جزاك الله خيرا يا دكتور
كان لي تجربة مع العقيد خالد ولكن للأسف متشرفتش بية والموضوع كان مكالمات
صاحبي و شريكي في الشغل كان في القاهرة رايح يخلص شغل وقدر الله وهو علي الكورنيش الفرامل هربت منة ودخل في عربية فولفو و وش العربية اتبهدل ،، اتصل بيا وصفتلة طريق الحرفيين وقلتلة اني هكلملة العقيد خالد وقفلت معاة علي كدة وبعدين اتشغلت لأني كنت لوحدي في الشركة
وبعدها اتصلت بالعقيد خالد وقالي خلية يكلمني ويجيلي ،، وكلمت صاحبي تاني اديتلة رقم التليفون وخليتة اتصل بية علشان ينسقو مع بعض بس لأني كنت اتأخرت علية فا كان راح يخلص الشغل اللي هو نازلة في المهندسين لكن اتصل بالفعل بالعقيد خالد
وبعدها بشوية كتير لاقيت العقيد خالد بيتصل بيا وقلقان جدا لأن صاحبي مراحلوش وكمان هو عمال يتصل بية ومش بيرد وقالي ابقي طمني
اتصلت بصاحبي مردش ،،، وبعدين لاقيت عقيد خالد بيتصل بيا تاني وقلقان يعني مش مجرد حد بيتصل يسأل مجيتش لية لأ بالعكس تحس ان اخوك الكبير اللي بيكلمك وعايز يطمن في اية وكان عايز هو اللي يروح لصاحبي كمان
وعلي ما صاحبي رد عليا عرفت انة كان عامل التليفون سايلنت والعربية بعتها لواحد معرفة الناس اللي كان في شغل عندهم ومفضيش يروحلة
المفضلات