كروز ولا ... ؟

**bayantt** · 27-07-2010 02:13 PM

أنا بعت الأوبترا بتاعتى من أسبوع

هى اعدت معايا ثلاث سنين عملت فيهم سبعين الف, و الحمد لله لم أواجه أى مشكلة مع التوكيل ولا العربية.
دولقتى أننا عايز أجيب كروز هاى لاين, هى ب 151000 فيها كل ال options عدا فتحت سقف و مثبت سرعة.
هل هنال أختيرات أفضل بدون زيادة فى المبلغ ؟

أنا استخدامى الاساسى سفر, تقريبا 400 كيلو فى الاسبوع,علما بان طولى 185 سم

**ahmedbibo** · 27-07-2010 03:23 PM

حراااااااام تدفع المبلغ ده فى الكروز

اولا عندك اختيارات افضل بكثيير منها ماتورها ماتور الاوبترا مش هتحس بفرق فى الاداء خالص

انا واحد جارى قالى انها مش ثابته شويه فى الملفات الحاده وهو الى بيقول مش انا و انا مجربتهاش بس قعدت جوه وركبت معاه بس معرفش جايز بيقول كده عشان الحسد ولا ايه معرفش برده

توكيل مش من حلاوته اوى ياعنى

مشاكل ان العربيه بتبطل على سرعه فى المانيول

عندك اختيارات كتير افضل

فيات برافو

سيات ليون

تويوتا كورولا

رينو فلوينس

مازدا 3

ميتسوبيشى شارك

سوبارو امبريزا

رينو ميجان هاتش باك

سيتروين c4

وممكن السيفيك بس هتبقى اقل فئه

**M.Radwan** · 27-07-2010 03:46 PM

حسب كلام قرأته في قسم شيفروليه من أخونا حسام أوبتراوي
لو مصمم على كروز تجيب أختها دايو لاسيتي أفضل بكتير من الكروز،

**ahmedbeirut123** · 27-07-2010 06:17 PM

الكروز اختيار موفق جدا انا ان شاء الله ناوى على واحدة توب لاين بس مستنى موديلات 2011

انا بعد حيرة و مقارنات كتيرة بينها وبين عربيات تانية

لاقيت انها احسن اختيار بس يارت موديل 2011 تنزل بفتحة سقف

**ahmedbeirut123** · 27-07-2010 06:22 PM

المشاركة الأصلية كتبت بواسطة ahmedbibo

حراااااااام تدفع المبلغ ده فى الكروز

اولا عندك اختيارات افضل بكثيير منها ماتورها ماتور الاوبترا مش هتحس بفرق فى الاداء خالص

انا واحد جارى قالى انها مش ثابته شويه فى الملفات الحاده وهو الى بيقول مش انا و انا مجربتهاش بس قعدت جوه وركبت معاه بس معرفش جايز بيقول كده عشان الحسد ولا ايه معرفش برده

او بمعنى اصح فيه ناس بتحب تحور وتفتى

**bayantt** · 27-07-2010 09:48 PM

أنا سمعت أكتر من كده عن ال optra بس عن تجربة العربية كويسة, و التوكيل عادى زيه زى أى after sale فى مصر don't expect much
يس العربية أكيد stable عن الاوبترا , العربية أعرض و أوطى من الاوبترا

**Gabrial** · 27-07-2010 09:52 PM

تحياتي يا باشا ،و ربنا يوفقك للخير ،الكروز عربية كويسة طبعاً ،أكبر عيوبها التوكيل بس حضرتك بتتعامل معه من فترة و مفيش مشاكل الحمد لله ،بس في نقطة ،حضرتك مقابلتش مشاكل في منصور بس لا قدر الله و حصل حاجة يبقى الله يعينك بقى ،تاني حاجة العربية مبالغ في سعرها جداً و يا ريت نزلة بالموتور الاصلي بتاعها ذي برة ،قدامك حاجات تانية ذي رينو فلونس ،مازدا الجديدة ،سوبارو امبريزا ،فورد فوكس ،فيات برافو.

لو حضرتك عايز كوري هات سيراتو highline ب-١٢٦ ألف و وفر 25 ألف مش شايف لهم مبرر .أو استنه شوف اللنترا الجديدة نظامها إيه.