الموضوع: الحل ايه في طابلوه الاكسنت الشكل القديم (سؤال هاااااام)

الحل هو التغيير ولا يوجد غيره لكن لاحظ انك لابد وان تترك دائما مقدار 1سم واحد من اي شباك لتفريغ الحراره
تاحد من ان السياره لم تاني من صدمات اماميه لان ذلك ربما يكون السبب في عدم وضع التابلوه في الوضع الصحيح وبالتالي مع تثبيته وربطه فانه يكون هناك احمال ومع الحراره واهتزازات السياره يكسر التابلوه من تلقاء نفسه .
من ناحيه اخري لفك التابلوه واستبداله في الاكسنت لابد من فك البزبريز الامامي لان التابلوه لايخرج من الصالون بل يخرج من مكان البربريز الامامي
لايمكن تركيب اي تابلوه اخر عدا التابلوه الاصلي
بانسبه للرد الخاص بالمعجون وتكسيه بالجلد هذا حل لايجوز مع سياره من الموديلات الحديثه لانه سدمر قيمة السياره وهذا الحل ليس في عصرنا هذا ابدا لكن هناك حل اخر وهو ان يقوم احد مراكز الفيبر يعمل علاج للتابلوه وبالطبع سيكون شكله سيء جدا بعد الانتهاء لكن يجيء دور مركز رش ودهانات بتكسية التابلوه بمعجون فيبر ثم يرش التابلوه بنفس اللون الاصلي ولكن لابد من ان يكون مركز محترم ليقوم بالعمليه علي افضل مايكون

المشاركة الأصلية كتبت بواسطة essam_shaaban

مهو عشان اعمل كل اللي بتقوله ده يبقي اعتقد اني اجيب واحد استيراد افضل و احط عليه قطعة قطيفة اللي بتتباع ب 30 ج احافظ عليه من الشمس ولا ايه رايك؟

ده الحل العملي على فكرة
أنا طبعا عندي نفس مشكلة الشرخ ولكنها مش مأثرة على حاجة والحمد لله..جبت كسوة من دي وبرغم إني مش مبسوط من شكلها إلا إنها حل عملي وأوفر أفضل من مغامرة فك التابلوه وتركيب واحد جديد
بالنسبة لك يا أستاذ عصام طالما الموضوع عامل مشاكل سخونة ومأثر على التكييف يبقى مفيش حل غير التغيير..توكل على الله وإن شاء الله الموضوع يتظبط

ياجماعه انتم بتتكلمو في تابلوه عربيه سعرها بالاقل 40000 يعني مش 1100 والا فوكسهول يعني كل مسمار فيها ليه قيمته ومفرش قطيفه والكلام ده مش عملي فعلا وطبعا كل واحد ليه دماغه لكن انا باتكلم عن الشيء الصح والمزانيات بتحكم برضه مع احترامي للجميع

معلش بس أنا كنت حابب أوضح لحضرتك حاجة يمكن عملتلك مشاكل في موضوع بيع العربية بتاعتك وهو إنك فعلا عامل over estimation
لسعر العربية..موديل عربيتي وعربية أخينا عصام مش بتزيد عن ٣٨ في أحسن الأحوال لو كانت كاملة..عربيتك المعروضة تعدي الأربعين أينعم مفيش مشاكل
النقطة التانية..وهي لأن العربية فعلا بفلوس مش ببلاش فخسارة إني أشتري تابلوه بـ ٧٥٠ جنيه وأدفع تكاليف كهربائي وسروجي وسمكري وفي الآخر التابلوه الجديد يطلع ناقص مسمار ولا ضعيف من حتة معينة وللا شغل السمكري أو السروجي أو الكهربائي يطلع مش كويس واتدبس في الفلوس دي كلها على الفاضي
فطالما في حل (عملي) يساعد في تخفيف المشكلة أو إنهائها يبقى مفيش مشكلة سواء كان الموضوع متعلق بميزانية أم لا..أنا معنديش مشكلة مادية إني أغير التابلوه..لكن باقول هل الفائدة المتحققة من دفع المبلغ ده تساويه فعلا وللا آخد المغامرة كمان وعلى الفاضي
عموما الموضوع سهل وقريب إن شاء الله والمسألة اختيارات زي ما حضرتك قلت ومفيهاش حق وباطل...المسألة نسبية بدرجة كبيرة
تحياتي

يا سيدي الحمد لله انا ماعنديش المشكله دي لاني لازم اسيب منفذ هواء في السياره لان الحراره الشديده تؤثر علي كل قطعه داخل الصالون وليس التابلوه فقط بالاضافه الي انني اتكلم من وجهة نظر اي شخص يرغب في شراء سياره يهتم بالتابلوه بشده خصوصا في الاكسنت وعموما هي وجهات نظر واعذرني لاني محسوك بجد ومش ممكن الاقي حاجه في عربيتي مش صح واسيبها ده انا ممكن مااعرفشي انام الا لما اعملها مهما كلفتني لاني مهما هاصرف في العربيه انا باعتبر اللي صرفته شيء طبيعي لان العربيه مش حديده وبلاستيك اولا واخيرا راحه نفسيه وبس وبالتوفيق