لا يا عم المواصلات أرحم
سوست و كمان نقل الحركة بيكون على العجلات الخلفية مش الأمامية
عرض للطباعة
كلامك ده على التاهو واليوكن ....اقتباس:
بتنزل منهم نسختين
دفع خلفى و نسخه دفع رباعى
ده امامى فقط..اقتباس:
هو البيجو ال 405 و ال 406 دفع خلفي و للا كبالن (جر امامي) !!!
405 406 407
116 316 318 320 كل ده امامي
كنت عايز اسأل السؤال ده من زمان
فعلا فين عربيات الدفع الخلفي
طيب اخبار الجيب ايه بيتهيألي دفع خلفي بش مش عارف الانواع والاسعار
يا جماعة الموضوع فيه خلط كتير :N_no[1]:
مافيش علاقة بين السوست والكبالن، دي حاجة و دي حاجة. و الاثنين مش عكس بعض
إزاي بس تقول ال 116 316 318 320 أمامي؟
العربيات دي كلها من BMW دفع خلفي و على كبالن كمان لأنها تعليق مستقل independent suspension
و ناس كتير فاكرة أن الكبالن للدفع الأمامي فقط و ده غير صحيح
عربيات زي المرسيدس E,C,S و بي ام دبليو اللي بتشوفها من الثمانينات لحد موديلات اليومين دول دفع خلفي كبالن. و عندك البيجو 504 GL و بيجو 505 الصالون نفس الكلام. و التعليق الخلفي المستقل أفضل في الراحة و الثبات مع المنحنيات لأن كل عجلة ممكن تتحرك فوق و تحت دون النظر لحركة العجلة الأخرى. و بتكون الكورونة مثبتة بالأعلى بجسم السيارة و (مدلدل) منها الكبالن اللي رايحة للعجل الخلفي. و لو مثلاً هتعدي بالعجلة اليمين فوق طوبة كل اللي هيحصل أن العجلة اليمين هتطلع فوق الطوبة و تنزل من غير ما يأثر بشكل ملحوظ على العجلة الشمال أو حركة جسم العربية ككل
http://img529.imageshack.us/img529/6...9077f33eaa.jpg
http://datsun510.com/photopost/data/...R200_LSD_1.jpg
لو هتتكلم عن عربيات دفع خلفي للخدمة الشاقة هتلاقي العجل متصل بالكورونة عن طريق أكسات و ليس كبالن زي العربيات النقل و الميكروباص و اللادا و الشاهين و الأفانزا و البيجو 7 راكب
و في العربيات دي بتكون العجلتين مع الكورونة قطعة واحدة بيتحركوا مع بعض لفوق و وتحت. يعني لو هتعدي بالعجلة اليمين فوق طوبة هيحصل كأن جسم العربية لف جول نفسه في اتجاه عقارب الساعة للحظة
http://lh6.ggpht.com/_Ii1ukGkfijY/Sq..._image0013.jpg
http://www.autozine.org/technical_sc...s_liveaxle.jpg
و ده الفرق بين الاثنين
ايوة يا باشا كده
خلي الموضوع يحلو