| تسجيل عضوية جديدة | استرجاع كلمة المرور ؟
Follow us on Twitter Follow us on Facebook Watch us on YouTube
صفحة 1 من 5 1 2 3 4 5 الأخيرةالأخيرة
النتائج 1 إلى 10 من 42

  1. #1

    الصورة الرمزية dr-mohamed

    رقم العضوية : 40918

    تاريخ التسجيل : 23May2009

    المشاركات : 4,852

    النوع : ذكر

    الاقامة : الجيزة

    السيارة: بروتون بيرسونا 2010 اوتو

    السيارة[2]: لانسر كريستالة 99 اوتوماتيك

    دراجة بخارية: لا يوجد ومش بحبها كمان

    الحالة : dr-mohamed غير متواجد حالياً

    افتراضي تجربتي مع سمكري في الحرفيين (العقيد خالد) - Facebook Twitter whatsapp انشر الموضوع فى :

    السلام عليكم ورحمه الله
    بما اننا اعتدنا على الشائعات وعلى تصديق حديث الافك وعدم اعمال العقل فيما هو منقول ممن لا يستوثق منه النقل رأيت ان انقل لكم تجربتي في سيارتي لاوضح بها حقيقة من اتهم (بالضمة ) وهو اعلى ممن اتهم (بالفتحة) وشكك في ذمته وهو ولا اذكي على الله احدا اكبر وانقي من ان يشكك في ذمته
    ومن لا يعرفني يسئل عنى اخواننا في قسم الميتسوبيشي (ما عدا ابو اياد - حبيبي يا ابو اياد رد على الموبايل بقة)



    انا هاحكي النهاردة تجربه رائعة جدا قابلتني عن طريق واحد عرفته من هنا من المنتدى
    وثقت فيه وكنت فاكر اني هاجد في المنتدى اللي بحبه وعضو فيه من زمان كل معامله محترمة والحمد لله لقيت اكتر مما توقعت
    الاول انا عضو هنا من سنة تقريبا لما كنت بدور على عربية ومن يومها متركتش الموقع اكتر من ايام ولظروف العمل وكثير منكم يعرفوني ان لم يكن معرفة شخصية في مقابلات الموقع فمعرفة الكترونية من خلال المشاركات في الموقع
    انا عندي عربية لانسر وكريستالة ومش بسيبها لحد نهائي وكعادة شوارع مصر احيانا تتخبط او العيال اياهم يجربوا هل المسمار ممكن يطير اللون بتاع العربية ولا لا او الطلبة حبايبي يركبوا على الشنطة ويجربوا هل لو ضغطوا على الاكصدام ممكن يقع ولا لا الخ الخ من كوارث حياتنا اليومية
    الى ان قام سواق تاكسي شاهين الله يسامحه بحضن العربية حضن خفيف نتج عنه تطبيقة في الكابوت وقطع في الاكصدام الامامي وتني الرفرق الشمال
    هنا جبت اخري وقلت لازم اعملها في الاجازة واضحي واديها سمكرة ودوكو
    قريت في المنتدى ان فيه مكان كويس هنا اقدر الاقي فيه سمكرة للعربية
    روحت والحمد لله انى رحت مكان كنت رحته من فترة بسيطة كام شهر وانا بشتري حاجات من الحرفيين مع الخبير في اللانسر هيما لانسر هي ورشة العقيد خالد وقتها كانت
    ورشة صغيرة جدا
    لاء عيب اني اقول عليها ورشة
    هيا حاجة ائل من كدة بكتير
    واحد واقف في الشارع وعندة رف على ضهر كابينة رش
    وسلمنا عليه وقتها وشربنا الشاي واتكلنا على الله واشترينا حاجاتنا ورجعنا
    المرة دي رايح له زبون ومتخوف لاكتر من سبب منهم ان الراجل زوق جدا في مقابلته الاولى وفي كلامه مع الناس كلهم يقولهم اشوف العربية الاول وبعدين اقول التكلفة وقلت هيخبط في العالي الخ الخ المهم
    عشان معظم المنتدى بتشكر فيه
    رحت له بعد ما كلمته ووجدته نقل لورشة جديدة وطبعا عرفت منه ان الورشة القديمة كانت مؤقتة للبحث عن مكان افضل وان شاء الله يكبر اكتر واكتر
    المهم
    سيبتلة العربية يعملهالي بعد ما اتفقنا على السمكرة وبنتفق على الدوكو قالي هانادي بتاع البوية تتفقوا سوا وكلم واحد اسمه احمد قدورة على الموبايل وجه قدورة واتفقنا على الشغل اللى هيتعمل والتكلفة
    وسيبت له العربية واتفقنا ان التسليم هيكون بعد حوالى 12 يوم لانى وديت العربية يوم الاتنين واتفقنا استلمها الجمعة اللى بعد بعدها
    ورحت له مرة واحدة بس في وسط المدة فوجئت ان شغل السمكرة بعد ما كان قايل هياخد اسبوع والدوكو 5 ايام فوجئت بعد حوالى 4 ايام ان شغل السمكرة كله خالص والعربية اتفك السقف بتاعها علشان تترد خبطة كانت فيه على البارد من غير ما نكون متفقين عليها وبعدها راحت لبتاع الدوكو واحنا سوا
    المهم ان اختي عقبالكم خلفت والسبوع هيتعمل يوم الخميس في البلد يعني لازم اسافر بالعربية واحنا متفقين اخد العربية الجمعة اخر النهار
    طبعا دي مش شغلته احنا اتفقنا على الميعاد وانا كنت راضي بيه لكن ادي الله وادي حكمته
    مستحيل اسافر بالولاد بالمواصلات ومستحيل مسافرش سبوع بنت اختي
    ووجدت واحد من زملائنا هنا منزل اعلان عن عربيته ام 11 للايجار وفعلا سئلته وطلعت مانيوال للاسف وانا حالف ما هركب مانيوال تانى بسبب الم رجلي المتواصل من العربية السابقة
    وكلمت واحد حبيبي يشوف لي عربية ايجار احتياطي لو ملحقتش اخد العربية ااجرها يوم الخميس وارجعها الجمعة
    وقلت كلم العقيد خالد شوف ممكن تخلص قبل كدة ولا لا
    كلمته قالي العربية عند قدورة هروح واكلمك من عنده
    بعدها بشوية اتصل بيا من عند قدورة وكلمة من هنا كلمة من هناك ضغط على قدورة واتفقنا يسلمنا العربية يوم الاربعاء بس من غير تلميع ولما ارجع اروح له يلمعها
    ده طبعا بعد ما رفضت عرض من العقيد خالد اصر عليه بشدة اني اخد عربيته واسافر بيها لانه على كلامه مش بيحتاجها كتير وعادي لما اخدها يومين ورفضت طبعا فعرض عليا انه يوصلني انا والولاد وبردو رفضت العملية مش ناقصة احراج تانى
    المهم اتفقت مع قدورة استلم العربية يوم الاربع بالليل من غير تلميع
    قلت يا واد انت موراكش حاجة يوم الاربع اطلع العصر واقعد لهم على العربية

    وهنا كانت المفاجأة
    رحت على قبل المغرب بشوية وطلعت على قدورة على طول وقلت ابص على العربية الاول قبل ما اروح للعقيد خالد لقيت العربية وقدورة مش موجود و2 شغالين فيها بس الاكصدام نصه مش مرشوش واسود وفيه حتة في الباب الشمال الخلفي معمولة سمكرة قلت للصنايعية هو قدورة فين قالوا 10 دقايق وييجي
    طيب العربية دي نظامها ايه قالوا بنلمعها قلت لهم بتلمعوا ايه اذا كان نص الاكصدام مش مرشوش والباب لسة فيه حتة سمكرة قالوا لا اصل صاحب الورشة بتاع السمكرة جه وشاف العربية معجبوش الشغل اللى في الاكصدام علشان كان فيه شوية حاجات عادية اوي لان الاكصدام زفر يعني مش مشكلة قام كحته وقال لقدورة لازم يتعاد من تانى مع ان والله كانت تعدي بس ناس غاوية تعب والباب نفس الحكاية الحتة دي معجبتهوش خبطها وقال يترش الباب كله من جديد (اقسم بالله العقيد خالد اول مرة يعرف الكلام ده) حتي بص هتلاقي ادام الاكصدام مكان البوية اللى قشرناها وجه قدورة وقالي الشغل تمام بس صاحبك فيه حاجات معجبتهوش بس مش غلطتنا الاكصدام الجديد اللى انت جايبه زفر ونطر البوية على خفيف واول ما العقيد خالد شافه ورجعنا عليه لقينا البوية ممكن تنطر بسهولة قالنا نعيده من تاني

    رحت للعقيد خالد والحكاية والرواية ورجعنا على قدورة لقينا العربية راحت الفرن انتظرنا لما جه دورها وخلصت على الساعة 12 تقريبا كلم بتاع السروجي وقاله احنا مستنيينك وجه السروجي قفل الفرش وجه الرجالة بتاعة قدورة حصلونا على ورشة العقيد خالد ولمعوا العربية مرة تانية وفضلنا انا والعقيد خالد ومحمود الصنايعي اللى عنده نركب الدلايات والكارتيرات ويقفل الفوانيس لغاية الساعة 4 الفجر


    واخيرا اتسلمت العربية
    والعقيد خالد قالي لما ترجع من البلد تعال تاني علشان عايز ابص على العربية بالنهار وبالمرة نديها وش تلميع تانى وضحك وقلا متخافش من غير فلوس على النوتة المرة دي وضحكنا وروحنا واحنا مش شايفين ادامنا ولما وصلت البيت جهاز الانذار عملها وهو بيهيس من قبل ما اروح للعقيد خالد وخلانى اضطريت افصل البطارية علشان يسكت وكان فيه انوار الكشافات الامامية مش شغلاة رحت للكهربائي بتاعي لقي ان فيه فيوزات محروقة شغلهم وكله بقة تمام

    انا والله ما كنت ناوي اكتب الموضوع ولا احكي اللي حصل لكن بالفعل لما الاقي واحد بيتعامل معانا بالامانة والزمة وباخلاق الفرسان التى لم تعد موجودة الان وياتي احدهم الذي لم ولن يساعد احد ولو حتي بكلمة مواساة او تشجيع او راي ويهاجم هذا الانسان ويدعي عليه كذبا ما ليس فيه وجدت انه من الواجب علي ان اقول شهادة حق احاسب عليها امام الله



    وعلى فكرة وانا هناك اخر مرة كان الموضوع اياه اتنشر وسئلت قدورة وحلفته على المصحف هل فيه زبون جه بلانسر من كام شهر وحصل كذا وكذا اقسم لي بالله ما حصل وان العربيات الانسر اللى جت من عند العقيد خالد هي العربيات الاخيرة بس يعني في اخر شهر بس جات من عنده لانسرات وان العربية بالمواصفات بتاعة السمكرة والبوية اللى قال عنها العضو والله ما جت له ولا اتعمل فيها اي حاجة ولا يعرف عنها اي حاجة واقسم على المصحف على كلامه ده

    وعلشان الناس الشكاكة ممكن سوء الظن يخليهم يقولوا ده الكلام ده كله محصلش او انى داخل اقول الكلام ده مجاملة للعقيد خالد
    اقسم بالله كل اللى قلته هو اللى حصل وبالكلمة
    وبالامارة كمان وانا هناك قابلت رالي ارت اللى معانا هنا وكان رايح يعمل عربيته اللانسر وعربية واحد صاحبه
    وقابلت هانى بردو معانا هنا وكان بيعمل عربيته سبيرانزا
    وكلمت اخونا هشام وكان بيعمل عربية مرات اخوه فيورا
    وكمان حبيبي كريم منير شاف عربيتي وهددني عن طريق صاحبه شنوري انهم يخطفوها

    وحسبي الله ونعم الوكيل في اي حد يسيء للانسان ده بالافتراء والزور والبهتان

    معلش هاقول اسم الصنايعي او صاحب الورشة ده وهو العقيد خالد


  2. #2

    الصورة الرمزية Ahmed Hassan

    رقم العضوية : 388

    تاريخ التسجيل : 30Apr2007

    المشاركات : 5,576

    النوع : ذكر

    الاقامة : Port Said

    السيارة: N/A

    السيارة[2]: BMW 330i

    دراجة بخارية: N/A

    الحالة : Ahmed Hassan غير متواجد حالياً

    افتراضي -

    احييك على دفاعك عن الحق و عن راجل منعرفش عنه غير كل خير.
    و في الآخر احسم حاجه تتقال في حالة الفتراء على الناس "ربنا يدي كل واحد على قد نيته"

    Thanks
    Ahmed Hassan
    AIR BAGS SAVE LIVES, AWD SAVES AIRBAGS


  3. #3

    الصورة الرمزية Ahmed Samy

    رقم العضوية : 1716

    تاريخ التسجيل : 12Aug2007

    المشاركات : 12,834

    النوع : ذكر

    الاقامة : Egy

    السيارة: ex polo ex lancer

    السيارة[2]: Kia Cerato

    الحالة : Ahmed Samy غير متواجد حالياً

    افتراضي -

    ربنا يديك عل قد نيتك

    و الله تعرف ............

    بعد الموضوع ده

    أنا مش شايف داعي ان حد يناقش و لا يبص و لا يرد في الموضوع التاني

    علشان تعرف يا سيادة العقيد

    " إن الله يدافع عن الذين آمنوا إن الله لا يحب كل خوان كفور "


  4. #4

    الصورة الرمزية 3ateef

    رقم العضوية : 63782

    تاريخ التسجيل : 01Mar2010

    المشاركات : 2,807

    النوع : ذكر

    الاقامة : Masr

    السيارة: *

    السيارة[2]: Nubira II CDX

    الحالة : 3ateef غير متواجد حالياً

    افتراضي -

    بصراحة انا من اول ما دخلت المنتدى ما شفتش حد قال كلمة وحشة على العقيد خالد -عن شخصه او ورشته-....

    وكل الناس بتشكر فيه وفى ذوقه واخلاقه....

    وبالنسبة للموضوع التانى احب اقول للعقيد خالد "يا جبل ما يهزك ريح"


  5. #5

    الصورة الرمزية dr-mohamed

    رقم العضوية : 40918

    تاريخ التسجيل : 23May2009

    المشاركات : 4,852

    النوع : ذكر

    الاقامة : الجيزة

    السيارة: بروتون بيرسونا 2010 اوتو

    السيارة[2]: لانسر كريستالة 99 اوتوماتيك

    دراجة بخارية: لا يوجد ومش بحبها كمان

    الحالة : dr-mohamed غير متواجد حالياً

    افتراضي -

    اقتباس المشاركة الأصلية كتبت بواسطة ahmed hassan مشاهدة المشاركة
    احييك على دفاعك عن الحق و عن راجل منعرفش عنه غير كل خير.
    و في الآخر احسم حاجه تتقال في حالة الفتراء على الناس "ربنا يدي كل واحد على قد نيته"
    ربنا يجازي كل واحد بعمله واكيد اخونا خالد ربنا هيجازيه كل خير واللى كتب الموضوع التاني ربنا يجازيه بنيته

    اقتباس المشاركة الأصلية كتبت بواسطة ahmed samy مشاهدة المشاركة
    ربنا يديك عل قد نيتك

    و الله تعرف ............

    بعد الموضوع ده

    أنا مش شايف داعي ان حد يناقش و لا يبص و لا يرد في الموضوع التاني

    علشان تعرف يا سيادة العقيد

    " إن الله يدافع عن الذين آمنوا إن الله لا يحب كل خوان كفور "
    والله العظيم يا اخ احمد انا ماسك نفسي من ساعة ما الموضوع التاني بدا علشان عربيتي كانت لسة عند العقيد

    خالد ولو قلت اللى بيحصل اول بأول كان ممكن يبقي فيها شبهة نفاق او رياء او مصلحة

    لكن بما ان مصلحتي انتهت عنده ومبقاش ليا عنده اي حاجة ولا محتاجه في حاجة غير الاخوة فحق له وواجب

    عليا انى اقول كلمة الحق في هذا الرجل واقول ما رايته منه من اخلاق وزمة وضمير وزوق بشكل غير طبيعي

    وفي نفس الوقت اخليه يحس ان زي ما فيه ناس ممكن تدعي عليه بالكذب والافتراء زي ما فيه ناس ممكن تدافع

    عنه بالحق وفي حدود الحق فقط

    ووالله لو كان في عمل الرجل عيوب لقلت عليها ولما يكن هناك عيب الا موضوع الكشافات المعلقة وجهاز الانذار ودي خارجة عن ارادته ولا تساوي اي شئ مقابل عروضه الكريمة باعطائي سيارته انهي بها مشاويري واسافر بها

    وللعلم الرجل لم يعرفني ولم اعرف هالا من خلال المنتدي
    فهل يوجد صنايعي يصر على اعطائك سيارته تنهي بها مشاويرك وتسافر بها لوجه الله ؟
    هل هناك صنايعي يصر ان يوصلك لمحافظة اخري مشوار اكتر من ساعتين ويرجع تاني لوجه الله ؟؟؟؟؟؟؟؟

    ده هو العقيد خالد المفتري عليه


  6. #6

    الصورة الرمزية dr-mohamed

    رقم العضوية : 40918

    تاريخ التسجيل : 23May2009

    المشاركات : 4,852

    النوع : ذكر

    الاقامة : الجيزة

    السيارة: بروتون بيرسونا 2010 اوتو

    السيارة[2]: لانسر كريستالة 99 اوتوماتيك

    دراجة بخارية: لا يوجد ومش بحبها كمان

    الحالة : dr-mohamed غير متواجد حالياً

    افتراضي -

    اقتباس المشاركة الأصلية كتبت بواسطة 3ateef مشاهدة المشاركة
    بصراحة انا من اول ما دخلت المنتدى ما شفتش حد قال كلمة وحشة على العقيد خالد -عن شخصه او ورشته-....

    وكل الناس بتشكر فيه وفى ذوقه واخلاقه....

    وبالنسبة للموضوع التانى احب اقول للعقيد خالد "يا جبل ما يهزك ريح"

    عندك حق يا عاطف بس للاسف اعتقد ان الموضوع التاني اثر بشكل كبير جدا علي العقيد خالد لانى شفت كم الحزن في عينيه اخر مرة كنت عنده وكان الموضوع ده مثار بشدة وقتها


  7. #7

    الصورة الرمزية د.محمود صلاح

    رقم العضوية : 1435

    تاريخ التسجيل : 14Jul2007

    المشاركات : 14,773

    النوع : ذكر

    الاقامة : مصر

    السيارة: لا

    السيارة[2]: اوبترا

    الحالة : د.محمود صلاح غير متواجد حالياً

    افتراضي -

    جزاك الله خيراً ..


  8. #8

    الصورة الرمزية بحري

    رقم العضوية : 2387

    تاريخ التسجيل : 30Sep2007

    المشاركات : 3,446

    النوع : ذكر

    الاقامة : alexandria

    السيارة: لا يوجد

    السيارة[2]: accent'99-F/O A/T

    الحالة : بحري غير متواجد حالياً

    افتراضي -

    جزاكم الله خيرا يا دكتور محمد..إحنا عرفنا العقيد خالد كشخص نزيه وعنده أخلاق بغض النظر عن موضوع العربيات..وحسن الظن إنه لما يعمل مشروع زي ده مش هيبيع سمعته وعلاقاته ووجاهته ويشتري قرشين هو أصلا مش ميت عليهم
    ومبروك على العربية وربنا يحفظهالك من كل سوء

    قال الله عزوجل في محكم آياته

    (وإذ أخذ الله ميثاق الذين أوتوا الكتاب لتبيِّنُّنه للناس ولا تكتمونه فنبذوه وراء ظهورهم واشتروا به ثمنًا قليلاً فبئس ما يشترون)

    (إن الذين يكتمون ما أنزلنا من البينات والهدى من بعد ما بيناه للناس في الكتاب أولئك يلعنهم الله ويلعنهم اللاعنون . إلا الذين تابوا وأصلحوا وبينوا فأولئك أتوب عليهم وأنا التواب الرحيم)


  9. #9

    الصورة الرمزية A.Saad

    رقم العضوية : 25216

    تاريخ التسجيل : 15Nov2008

    المشاركات : 14,015

    النوع : ذكر

    الاقامة : Haram & My mobile phone

    السيارة: New Accent 08

    السيارة[2]: Picanto 09

    دراجة بخارية: no

    الحالة : A.Saad غير متواجد حالياً

    افتراضي -


    امال انا اللى عامل عنده كارنيه
    وصلح لى خبطة عتب مكنش شافها ساعة الاتفاق وشوف شغل العتب بيتعمل عنده ازاى ورد كمان خبطة سقف على البارد
    ومرديش يزود جنيه

    تانى خبطة
    رحت الاربعا اخر النهار وعندى خبطة وكمان فيها شغل فيبر ولما عرف ظروفى ضغط نفسه علشان يخلصها
    والاحلى بقى لسه جاى
    هوة شال وش الكاسيت والطفاية وطفاية السجاير معاه
    وراح يوصل الصنايعى محطة مصر علشان مسافر
    كلمته وهو فى السكة قلت له خللى الحاجة معاك وابقى اخدها يوم تانى
    قاللى لا
    وانا اقوله ما ترجعش
    بس لقيته رجع
    يعنى اخر الصنايعى عن سفره علما بانه حاجز تذكرة قطار بحوالى 50 جنيه
    ورجع من السكة وهيضطر يوصله تانى
    علشان ماجيش انا تانى او امشى من غير حاجتى اى وقت

    يقدر حد يقوللى حاجة غير كدة
    وهنقول حاجة
    كام واحد عمل عنده شغل ومش راضى
    وكام واحد راضى
    شوفوا انتم واحكموا

    A.Saad


  10. #10

    الصورة الرمزية kar!m

    رقم العضوية : 7018

    تاريخ التسجيل : 06Mar2008

    المشاركات : 6,388

    النوع : ذكر

    الاقامة : Cairo

    السيارة: _

    السيارة[2]: Hyundai Accent

    دراجة بخارية: Honda CBR 400 RR

    الحالة : kar!m غير متواجد حالياً

    افتراضي -

    ربنا يبارك لك .. فى ناس كتير بتكتب موضوعات لما يحصل لهم مشاكل مع صنايعى أو توكيل أو خلافه .. لكن قليل اللى يكتب لما يحصل له موقف مشرف .. والاتنين مطلوبين بصراحه.



 
صفحة 1 من 5 1 2 3 4 5 الأخيرةالأخيرة

المواضيع المتشابهه

  1. شكر خاص جدا لسيادة العقيد خالد
    بواسطة islamnabil في المنتدى المنتــــــدى الاجتمــاعى
    مشاركات: 12
    آخر مشاركة: 12-04-2019, 03:25 PM
  2. تجربتي الرائعة مع سمكري في الحرفيين
    بواسطة dr-mohamed في المنتدى جسم السيارة داخليا وخارجيا
    مشاركات: 24
    آخر مشاركة: 30-04-2014, 12:18 PM
  3. تجربتي السيئة مع سمكري في الحرفيين
    بواسطة tifa-tifa في المنتدى المنتــــــدى العـــــــــــام للسيــارات
    مشاركات: 2
    آخر مشاركة: 27-07-2010, 03:58 AM
  4. إلى العقيد خالد
    بواسطة megamoudy في المنتدى ريــــنو
    مشاركات: 31
    آخر مشاركة: 12-03-2010, 06:42 PM
  5. العقيد خالد .... هو لسة فيه ناس كدة ؟؟؟
    بواسطة amandoo في المنتدى ريــــنو
    مشاركات: 23
    آخر مشاركة: 17-02-2010, 12:13 AM

الكلمات الدلالية لهذا الموضوع

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

Content Relevant URLs by vBSEO 3.6.0 PL2