من أول ما جبت العربيه و أنا بفكر في نوع البنزين الي ححطه 92-95-90 و كله بسعره المهم بدأت أجرب أول ما جبتها فولت 92 و كان أداء حكايه او بعد كده حطيت 92 تاني العربيه أدائها قل بطريقه ملحوظه و بتسحب بنزين كتير قلت يا سيدي فوت أدينا بنلين المهم عديت التليين و كنت حاسس العربيه مخنوقه أوي من البنزين كان نفسي أعرف السبب الى خلاها في الأول أحسن و ال92 كويس معاها بعد دعبسه على النت عرفت أن العربيه بينزل فيها بنزين 98 و هي جايه من بره المهم قلت أجرب ال 95 في التفويله الجايه أغلي بس حجرب دي مره مش حاجه المهم توكلت علي الله و رحت مفول 95 من بنزينه توتال حسيت العربيه أحسن شويه مش أوي طلعت بيها مشوار الساحل و جيت منت ملاحظ العربيه بتتحسن و أنا ماشي و المفاجئه أستهلاك البنزين بيقل و بعد كده قلت حجرب التفويله الجايه تاني لقيت العربيه حسن و أحسن و مش بتسحب بنزين برده و من أكتر مظاهر تحسن الاداؤ أني كنت بشغل و بفصل التكييف و فعلا مش بحس بيه خالص مالوش أي تأثير مش زي ال 92 تحس العربيه أتكتمت المهم بالنسبه للاستهلاك وده الاهم حكلم علي ال 92 كانت بتستهلك 11 ليتر و ده على العداد او الكومبيوتر و ال 92 أول مره قل وصل ل 9.6 و ده كان علي الطريق و في نصف البلد 10 لتر 9.8 برده دي قرايت الكومبيوتر و دلوقتي بعد ما نضفت الرشاشات من بقايا ال 92 السئ الموجود في مصر المفاجئه 8.6 لتر في وسط البلد و التكييف شغال و على الطريق 7.8 برده و التكييف شغال و تحس العربيه فايقه جدا
نيجي بقي للناس الي حتقول ال 95 غالي أحسبها كده لو أنت فولت 40 لتر 95 لتر ب 110 جنيه حتكشي بيهم 470 كم
نيجي للبنزين ال 92 لو قلنا 40 لتر 92 ب 70 جنيه و حتجبلك كا تفيلتين محسن أداء و منظف رشاشات ب 30 جنيه تبقى التفويله واقفع ب 85 جنيه تمام حتمشي بيهم 400 كم طيب ال70 كم دول لو حسبناهم حنلاقيهم ب 10 لتر مثلا يعني ب17.5
يعني أنا لو حمشي 470 كم ب 95 حيكلفوني 110 جنيه و حاخد الاداء الي عايزه و محافظ علي نظافه الموتور و مش بلجأ لمواد صناعيه أضافيه مش واثق فيها و واخد السحب المظبوط للعربيه و مش واجع دماغي في حسابات و المره دي حجيب مش عارف ايه و كده
و لو حمشي نفس المسافه ببنزين 92 حدفع 97.5 يعني فرق 10 جنيه هل اللمبلغ ده حيكون سبب كخاطرع للموتور و وجع قلب و دماغ و لو حطين بنزين سيء أضيع يوم في التوكيل علشان الشيك بتاع الموتور نور
و خلي بالكو ده حساب الكومبيوتر يعني لو حسبتها مانيوال حتلاقي الفرق أكبر بكتير