يارجالة الحقوني انا فطست خلاص!

**mahmoud5777** · 27-07-2010 12:32 PM

شغل التكييف على الجاف هايسحب الرطوبة اللى فى الجو بس هايخدلو بتاع ساعتين علشان يخلص

**n_i_t_e** · 27-07-2010 01:51 PM

المشاركة الأصلية كتبت بواسطة computerking

السلام عليكم

يا رجالة انا ساكن في اسكندرية و امبارح نمت بالعافية و النهاردة بجد مش عارف انام بسبب الحر ده ! ده انا بقيت ميه و انا لابس شرط و فنله بس ! خلاص انا مش طايق نفسي هوا على كدة الواحد لازم يشتري تاكيف ؟! المروحة مبقتش بتعمل حاجة !

ايه الحل ؟ كل ماخد دش كاني مخدش و مش عارف اناااااااااااام ! انا تعبت خلاص :(

معلش هو فعلا الرطوبة رهيبة جدا اليومين دول.
السؤال بقى انت بتسأل على احتياجك للتكييف؟؟؟؟ انت عايش ازاي من غيره؟
المروحة مبتعملش حاجة خالص حتى التكييف مبتحسش فيه الا لما تكون لازق فيه

المشاركة الأصلية كتبت بواسطة funnymickey

والله انا قمت امبارح من النوم من الحر
حسيت اني نايم في برطمان مربي من كتر التلزيق اللي انا فيه
المشكله مش في الحر
المشكله في الرطوبه العاليه موووووووووووت

ههههه دي فعلا مشكلة تانية خصوصا انى مبحبش المربى خالص *_^

**adelmof40** · 27-07-2010 01:57 PM

يا راجل يا طيب في اسكندريه وبتشتكي ..... وامال بتاع القاهرة يعمل ايه اللي مش لا قي ترعه
يبلبط فيها

**م. عصام مهنى** · 27-07-2010 01:59 PM

تخيل لما يقطعوا الكهرباء ساعة فى الجو الحر دى
امبارح قطعوا الكهرباء من الساعة 10 إلى الساعة 11 بالليل
الاطفال الصغيرة تعمل ايه مش الكبار
الكبار ممكن تستحمل انما الاطفال تعمل اية

اللهم ارحمنا

**Deshahcoka** · 27-07-2010 10:17 PM

تصدق الكهربا قطعت ساعتين الا ربع النهاردة و امبارح ساعة و نص يعني ايه لزمة التاكيف دلوقتي من غير الكهرباء ؟ حاجة تجن :)

الف شكر على الردود يا رجالة :) ربنا يخليكم كلكم

**youssefmustang** · 27-07-2010 11:33 PM

فعلا انا امبارح كنت فى اسكندرية ومشغل المراوح فى الشقة وعمال انزل عرق بطريقة تخوف كأنى قاعد فى سونا وما بعملش اى مجهود غير انى بلعب بلاى ستيشن وعمال انزل فى عرق رهيييب

**kemoelord** · 28-07-2010 12:04 AM

تقريبا يا جماعه الكهرباء بتقطع كتير في عدة مناطق مختلفه بالتساوي علشان سياسية الترشيد في استهلاك الكهرباء المتباعها الوزارة هذا الصيف بالتحديد ,, والاهم اننا عندنا حلول كتييييييييير لتوفير الكهرباء الا اننا هنفضل دائما متخلفين ولازم حد يجي يعملنا المشاريع علشان نستخدمها