احذر بنزينة التعاون الي بعد البانوراما في صلاح سالم
بنزينة التعاون نصابين جدا . وخصوصا الي بعد البانوراما في صلاح سالم .
مرة حطيت بنزين 95 وانا جاي احاسب قالي علي فكرة فية 6 جنية المفروض تدفهعم بس خلاص دة غلطي انا ؟
طبعا عينية كانت عاملة زي القط الغلبان الي بيقولك عايز اكل !
طبعا سالتة لية؟ 6 جنية بتوع اية ؟
قالي اصلي حطيت الاول بنزين والمكنة فصلت ورجعت اشتغلت تاني فحسبت من الاول . وعلي العموم انا هاشيل الموضوع دة !
طبعا انا مش افندي لاني عمر ممونت وانا قاعد اتفرج جوة العربية !
كنت متابع جدا .
عموما قلتلة عوضك علي الله ومشيت زي الباشا
طبعا موضوع المسكنة دة انا حافظة صم والناس دي منعدمة الضمير
وياجماعة عايزين نخلي بالنا من اساليب النصب في المحطات.
ودة مكنش الموقف الوحيد .
من سنتين ايام البولو الله يمسي صاحبها بالخير . كنت باغسل العربية عشان اروح مشوار هناك وانا قاعد لاقيت واحد جاي بيقول اية الزيت الي جاي من التكييف دة؟
طبعا انا كنت لا افقة شيأ عن ان الزيت ممكن يكون طالع من مكان تزويد الفريون .
المهم قلتلة بتاع اية دة قالي دة التكييف خلي المهندس يبص علية .
طبعا صنايعي جاي وبعد المقايسة طلعت العربية مفيهاش فريون ودفعت يجي 120 جنية !
طبعا عرفت بعد كدة ان الي كان بيغسل العربية هوة الي فك البلوف لاني لاقيتها بعد كدة وانا بعمل صيانة.
حسبي الله ونعم الوكيل.
ياجماعة خلو بالكو من المكان دة جدااااااااااااااااااااا
ولو فية اي تجربة حصلت في نفس المكان للاعضاء نرجو التنوية للفائدة
وشكرا