الموضوع: اسمع عمر دياب " Live"

يااااااااااااااااااااااه
كل ده علشان لقيت موقع "مسلي"
ممكن تشغله خلفية وانت ع النت, وانت بتشتغل, بتفكر في حاجة

الموضوع ابسط من كده بكتييييير
ومن غير ماندخل في تحريم وتجريم الأغاني "مش موضوعنا هنا"

ده لينك أغاني لمطرب ما
اللي عايز يسمع ... والي مش عايز , برضو ...

ولو ها ندخل في موضوع ان انا جايب لينك أغاني, وهاشيل ذنب كل واحد يسمع
يبقى من باب أولى نطالب بوقف وإلغاء قسم الصوتيات بالمنتدى
لأن سماع القرآن الكريم مش محتاج صب وجي إم "سيمفوني" وكاسيت "سوني إكسبلوود" (إلا إذا كنت هاتشغل العربيه في دار مناسبات)

وأعتقد ان معظمنا بيسمع أغاني وبيصرف "آلآف" على طقم الصوت والعده بتاعة عربيته

ومش كل واحد بيسمع أغاني يبقى مايعرفش ربنا
الناس من زمااااان ( من أيام الرسول الكريم صلى الله عليه وسلم) وهما بيتباروا في نظم الشعر وتجويده زي مابيتباروا في حفظ القرآن وترتيله.

المشاركة الأصلية كتبت بواسطة korkor

كل المواضيع اللى من هذه النوعيه بتقلب خناقات نوعيه من التعليقات اللى بتتقال اتقى الله , حرام عليك احنا داخلين على رمضان وشويه فتاوى واقتباسات من مواقع اسلاميه وشيوخ كبار وهوبا الموضوع يسخن مابين مؤيدين ومعارضيين وعضو يغلط من هنا والتانى يسخر منه ويسفه رايه من هنا و كام عضو يتوقفوا وفى الاخر تلاقى حد طلع ويقولك نقفل الموضوع ده . انت محضرتش معارك من دى قبل كده بتبقى مسليه اوى

عزيزي korkor
شكرا لمرورك الكريم
وعايز أقولك إن الموضوع مش مستاهل تحفز لبعض
انا موضح الموضوع من العنوان
يعني اللي مالوش في سماع الأغاني ....مش مجبر ان يفتح الموضوع من الأول

المشاركة الأصلية كتبت بواسطة محمد محمد

مسلية اوي.....ممممممممممممممم!

أدينا هانشوووف

المشاركة الأصلية كتبت بواسطة M.Osama

هههههههههههههههههههههه بالظبط كده

3-4 حيتوقفوا والباقي حياخد تحذير

طيب
أنا صحيفة سوابقي لسه بيضا

المشاركة الأصلية كتبت بواسطة Dr Ahmed

طب خلاص يلا ياريت الادارة تقفل الموضوع من الآخر طالما متأكدين من النتيجة قوى كده

طيب وليه مايبقاش عندنا "ثقافة الحوار"

المشاركة الأصلية كتبت بواسطة tameraast

ليه يعنى ما الى عايز يسمع سمع و الى مش عايز عادى برضو كل واحد حر هيا الناس هتحاسب بعض و لا ايه ؟
كل واحد ربنا هيحاسبه

thx man good site :D

وده رأيي أنا كمان
العفو يا مان

المشاركة الأصلية كتبت بواسطة korkor

واضح انك جديد فى المنتدى هو كلامك صح ان كل واحد حر فى اختياراته اللى عايز يسمع براحته واللى مش عاوز برده براحته , بس اصبر بس لما الدنيا تليل كده والناس ترجع من شغلها والمعارك تقوم .

يا مراحب يا مراحب

المشاركة الأصلية كتبت بواسطة tameraast

ههههههههههههههههههههههههه ه و انا راشق يا مان

وأنا معاااك
ومش هاسيبك

المشاركة الأصلية كتبت بواسطة Abdo_Eldesokey

بسم الله توكلنا على الله .. أنا هبدأ يا جماعة

@$#$%#$^%@$^$%@^%^@#%^

كفاية كده أحسن أتوقف

بص يا باشا هو الموضوع مش خناقة ولا حاجة ، كل الموضوع بس إنه المفروض متحطش لنك لأي أغاني أو أي حاجة حرام (أو مشكوك في أمرها) ، لأن كل واحد هيسمع الأغاني دي حضرتك هتاخد ذنبه ، وأظن الواحد كفاية عليه ذنوبه

فيه ناس هتقول الأغاني مش حرام بدليل كذا وكذا ، أقلهم حتى لو الموضوع فيه شك ، الصحابة عليهم رضوان الله كانوا يتركون تسعة أعشار الحلال مخافة الوقوع في الحرام

فأنا أتمنى إنك تبعت للإدارة يحذفوا اللنك ، لأنك أخويا ويهمني مصلحتك

طبعا ألف شكر ليك على النصيحة
بس بالنسبة لموضوع الأغاني ف مافيهوش أي شك من ناحيتي
أنا عارف الفرق كويس جدا بين الحلال والحرام في الموضوع ده
ف ألف شكر ليك مرة تانية
وبالنسبة لموضوع الحذف ده
ف زي ماقلت
نلغي قسم الصوتيات كله أحسن !!!

المشاركة الأصلية كتبت بواسطة ahmed_nubira

مين عمرو دياب؟

المشاركة الأصلية كتبت بواسطة alaa_dash

ده فنان شاب عنده 50 سنة :)

لسه في "عز" شبابه

المشاركة الأصلية كتبت بواسطة ahmed_nubira

مش دة اللى بيطلع فى الاعلانات يشرب ماشيه ويلعب ضغط؟

وبيشرب "بيييبس" كمان

المشاركة الأصلية كتبت بواسطة mahamedaraby

يعنى عذرا للمقاطعه وعذرا للخروج بره الموضوع مين اللى قال لحضرتك معلومه اللى تحتها خط دى

المشاركة الأصلية كتبت بواسطة ahmed_nubira

ايوه عشان هو اللى قال عليها والاغانى حرام فبالتالى كلنا هناخد زنوب

على فكره الموضوع شكله كده هيقلب خناقه زى ماقال احد الاعضاء

المشاركة الأصلية كتبت بواسطة Abdo_Eldesokey

فيه حضرتك حديث بيقول "لعن الله الخمر وساقيها وشاربها .."

يعني لو انت بتسهل لحد معصية ، يبقى انت مشارك فيها زيك زيه

ماعتقدش اني لما أسمع اغنية "راجعين" مثلا هامشي أطوح في الشارع, ولا هاتسطل من اغنية "تملي معاك"

فرق كبير جدا بين الخمر و الأغاني
وبعدين كل حاجة ليها شروط بتحكم هي حلال ولا حرام
ف مثلا : سكينة المطبخ
ماحدش يقدر يقول انها حرام
لكن لو اتقتل بيها حد !! الموضوع اختلف
زي النت والتليفزيون, وأمثلة تانية كتيييير

الفرق كله في انت بتستخدم الشيء ازاي

كلنا شفنا حملة "أقم صلاتك"
قد ايه معبرة عن واقع الشباب اللي بنعيشه
ومن ضمن أحد اعلاناتها
الولد اللي ساب ال" جيت سكاي" علشان الصلاة
ماهو لو ما راحش يصلي, نلاقي حد بقى يقول ان الجيت سكاي "حرااام"

تقبل رأيي وتحياتي

المشاركة الأصلية كتبت بواسطة medo_2060

هههههههههه
دا كفايه موضوع الزمالك بتاع امبارح الى اتقفل بدون مبرر عشان الاخوه الزملكاويه دمهم بس مايفورش
يلا جبتلكوا قصه جديده عشان الايقافات تزيد
هههههههههههههه

يااه
للأسف اني مش متابع كرة خاالص
وبعدين
مهو في ناس برضوا بتقول ان الكورة حرام !!

[QUOTE=korkor;3872890559]

المشاركة الأصلية كتبت بواسطة tameraast

ههههههههههههههههههههههههه ه و انا راشق يا مان [/QUOTE
طيب خلى بالك بقى لحسن الاجتماعى ده اكتر حته فى انذارات وتحذيرات ووقف وخناقات برده

ربنا يستر

المشاركة الأصلية كتبت بواسطة Abdo_Eldesokey

خناقة ليه بس .. أنا مش بتاع خناق

الموضوع مجرد مناقشة ودية عشان إحنا هنا كإخوات لازم نخاف على مصلحة بعض

ولا أنا
والأختلاف في الرأي لا يفسد للود قضية

المشاركة الأصلية كتبت بواسطة Donzi

بغض النظر عن الخناقة اللي ممكن تحصل

شكرا على اللينك

و ربنا يهدينا جميعا

مفيش خناق ولا حاجة.

العفو

آميييين

المشاركة الأصلية كتبت بواسطة korkor

هو بس لو فى حد مش واخد باله دى اذاعه اسمها عمرو دياب fm مش لازم بتكون بتعرض مزيكا بس امبارح شغلتها وكان فى برنامج شغال عادى يعنى ولا الراديو كمان حرام

شكرا على زياده الإيضاح
أنا فعلا ماكنتش عارف هي فعلا ع ال FM ولا لأ

المشاركة الأصلية كتبت بواسطة timtim

قال رسول الله صلى الله عليه وسلم: { من دعا إلى هدى كان له من الأجر مثل أجور من تبعه لا ينقص ذلك من أجورهم شيئا ، ومن دعا إلى ضلالة كان عليه من الإثم مثل آثام من تبعه لا ينقص ذلك من آثامهم شيئا }

أوك
نتناقش في مسألة تحريم الأغاني

من وجهة نظري
انا مقتنع ان الأغاني مش حرام (أنا باتكلم على الأغاني اللي أنا باسمعها)
لأنها لا تحرض لا على فتنة, ولا على فجور (أنا مش حاطط لينك قناة فيديو كليب مثلا)
سماع الأغاني مجرد تسلية في طريق, أو ونس وانا قاعد لوحدي , أو وانا بأشتغل حتى
ده غير ان زي ما بسمع أغاني
برضوا "الحمد لله" باسمع واقرا قرآن كتيير
وساعة الآذان لا يمكن تكون في أغاني شغالة
ومحافظ على صلواتي في أوقاتها

فبعد كده مابقتنعش ان حد يقولي "الأغاني حرام"
ولك تحياتي