| تسجيل عضوية جديدة | استرجاع كلمة المرور ؟
Follow us on Twitter Follow us on Facebook Watch us on YouTube
النتائج 1 إلى 9 من 9

  1. #1

    الصورة الرمزية amrbakly

    رقم العضوية : 11256

    تاريخ التسجيل : 22May2008

    المشاركات : 947

    السيارة[2]: Fiat Uno 45

    الحالة : amrbakly غير متواجد حالياً

    افتراضي أسبوع من العذاب مع الأونو ! - Facebook Twitter whatsapp انشر الموضوع فى :

    hasad">

    بدأت المسألة بحركة معتادة ..... العربية بتقطع لوحدها و بتنتش لحد ما وقفت خالص

    و تقف فين يا أولاد .. علي المحور الساعة 3 الفجر !

    واضح كدة انة المشط الإلكتروني .... العيب الأشهر لسيارات فيات التسيعينات

    فضلت مرزوع فيها بتاع ساعة احاول ادور مفيش، لحد ما يأست و لاقيت نمرة ميكانيكي مكتوبة علي جدار من جدران المحور، كلمت الراجل و قولتلة تعالي انقذني، بعد الفصال قالي 80 جنية و لو مطلعش العيب مشط مليش دعوة

    قفلت مع الراجل و بدور، قامت دايرة !

    روحت البيت و نمت

    قولت يا مسهل مش مشكلة، العربية بقالها بتاع ست سبع شهور معملتش فيها حاجة فمش خسارة فيها 150 جنية تمن المشط بالتركيب

    شديت الرحال علي الكيلاني في وسط البلد و جبت المشط الجديد و خليت الميكانيكي ركبة، و حبة نضافة قومت غاسل الماتور قبل ما أركب المشط الجديد

    ركبت المشط الجديد و مشيت يوم و قام واقف تاني و المرة دية فين بقي ؟ كوبري 15 مايو عند نزلة سفنكس! و بالمصادفة يقف يوم سبت، استنيت السبت و الحد و روحت الأتنين و غيرتة من الكيلاني ( طبعا و الراجل لاوي بوزة عليا ) و جبت تاني مشط و أدي 25 جنية كمان فك و تركيب.

    توقعت ان حفلة العذاب انتهت و قولت اطلع اسكندرية يومين، العربية ماشية تمام لحد الكيلو 21 و بدأت تعمل نفس الحركات تنتش و تقف

    يادي النيلة !

    فين و بطلوع الروح رجعت بيها بيتنا في اسكندرية و مش عارف اعمل اية بعد ما طلعت روحي يوم كامل و المرة دية بقي نتش و تفصل و تدور و تنطر و عمايل غريبة !

    جبت ميكانيكي تاني من الكيلو 21 يشوف فيها اية، غيرت المشط بمشط قديم كان عندي بيمشي شوية و جرب و طلع برضة المشكلة المشط ! و ادي 40 جنية كمان علشان الميكانيكي يجي لحد مقرنا الصيفي السكندري

    هنا أخدت قرار اني مش حجيب مشط جديد و ادور علي واحد استيراد .... منين يا عم نجيب الإستيراد، انزل علي صلاح الدين و بعد وصف و دوخة و فصل في نص الطريق و محاولة تبريد للمشط كل فترة عند اي بتاع كاوتش بهوا بارد

    وصلنا صلاح الدين .... محدش عايز يبيع المشط لوحدة، يا الأسبراتير كلة علي بعضة يا بلاش، طيب بكام يا عم 150 جنية بدون تركيب !

    فين و بعد لف يزيد عن ساعة واحد لاقي عندة مشط و رضي يبيعة بسبعين جنية، و 20 جنية تركيب

    غيرت المشط و كلة تمام و مفيش ربع ساعة و فصلت تاني !!!!!!!!!

    تفصل اسيبها 5 دقايق و ادور ... تدور، شوية و ترجع تقف تاني و دة فين بقي علي الكورنيش و ما أدراك بالكورنيش و سواقة الكورنيش، بالأضافة طبعا أن لما العربية بتفصل الفرامل بتقفش فالمسألة بقت حالة من الرعب

    افتكرت ساعتها ان الميكانيكي بتاعي كان قالي ان العيب دة بيعملة حاجتين يا إما المشط يا إما الموبينا، و الحل في الحالتين انك تحاول تبردهم بهواء بارد او بفوطة مبلولة

    قولت اشوف الموبينا و بالفعل طلعت كمان الموبينا مسافرة !

    في الأول افتكرت ان سلكها بيتهز و بعدها اتكشفت انها مسافرة !

    روحت اليوم دة و بسبب الهوا البارد في اسكندرية و سبت الكبوت مفتوح نص فتحة، فضلت العملية ماشية لحد ما روحت

    تاني يوم كلمت الميكانيكي بتاعي، قالي اوعي تجيب موبينا جديدة، انزل دور علي واحدة استيراد احسن الف مرة من الجديدة.

    عودة مرة تانية لصلاح الدين، جبت الموبينا الأستيراد .بتسعين جنية و طبعا دة سعر استهبالي لكن لأنك قاهري و في اسكندرية فوقعتك سودة

    المهم ركبتها اخيرا

    و اخيرا و بعد طلوع الروح نجحت في ان العربية تمشي و ترجعني مصر بعد ما شوفت اسوء ايام حياتي مع العربية و اجازة منيلة بستين نيلة !

    انا تعبت من الحكي، اتمني تستخلصوا انتوا بقي الدروس المستفادة من حكايتي مع الزمان ... قصدي حكايتي مع الأونو و قطع الغيار المضروبة


  2. #2

    الصورة الرمزية amrbakly

    رقم العضوية : 11256

    تاريخ التسجيل : 22May2008

    المشاركات : 947

    السيارة[2]: Fiat Uno 45

    الحالة : amrbakly غير متواجد حالياً

    افتراضي -

    نسيت أقول ان من ضمن الموسيقي التصويرية للحدث الأليم

    خرطوم المية بتاع الأخطبوط اتفك لوحدة و لزق في الماتور و اتخرم من السخونة و عمل نافورة مية

    و انا عملت أراجوز و صلحتة بنفسي قبلها بيومين برضة بطبة و افيزين نحاس !

    كان اسبوع ماشاء الله لوز اللوز !


  3. #3

    الصورة الرمزية semsem_uno

    رقم العضوية : 14080

    تاريخ التسجيل : 03Jul2008

    المشاركات : 2,925

    النوع : ذكر

    الاقامة : Nasr city,cairo-egypt

    السيارة: Hyundai Excel Gls

    السيارة[2]: FIAT Uno 45

    دراجة بخارية: none

    الحالة : semsem_uno غير متواجد حالياً

    افتراضي -

    اقتباس المشاركة الأصلية كتبت بواسطة amrbakly مشاهدة المشاركة
    بدأت المسألة بحركة معتادة ..... العربية بتقطع لوحدها و بتنتش لحد ما وقفت خالص

    و تقف فين يا أولاد .. علي المحور الساعة 3 الفجر !

    واضح كدة انة المشط الإلكتروني .... العيب الأشهر لسيارات فيات التسيعينات

    فضلت مرزوع فيها بتاع ساعة احاول ادور مفيش، لحد ما يأست و لاقيت نمرة ميكانيكي مكتوبة علي جدار من جدران المحور، كلمت الراجل و قولتلة تعالي انقذني، بعد الفصال قالي 80 جنية و لو مطلعش العيب مشط مليش دعوة

    قفلت مع الراجل و بدور، قامت دايرة !

    روحت البيت و نمت

    قولت يا مسهل مش مشكلة، العربية بقالها بتاع ست سبع شهور معملتش فيها حاجة فمش خسارة فيها 150 جنية تمن المشط بالتركيب

    شديت الرحال علي الكيلاني في وسط البلد و جبت المشط الجديد و خليت الميكانيكي ركبة، و حبة نضافة قومت غاسل الماتور قبل ما أركب المشط الجديد

    ركبت المشط الجديد و مشيت يوم و قام واقف تاني و المرة دية فين بقي ؟ كوبري 15 مايو عند نزلة سفنكس! و بالمصادفة يقف يوم سبت، استنيت السبت و الحد و روحت الأتنين و غيرتة من الكيلاني ( طبعا و الراجل لاوي بوزة عليا ) و جبت تاني مشط و أدي 25 جنية كمان فك و تركيب.

    توقعت ان حفلة العذاب انتهت و قولت اطلع اسكندرية يومين، العربية ماشية تمام لحد الكيلو 21 و بدأت تعمل نفس الحركات تنتش و تقف

    يادي النيلة !

    فين و بطلوع الروح رجعت بيها بيتنا في اسكندرية و مش عارف اعمل اية بعد ما طلعت روحي يوم كامل و المرة دية بقي نتش و تفصل و تدور و تنطر و عمايل غريبة !

    جبت ميكانيكي تاني من الكيلو 21 يشوف فيها اية، غيرت المشط بمشط قديم كان عندي بيمشي شوية و جرب و طلع برضة المشكلة المشط ! و ادي 40 جنية كمان علشان الميكانيكي يجي لحد مقرنا الصيفي السكندري

    هنا أخدت قرار اني مش حجيب مشط جديد و ادور علي واحد استيراد .... منين يا عم نجيب الإستيراد، انزل علي صلاح الدين و بعد وصف و دوخة و فصل في نص الطريق و محاولة تبريد للمشط كل فترة عند اي بتاع كاوتش بهوا بارد

    وصلنا صلاح الدين .... محدش عايز يبيع المشط لوحدة، يا الأسبراتير كلة علي بعضة يا بلاش، طيب بكام يا عم 150 جنية بدون تركيب !

    فين و بعد لف يزيد عن ساعة واحد لاقي عندة مشط و رضي يبيعة بسبعين جنية، و 20 جنية تركيب

    غيرت المشط و كلة تمام و مفيش ربع ساعة و فصلت تاني !!!!!!!!!

    تفصل اسيبها 5 دقايق و ادور ... تدور، شوية و ترجع تقف تاني و دة فين بقي علي الكورنيش و ما أدراك بالكورنيش و سواقة الكورنيش، بالأضافة طبعا أن لما العربية بتفصل الفرامل بتقفش فالمسألة بقت حالة من الرعب

    افتكرت ساعتها ان الميكانيكي بتاعي كان قالي ان العيب دة بيعملة حاجتين يا إما المشط يا إما الموبينا، و الحل في الحالتين انك تحاول تبردهم بهواء بارد او بفوطة مبلولة

    قولت اشوف الموبينا و بالفعل طلعت كمان الموبينا مسافرة !

    في الأول افتكرت ان سلكها بيتهز و بعدها اتكشفت انها مسافرة !

    روحت اليوم دة و بسبب الهوا البارد في اسكندرية و سبت الكبوت مفتوح نص فتحة، فضلت العملية ماشية لحد ما روحت

    تاني يوم كلمت الميكانيكي بتاعي، قالي اوعي تجيب موبينا جديدة، انزل دور علي واحدة استيراد احسن الف مرة من الجديدة.

    عودة مرة تانية لصلاح الدين، جبت الموبينا الأستيراد .بتسعين جنية و طبعا دة سعر استهبالي لكن لأنك قاهري و في اسكندرية فوقعتك سودة

    المهم ركبتها اخيرا

    و اخيرا و بعد طلوع الروح نجحت في ان العربية تمشي و ترجعني مصر بعد ما شوفت اسوء ايام حياتي مع العربية و اجازة منيلة بستين نيلة !

    انا تعبت من الحكي، اتمني تستخلصوا انتوا بقي الدروس المستفادة من حكايتي مع الزمان ... قصدي حكايتي مع الأونو و قطع الغيار المضروبة
    رغم ان الأونو مش بيعمل معايا كده الحمد لله بس علي ما اعتقد ان العربية ديه بتحب تلعب معاك
    اقتباس المشاركة الأصلية كتبت بواسطة amrbakly مشاهدة المشاركة
    نسيت أقول ان من ضمن الموسيقي التصويرية للحدث الأليم

    خرطوم المية بتاع الأخطبوط اتفك لوحدة و لزق في الماتور و اتخرم من السخونة و عمل نافورة مية

    و انا عملت أراجوز و صلحتة بنفسي قبلها بيومين برضة بطبة و افيزين نحاس !

    كان اسبوع ماشاء الله لوز اللوز !
    Extra LOL !!!!

    FIATIAN INSIDE...


  4. #4

    الصورة الرمزية amrbakly

    رقم العضوية : 11256

    تاريخ التسجيل : 22May2008

    المشاركات : 947

    السيارة[2]: Fiat Uno 45

    الحالة : amrbakly غير متواجد حالياً

    افتراضي -

    هي احيانا كدة بتعمل معايا تصرفات غريبة

    زي مرة كدة اتخرمت مني فردة تيوبليس جديدة 13 خرم مرة واحدة ! و في نفس اليوم بركن و قامت فردة تانية منتوشة في مسمار في خشبة واقعة في الشارع

    مرة برضة طلعت روحي لمدة ساعة مش عايزة تدور و بالصدفة اكتشفت ان سلك الموبينا للأسبراتير اتفك لوحدة و انا مش شايفة !

    مرة برضة و بدون اي مقدمات لاقيت كل الأنوار اللي فيها طفت من اول نور التابلوة لحد نور الصالون لكلة و طلع ان الفيشة اللي راكبة في الأكصدام الخلفي اللي موصلة للمبة الصغيرة بتاعت لوحة النمر اتفكت لوحدها و لمست مع بعض و عملت قفلة !

    معرفش العربية دية فيها اية؟ احيانا بحس اني منحوس معاها !


  5. #5

    الصورة الرمزية Moe86

    رقم العضوية : 42525

    تاريخ التسجيل : 13Jun2009

    المشاركات : 2,955

    النوع : ذكر

    الاقامة : Tanta mainly

    السيارة: Fiesta1.6, Punto

    السيارة[2]: Peugeot 207

    دراجة بخارية: no

    الحالة : Moe86 غير متواجد حالياً

    افتراضي -

    ربنا يكون فى عونك
    و متشكرين على نقل تجربتك, ممكن تفيد ناس كتير بعد كدة


  6. #6

    الصورة الرمزية ainshouka

    رقم العضوية : 35544

    تاريخ التسجيل : 15Mar2009

    المشاركات : 1,339

    النوع : ذكر

    الاقامة : منوف.......المعادى

    السيارة: Nothing

    السيارة[2]: Fiat Argenta 82

    دراجة بخارية: لا يوجد

    الحالة : ainshouka غير متواجد حالياً

    افتراضي -

    يعنى حتى الكيلانى حاجته مضروبة

    قال رسول الله صلى الله عليه وسلم:"اضمنوا لى ست من أنفسكم أضمن لكم الجنة
    اصدقوا اذا حدثتم و أوفوا اذا عاهدتم و أدوا اذا أتمنتم وغضوا ابصاركم واحفظوا فروجكم وكفوا أيديكم" صدق رسول الله صلى الله عليه وسلم -صحيح البخارى ومسلم-


  7. #7

    الصورة الرمزية semsem_uno

    رقم العضوية : 14080

    تاريخ التسجيل : 03Jul2008

    المشاركات : 2,925

    النوع : ذكر

    الاقامة : Nasr city,cairo-egypt

    السيارة: Hyundai Excel Gls

    السيارة[2]: FIAT Uno 45

    دراجة بخارية: none

    الحالة : semsem_uno غير متواجد حالياً

    افتراضي -

    اقتباس المشاركة الأصلية كتبت بواسطة ainshouka مشاهدة المشاركة
    يعنى حتى الكيلانى حاجته مضروبة
    انا جبت من عندو بطاحطين ضربو بعد اسبوع

    FIATIAN INSIDE...


  8. #8

    الصورة الرمزية caysersosaih

    رقم العضوية : 27210

    تاريخ التسجيل : 09Dec2008

    المشاركات : 1,387

    النوع : ذكر

    الاقامة : Kuwait

    السيارة: Nissan Altima 2012

    السيارة[2]: فيات تمبرا

    الحالة : caysersosaih غير متواجد حالياً

    افتراضي -

    في حاجات كتير دلوقتي الاستيراد أفضل واضمن منها

    د.ضياء يوسف











  9. #9

    الصورة الرمزية kisho55555

    رقم العضوية : 17717

    تاريخ التسجيل : 01Sep2008

    المشاركات : 2,134

    النوع : ذكر

    الاقامة : Suez Canal Cities

    السيارة: ChEvOrLeT OpTrA 2013

    السيارة[2]: HyaunDi ElaNtra 2007

    دراجة بخارية: soon

    الحالة : kisho55555 غير متواجد حالياً

    افتراضي -

    hasad">

    ياااااااااااه . ايه كل ده يا عم ..

    حمد لله على السلامة اولا ...

    ثانيا .. ابقى حاول لما تغير حاجة فى الكهرباء ابقى اعمل فحص على كل اجزاء الكهربا بالمرة .. وممكن يكون كل الامشاط اللى اشتريته وباظت دى تكون شغالة .. بس العيب كان من الموبينة ...

    بس انت نسيت تقول حاجة ... عملت ايه مع الميكانيكى بتاع المحور ... اديته بمبة ولا اعتذرت له ؟؟؟

    [shfaf2]http://img810.imageshack.us/img810/3041/image003002.gif[/shfaf2]
    يا لذيذ يا رايق



 

المواضيع المتشابهه

  1. العذاب في شارع فيصل
    بواسطة SYD في المنتدى المنتــــــدى العـــــــــــام للسيــارات
    مشاركات: 5
    آخر مشاركة: 24-05-2011, 11:12 AM
  2. العذاب ليس له طبقة
    بواسطة abogogo في المنتدى المنتــــــدى الاجتمــاعى
    مشاركات: 2
    آخر مشاركة: 09-08-2010, 06:19 AM
  3. سنة ونصف من العذاب المستمر
    بواسطة atafelnemer في المنتدى مشاكل الكهربــاء
    مشاركات: 22
    آخر مشاركة: 18-06-2010, 11:04 PM
  4. مشاركات: 9
    آخر مشاركة: 22-06-2009, 08:41 PM
  5. بداية العذاب مع غبور !
    بواسطة zakiali في المنتدى هيــونــداى
    مشاركات: 27
    آخر مشاركة: 29-05-2008, 08:52 PM

الكلمات الدلالية لهذا الموضوع

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

Content Relevant URLs by vBSEO 3.6.0 PL2