يارجالة الحقوني انا فطست خلاص!

**pro_samir** · 28-07-2010 05:19 AM

يعني الواحد يفطس من الحر وبعديين يحوشلة قرشين ويجيب تكييف تقوم الحكومة قاطعة الكهربا وتفطسة تاني وتحسرة علي التكييف اللي مش عارف يتهني بية

انا في الدور الأخير جحيييم ومعرفتش اقعد في الشقة من غير تكييف أصلا ، والحمد لله الكهربا مش بتقطع

بس دايما ضعيفة جدا ومش بعرف اشغل التكييف شوية علي بعض ،، قمة الذل

تحياتي ,, فطسان رقم 2

**aliabutaleb** · 28-07-2010 09:54 AM

إمبارح الكهرباء قطعت في أكتوبر من 6 ونص لغاية 10 مساءً تقريباً

حد عنده فكرة عن مبرد الهواء؟
أنواع وأسعار وإمكانيات، وهل تنصحوا بيه ولا لأ؟

**Hossam_Hassan** · 28-07-2010 10:27 AM

المشاركة الأصلية كتبت بواسطة أبو حمزة

إمبارح الكهرباء قطعت في أكتوبر من 6 ونص لغاية 10 مساءً تقريباً

حد عنده فكرة عن مبرد الهواء؟
أنواع وأسعار وإمكانيات، وهل تنصحوا بيه ولا لأ؟

اختراع مالوش لازمة و بيزود الرطوبة، الجو ده لازم تكييف حتى لو الواحد هيستلف.

**ahmed4000** · 28-07-2010 10:52 AM

دعوة للناس اللى مبتقطعش عندها الكهربا
حسوا باخواتكم شوية وقللوا استهلاك الكهربا بقدر الامكان خلال الفترة من 8 مساء إلى 10 مساء علشان الحكومة متقطعش الكهربا عن الناس التانية ...الاستهلاك رهيب فى الوقت ده والحكومة بتقول علشان الشبكة متنهارش لازم نقطع الكهرباء عن بعض الاحياء

صح او غلط مفيش حل الا اننا نحس ببعض وكل واحد وهو بيفتح انوار على الفاضى فى الوقت ده يفتكر انه بيتسبب كده فى ان اخ ليه يتسلق فى الحر والضلمة

المشاركة الأصلية كتبت بواسطة midomahany

تخيل لما يقطعوا الكهرباء ساعة فى الجو الحر دى
امبارح قطعوا الكهرباء من الساعة 10 إلى الساعة 11 بالليل
الاطفال الصغيرة تعمل ايه مش الكبار
الكبار ممكن تستحمل انما الاطفال تعمل اية

اللهم ارحمنا

المشاركة الأصلية كتبت بواسطة computerking

تصدق الكهربا قطعت ساعتين الا ربع النهاردة و امبارح ساعة و نص يعني ايه لزمة التاكيف دلوقتي من غير الكهرباء ؟ حاجة تجن :)

الف شكر على الردود يا رجالة :) ربنا يخليكم كلكم

المشاركة الأصلية كتبت بواسطة kemoelord

تقريبا يا جماعه الكهرباء بتقطع كتير في عدة مناطق مختلفه بالتساوي علشان سياسية الترشيد في استهلاك الكهرباء المتباعها الوزارة هذا الصيف بالتحديد ,, والاهم اننا عندنا حلول كتييييييييير لتوفير الكهرباء الا اننا هنفضل دائما متخلفين ولازم حد يجي يعملنا المشاريع علشان نستخدمها

المشاركة الأصلية كتبت بواسطة hemalotfy

الكهرباء قطعت انهارده من بعد صلاة المغرب لحد الساعة 11.30
وامبارح نفس الموضوع

حاجة تنرفز

المشاركة الأصلية كتبت بواسطة pro_samir

يعني الواحد يفطس من الحر وبعديين يحوشلة قرشين ويجيب تكييف تقوم الحكومة قاطعة الكهربا وتفطسة تاني وتحسرة علي التكييف اللي مش عارف يتهني بية

انا في الدور الأخير جحيييم ومعرفتش اقعد في الشقة من غير تكييف أصلا ، والحمد لله الكهربا مش بتقطع

بس دايما ضعيفة جدا ومش بعرف اشغل التكييف شوية علي بعض ،، قمة الذل

تحياتي ,, فطسان رقم 2

المشاركة الأصلية كتبت بواسطة أبو حمزة

إمبارح الكهرباء قطعت في أكتوبر من 6 ونص لغاية 10 مساءً تقريباً

حد عنده فكرة عن مبرد الهواء؟
أنواع وأسعار وإمكانيات، وهل تنصحوا بيه ولا لأ؟

**aliabutaleb** · 28-07-2010 12:11 PM

لأول مرة في تاريخ مصر.. استهلاك الكهرباء في يوم واحد يعادل مرة ونصف طاقة السد العالي

اضغط للتكبير
حسن يونس وزير الكهرباء والطاقة

7/28/2010 11:13:00 AM
القاهرة - سجل مركز التحكم القومي في الشبكة الكهربائية أعلي معدل استهلاك في الطاقة الكهربائية لأول مرة في تاريخ مصر الاثنين الماضي .
وأكد المركز أن الحمل الأقصي للكهرباء وصل إلي‏23‏ ألفا و‏600‏ ميجاوات، بزيادة ‏2600‏ ميجاوات عن نفس الفترة من العام الماضي وهي قدرات تعادل مرة ونصف المرة الطاقة المنتجة من محطة توليد كهرباء "السد العالي"‏،‏ والتي كانت تغطي احتياجات شهر من الكهرباء أوائل الثمانينيات‏.‏
وقال الدكتور حسن يونس وزير الكهرباء والطاقة عقب التقرير الفني الذي تلقاه من الدكتور محمد عوض رئيس الشركة القابضة لكهرباء مصر " إن الشبكة الكهربائية نجحت في استيعاب الأحمال الزائدة والتي جاءت بسبب زيادة درجات حرارة الجو غير المعهودة‏ " .
وأشار يونس إلي أهمية مركز التحكم القومي في غياب الأحمال أولا بأول علي مدار الساعة وتحديد النقاط الساخنة بها لعمل الحلول اللازمة للحفاظ علي مهمات ومعدات الشبكة الكهربائية .
وأوضح يونس أنه تمت زيادة قدرات الشبكة القومية بنحو‏5‏ آلاف ميجاوات وجار إضافة قدرات جديدة وفقا للخطة الخمسية ‏2012/2007‏ والمقرر بنهايتها إضافة نحو‏9000‏ ميجاوات من محطات التوليد المركبة والحرارية والمائية وطاقتي الشمس والرياح لاستيعاب أي أحمال جديدة‏.‏
وأكد وزير الكهرباء والطاقة أنه يجري حاليا مد الخطوط الكهربائية والكابلات الأرضية علي جميع الجهود لنقل الطاقة الكهربائية المنتجة من محطات التوليد التي يتم تشغيلها لنقلها الي شبكات توزيع الكهرباء ومدها الي مراكز الأحمال علي مستوي الجمهورية‏.‏
وذكر يونس أن نصيب الفرد من الكهرباء بلغ حاليا ‏1750‏ كيلووات ويتمتع بالكهرباء نحو‏99.3%‏ من سكان الجمهورية‏,، مؤكدا أنه يتم العمل للتخطيط الحالي والمستقبلي الدائم لمواجهة اي تطور متوقع أو غير متوقع للأحمال الكهربائية‏.‏
المصدر : صحيفة الأهرام ، مصراوى

**Deshahcoka** · 29-07-2010 06:33 AM

هههههههههههه الكلام ده بجد يا رجالة ؟!

**Abdo_Eldesokey** · 29-07-2010 07:08 AM

المشكلة يا جماعة إن محطات الكهرباء بتعمل بكفاءة قد تصل إلى 30 % مع زيادة درجة الحرارة

يعني كل ما تحتاج الكهرباء أكثر .. الكهرباء بتقل

أكيد الموضوع ده ليه حلول .. هيقلك مكلفة ، طب أمال إحنا بندفع فاتورة كهرباء بقالنا 100 سنة ليه ، وكل شهر بيبقى ضعف الشهر الي قبله

مين دول يا شيخ حسني ؟؟

**akramlail** · 29-07-2010 07:24 AM

لا والغريب اننا بنصدر كهرباء واذ فاجأة الحكومة تفوجأ ان الكهلربا مش مكفيانا
ولية الناس مشغلة تكيفات ومراوح بكثافة ؟؟
طب دول الخليج اللى عايشة على التكيف ومش واحد ولا اتنين فى البيت الواحد بيعملو اية وهما معندهمش سد عالى ؟؟ لا وطول السنة مش صيف بس
هوة احنا على طول كدة عكس العالم