الموضوع: موضوع مهم جدا جدا

المشاركة الأصلية كتبت بواسطة R_A_M_Y

اية الضرر؟

معرفش بس المهندس محمد التازي من الدعم الفني لزيوت BP Visco قال كده في الموضوع ده :

http://www.nilemotors.net/Nile/12459...post3872842220

و طبعا ده تخصصه و هو ادرى مننا

المشاركة الأصلية كتبت بواسطة cbx

انا فى موضوع الزيت دة ليا رأى اننك لو استخدمت زيت محركات الديزل يبقى افضل علشان درجة الحرارة فنا غير برة تماما بكدى يبقى الزيت دة هيستحمل درجة الحرارة اللى عندنا دة عير ان لزوجتة اعلى .

المشكلة ان المتخصصين بيقولوا غير كده

اولا بيقولوا ان فيه ضرر لاستخدام زيوت الديزل في محركات البنزين

ثانيا ارتفاع اللزوجة عالبارد مش حاجة كويسة .... الموتور محتاج لزوجة قليلة عند بدء التشغيل البارد ..... يعني انا البايك بتاعتي (على حسب كلام هوندا في ال Service Manual) بتحتاج زيت 10W40 .... يعني لزوجة 10 عالبارد و لزوجة 40 عند حرارة 100 مئوية

انا باحط فيها زيت 5W40 يعني لزوجة 5 عالبارد و 40 عند درجة 100 مئوية و ده احسن ..... لان في الزيوت متعددة الدرجات الرقم اللي شمال ال W كل ما يقل يبقى احسن و الرقم اللي عاليمين كل ما يزيد يبقى احسن ..... يعني لو البايك عاوزة 10W40 و انت حطيت 5W50 يبقى احسن بكتير جدا ......

الظريف ان عشان انا باحط زيت 5W40 يعني عالبارد لزوجته 5 و انت بتحطه تحس انه صايص و خفيف خالص ..... و دي ميزة مش عيب لانه وقت التشغيل بيتوغل جوة الموتور بسرعة جدا و مجرد ما يسخن بيتقل بسرعة عالية جدا (يعني مجرد دقيقة و لزوجته توصل ل 40)

لو الزيت بقى غير متعدد الدرجات يعني مثلا لزوجته SAE-50 ..... ده مضر جدا بالبايك لان الزيت هيبقى تقيل جدا جدا جدا عالتشغيل البارد اللي هو اصلا المفروض الزيت يبقى فيه لزوجته لا تزيد عن 10 .... يعني الموتور لحد ما يسخن هيفضل الزيت تقيل و عفي عليه جدا و مش قادر يزيت كل انحاء الموتور

و النقطة دي تقودنا للنقطة رقم 3:

3- زيت الديزل لو متعدد الدرجات عادة بيبقى 20W50 ....

20 دي لزوجة عالية جدا عالبارد بالنسبة لموتور موتوسيكل ......

و تقودنا كمان للنقطة رقم 4

4- مفيش حاجة اسمها تستحمل الحرارة اللي عندنا .... لو الزيت 5W40 يبقى لزوجته هتبقى 40 عند درجة حرارة 100 درجة مئوية .... سواء انت في مصر او انجولا او السعودية او ألاسكا هتبقى لزوجته 40 طول ما الحرارة جوة الموتور 100 مئوية ..... مما يعني ان مفيش داعي لاستخدام زيت لزوجته أعلى عالفاضي

5- اخيرا و ليس اخرا ..... فيه برة مصر زيوت بتبقى certified انها تستعمل في كل من محركات البنزين و الديزل ...... اللي في مصر مش كده ... و الا اكيد الصانع بتاع الزيوت ماكانش خسر حاجة انه يكتب عالجركن "لمحركات الديزل و البنزين" عشان يزود المبيعات .....

المشاركة الأصلية كتبت بواسطة yascro

مذاكر وفاهم

تلامذتك يا باشا

المشاركة الأصلية كتبت بواسطة cbx

بصراحه انا فى غاية الشكر والامتنان للاستاز احمد كمال على الشرح الوافى والجميييييييييييييييييييي ييييييييل دة وربنا يخليك لينا ياباشا بجد دة شرح دكتور . حاجة كدة على الهادى يعنى تقريبا كلة فهم هههههه بتكلم جد والله انا فعلا بشكرك على طريقتك فى تبسيط المعلومة ( بدون فزلكة ).
وبخص بالشكر ايضا برنس المنتدى دياب باشا على الافهات الجميلة دى وربنا ما يحرمنا منك ولا من إفهاتك هههههههه

أخجلتم تواضعي :)