عربية للبيع byd f3 gli 1600cc 2007 ب38000
السلام عليكم ورحمة الله و بركاته
انا معايا عربية بى واى دى موديل 2008 لسه شاريها من حوالى اربع شهور عاملة 19500 كيلو ب44000 جنيه ومن جمال العربية و حلاوتها عايز اشترى واحدة زيها لاخويا تمام
لقيت عربية موديل 2007 نفس الموديل عاملة 60000 كيلو متر ب41500 و صاحبها قال من غير مفاصله انه ممكن يبعها ب 38000 بس طبعا ممكن ينزل تانى لانى لسه مفصلتش معاه
المهم انى لما ضغط عليه و قلتلوه انى هاوديها التوكيل ولو فيها حاجه مش هاخدها و انى معايا اختها وعارف كل حاجه عنها رايح قالى المفاجأه
انها مقولبه قبل كده ومتغيرلها السقف بالقوايم فى التوكيل بتاع العباسيه
السؤال ياجماعة العربية ديه تساوى كام بالضبط وهل اخدها ولا ممكن موضوع تغيير السقف ده يأثر على كفائة العربية مع العلم ان اخويا هايخودها يشغلها مشاوير خاصة سفر يعنى
حد يقولى هاتشترى عربية مقلوبه ليه متروح تشترى واحدة سليمه
هاقوله اولاً مفيش حد بيبيع الجميلة بى واى دى و لو دورت على الانترنت مش هاتلاقى حد عارضها بالاضافة لان اخويا حدوده 35000 لحد 38000
و كمان الراجل صاحب العربية قالى حاجه غريبة ان في العربية حساسات ورا وهى موديل 2007 مع ان عربيتى اخر 2007 ترخيص 2008 نفس الموديل بس مفيهاش هو فى عربيات نزلت بحساسات وعربيات نزلت من غير حساسات فى 2007 ولا ايه
افيدونا و جزاكم الله خيراً