاربع بالليل من غير تلميع
    قلت يا واد انت موراكش حاجة يوم الاربع اطلع العصر واقعد لهم على العربية

    وهنا كانت المفاجأة
    رحت على قبل المغرب بشوية وطلعت على قدورة على طول وقلت ابص على العربية الاول قبل ما اروح للعقيد خالد لقيت العربية وقدورة مش موجود و2 شغالين فيها بس الاكصدام نصه مش مرشوش واسود وفيه حتة في الباب الشمال الخلفي معمولة سمكرة قلت للصنايعية هو قدورة فين قالوا 10 دقايق وييجي
    طيب العربية دي نظامها ايه قالوا بنلمعها قلت لهم بتلمعوا ايه اذا كان نص الاكصدام مش مرشوش والباب لسة فيه حتة سمكرة قالوا لا اصل صاحب الورشة بتاع السمكرة جه وشاف العربية معجبوش الشغل اللى في الاكصدام علشان كان فيه شوية حاجات عادية اوي لان الاكصدام زفر يعني مش مشكلة قام كحته وقال لقدورة لازم يتعاد من تانى مع ان والله كانت تعدي بس ناس غاوية تعب والباب نفس الحكاية الحتة دي معجبتهوش خبطها وقال يترش الباب كله من جديد (اقسم بالله العقيد خالد اول مرة يعرف الكلام ده) حتي بص هتلاقي ادام الاكصدام مكان البوية اللى قشرناها وجه قدورة وقالي الشغل تمام بس صاحبك فيه حاجات معجبتهوش بس مش غلطتنا الاكصدام الجديد اللى انت جايبه زفر ونطر البوية على خفيف واول ما العقيد خالد شافه ورجعنا عليه لقينا البوية ممكن تنطر بسهولة قالنا نعيده من تاني

    رحت للعقيد خالد والحكاية والرواية ورجعنا على قدورة لقينا العربية راحت الفرن انتظرنا لما جه دورها وخلصت على الساعة 12 تقريبا كلم بتاع السروجي وقاله احنا مستنيينك وجه السروجي قفل الفرش وجه الرجالة بتاعة قدورة حصلونا على ورشة العقيد خالد ولمعوا العربية مرة تانية وفضلنا انا والعقيد خالد ومحمود الصنايعي اللى عنده نركب الدلايات والكارتيرات ويقفل الفوانيس لغاية الساعة 4 الفجر


    واخيرا اتسلمت العربية
    والعقيد خالد قالي لما ترجع من البلد تعال تاني علشان عايز ابص على العربية بالنهار وبالمرة نديها وش تلميع تانى وضحك وقلا متخافش من غير فلوس على النوتة المرة دي وضحكنا وروحنا واحنا مش شايفين ادامنا ولما وصلت البيت جهاز الانذار عملها وهو بيهيس من قبل ما اروح للعقيد خالد وخلانى اضطريت افصل البطارية علشان يسكت وكان فيه انوار الكشافات الامامية مش شغلاة رحت للكهربائي بتاعي لقي ان فيه فيوزات محروقة شغلهم وكله بقة تمام

    انا والله ما كنت ناوي اكتب الموضوع ولا احكي اللي حصل لكن بالفعل لما الاقي واحد بيتعامل معانا بالامانة والزمة وباخلاق الفرسان التى لم تعد موجودة الان وياتي احدهم الذي لم ولن يساعد احد ولو حتي بكلمة مواساة او تشجيع او راي ويهاجم هذا الانسان ويدعي عليه كذبا ما ليس فيه وجدت انه من الواجب علي ان اقول شهادة حق احاسب عليها امام الله



    وعلى فكرة وانا هناك اخر مرة كان الموضوع اياه اتنشر وسئلت قدورة وحلفته على المصحف هل فيه زبون جه بلانسر من كام شهر وحصل كذا وكذا اقسم لي بالله ما حصل وان العربيات الانسر اللى جت من عند العقيد خالد هي العربيات الاخيرة بس يعني في اخر شهر بس جات من عنده لانسرات وان العربية بالمواصفات بتاعة السمكرة والبوية اللى قال عنها العضو والله ما جت له ولا اتعمل فيها اي حاجة ولا يعرف عنها اي حاجة واقسم على المصحف على كلامه ده

    وعلشان الناس الشكاكة ممكن سوء الظن يخليهم يقولوا ده الكلام ده كله محصلش او انى داخل اقول الكلام ده مجاملة للعقيد خالد
    اقسم بالله كل اللى قلته هو اللى حصل وبالكلمة
    وبالامارة كمان وانا هناك قابلت رالي ارت اللى معانا هنا وكان رايح يعمل عربيته اللانسر وعربية واحد صاحبه
    وقابلت هانى بردو معانا هنا وكان بيعمل عربيته سبيرانزا
    وكلمت اخونا هشام وكان بيعمل عربية مرات اخوه فيورا
    وكمان حبيبي كريم منير شاف عربيتي وهددني عن طريق صاحبه شنوري انهم يخطفوها

    وحسبي الله ونعم الوكيل في اي حد يسيء للانسان ده بالافتراء والزور والبهتان

    معلش هاقول اسم الصنايعي او صاحب الورشة ده وهو العقيد خالد


  2. #2

    الصورة الرمزية tananybasha

    رقم العضوية : 23085

    تاريخ التسجيل : 24Oct2008

    المشاركات : 27,766

    النوع : ذكر

    الاقامة : Giza

    السيارة: لايوجد حالياً

    السيارة[2]: Opel Vectra A Sport 2.0L M/T

    دراجة بخارية: هوندا 1000

    الحالة : tananybasha غير متواجد حالياً

    افتراضي -

    الله ينور عليك بجد
    الموضوع ده وضحلى و وضح لناس كتير موضوع كان بجد مستفز

    لو أن ابن آدم هرب من رزقه كما يهرب من الموت لأدركه رزقه كما يدركه الموت
    محمد الطنانى


  3. #3

    الصورة الرمزية windofchange

    رقم العضوية : 22731

    تاريخ التسجيل : 20Oct2008

    المشاركات : 3,291

    النوع : ذكر

    الاقامة : القاهرة

    السيارة: الحمدلله حمداطيبا كثيرا مباركا فيه

    السيارة[2]: Seat IBIZA 99 6K 1.6

    دراجة بخارية: لا

    الحالة : windofchange غير متواجد حالياً

    افتراضي -

    جزاك الله خير كايرو وربنا يباركلك عالموضوع الجميل ده ويجزي العقيد خالد علي اخلاقه العالية وينولهاله افضل مجلس فالدنيا والآخرة "اقرب الناس مني مجلسا يوم القيامة احاسنهم اخلاقا" صلي الله عليك وسلم يارسول الله


  4. #4

    الصورة الرمزية dr-mohamed

    رقم العضوية : 40918

    تاريخ التسجيل : 23May2009

    المشاركات : 4,852

    النوع : ذكر

    الاقامة : الجيزة

    السيارة: بروتون بيرسونا 2010 اوتو

    السيارة[2]: لانسر كريستالة 99 اوتوماتيك

    دراجة بخارية: لا يوجد ومش بحبها كمان

    الحالة : dr-mohamed غير متواجد حالياً

    افتراضي -

    اقتباس المشاركة الأصلية كتبت بواسطة tananybasha مشاهدة المشاركة
    الله ينور عليك بجد
    الموضوع ده وضحلى و وضح لناس كتير موضوع كان بجد مستفز
    يا طنانى باشا لازم نعطي كل واحد حقه
    وكاتم الشهادة شيطان اخرس
    والله يجازي كاتب الموضوع التانى بنيته

    اقتباس المشاركة الأصلية كتبت بواسطة windsofchange مشاهدة المشاركة
    جزاك الله خير كايرو وربنا يباركلك عالموضوع الجميل ده ويجزي العقيد خالد علي اخلاقه العالية وينولهاله افضل مجلس فالدنيا والآخرة "اقرب الناس مني مجلسا يوم القيامة احاسنهم اخلاقا" صلي الله عليك وسلم يارسول الله
    جزانا واياكم اخي الكريم وربنا يبارك لك وفيك وفي اخونا خالد وفي كل من عمل عملا صالحا فأتقنه


  5. #5

    الصورة الرمزية kisho55555

    رقم العضوية : 17717

    تاريخ التسجيل : 01Sep2008

    المشاركات : 2,134

    النوع : ذكر

    الاقامة : Suez Canal Cities

    السيارة: ChEvOrLeT OpTrA 2013

    السيارة[2]: HyaunDi ElaNtra 2007

    دراجة بخارية: soon

    الحالة : kisho55555 غير متواجد حالياً

    افتراضي -

    أشكرك عشان حضرتك كتبت التجربة الرائعة دى ..

    وانا كل يوم بتزيد الثقة فى العقيد خالذ عن طريق المنتدى ...

    وان شاءالله قريب اودى عربيتى واعملها عنده ..

    [shfaf2]http://img810.imageshack.us/img810/3041/image003002.gif[/shfaf2]
    يا لذيذ يا رايق


  6. #6

    الصورة الرمزية Ahmed A Rahman

    رقم العضوية : 13961

    تاريخ التسجيل : 01Jul2008

    المشاركات : 4,984

    النوع : ذكر

    الاقامة : Rehab city

    السيارة: Nissan Sunny 2014

    السيارة[2]: RENAULT LOGAN 2010

    دراجة بخارية: agala

    الحالة : Ahmed A Rahman غير متواجد حالياً

    افتراضي -

    متشكر انك قلت تجربتك عشان المشاركة اياها كانت منرفزاني ومكنتش مصدقها

    والف شكر للعقيد خالد

    د. أحمد عبد الرحمن
    ونرجع ثاني: نفسي الناس تبطل تقول الحشيش مفيهوش ادمان


  7. #7

    الصورة الرمزية dr-mohamed

    رقم العضوية : 40918

    تاريخ التسجيل : 23May2009

    المشاركات : 4,852

    النوع : ذكر

    الاقامة : الجيزة

    السيارة: بروتون بيرسونا 2010 اوتو

    السيارة[2]: لانسر كريستالة 99 اوتوماتيك

    دراجة بخارية: لا يوجد ومش بحبها كمان

    الحالة : dr-mohamed غير متواجد حالياً

    افتراضي -

    اقتباس المشاركة الأصلية كتبت بواسطة kisho55555 مشاهدة المشاركة
    أشكرك عشان حضرتك كتبت التجربة الرائعة دى ..

    وانا كل يوم بتزيد الثقة فى العقيد خالذ عن طريق المنتدى ...

    وان شاءالله قريب اودى عربيتى واعملها عنده ..
    كيشو انا قلت ما حصل ردا على موضوع سابق
    وربنا يوفقك بس اهم حاجة خد محمود الصنايعي على اد عقله في اي حاجة يقولها وكبر دماغك منه لانه رغاي والعقيد خالد هيقولك ده

    اقتباس المشاركة الأصلية كتبت بواسطة د.أحمد عبد الرحمن مشاهدة المشاركة
    متشكر انك قلت تجربتك عشان المشاركة اياها كانت منرفزاني ومكنتش مصدقها

    والف شكر للعقيد خالد
    د احمد انا اعرف ان الدكتور احمد انسان محترم واخلاق واتعاملت معاه لما يجي واحد مجهول يشكك فيه لازم اقول تجربتي معاه علشان انصفه


  8. #8

    الصورة الرمزية whmada

    رقم العضوية : 34624

    تاريخ التسجيل : 05Mar2009

    المشاركات : 3

    النوع : ذكر

    الاقامة : فيصل

    السيارة: مازدا

    السيارة[2]: شيفرولية

    دراجة بخارية: xxxxxxxxx

    الحالة : whmada غير متواجد حالياً

    افتراضي مساعدة -

    طيب يارايت عشان الفايد تعم تحط رقم صاحب الورشة عشان نقدر نستفيد


  9. #9

    الصورة الرمزية M!SHO

    رقم العضوية : 50256

    تاريخ التسجيل : 18Oct2009

    المشاركات : 1,697

    النوع : ذكر

    الاقامة : .

    السيارة: .

    السيارة[2]: .

    دراجة بخارية: .

    الحالة : M!SHO غير متواجد حالياً

    افتراضي -

    اقتباس المشاركة الأصلية كتبت بواسطة whmada مشاهدة المشاركة
    طيب يارايت عشان الفايد تعم تحط رقم صاحب الورشة عشان نقدر نستفيد
    http://www.nilemotors.net/Nile/118993-a.html


  10. #10

    الصورة الرمزية أحمد علوان

    رقم العضوية : 54350

    تاريخ التسجيل : 01Dec2009

    المشاركات : 338

    النوع : ذكر

    الاقامة : Badr City

    السيارة: ربنا يكرم

    السيارة[2]: Peugeot 305

    الحالة : أحمد علوان غير متواجد حالياً

    افتراضي -

    hasad">

    مبروك عليك تظبيطة العربية واكيد انت انسان محترم عشان كدة اديت الحق لاصحابة وشكرت العقيد خالد من خلال الموضوع ده



 
صفحة 1 من 3 1 2 3 الأخيرةالأخيرة

المواضيع المتشابهه

  1. تجربتي مع سمكري في الحرفيين (العقيد خالد)
    بواسطة dr-mohamed في المنتدى المنتــــــدى العـــــــــــام للسيــارات
    مشاركات: 41
    آخر مشاركة: 31-05-2019, 12:43 PM
  2. تجربتي الرائعة مع السبع زهراء المعادي
    بواسطة citadeldeath في المنتدى نيـــــــــسان
    مشاركات: 19
    آخر مشاركة: 07-11-2012, 12:54 PM
  3. سمكري سيارات
    بواسطة hanafyx في المنتدى جسم السيارة داخليا وخارجيا
    مشاركات: 10
    آخر مشاركة: 27-07-2010, 05:06 AM
  4. تجربتي السيئة مع سمكري في الحرفيين
    بواسطة tifa-tifa في المنتدى المنتــــــدى العـــــــــــام للسيــارات
    مشاركات: 2
    آخر مشاركة: 27-07-2010, 03:58 AM
  5. سمكري ودوكو
    بواسطة yasserhussien في المنتدى ورشـــة نــايل مــــوتـــورز
    مشاركات: 0
    آخر مشاركة: 05-06-2008, 12:17 AM

الكلمات الدلالية لهذا الموضوع

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

Content Relevant URLs by vBSEO 3.6.0 PL2