بادج كامبرو مش عندي ؟

**bassem.naguib** · 28-07-2010 02:43 PM

المشاركة الأصلية كتبت بواسطة powerofhelll

دي كلها شكليات

1+
حتفرق في أيه موجود ولا مش موجود

**K3A** · 28-07-2010 03:58 PM

المشاركة الأصلية كتبت بواسطة tutankhamoun

بادج الكامبر يا جماعى أتشال من موديلات 2009 و 2010 و الكلام ده موحد على كل الموديلات
أي عربية عليها البادج ده تبقى قبل 2009 .......... الكلام ده موحد في العالم كله ( في انجلترا كمان و ماليزيا )

حتى السي بي أس ............. بتنزل و عليها حروف سي بي أس بالأنجليزي فقط لا غير و مفيش كلمة كامبرو .

ده صحيح لان الموتور في الموديلات دي مهواش cam pro العادي ...
هو معدل سواء iafm او cps

**م.محمد مختار** · 28-07-2010 11:35 PM

المشاركة الأصلية كتبت بواسطة tutankhamoun

السلام عليكم و رحمة الله و بركاته
أولا أنا مع حضرتك تماما إن المفروض اللي يتكلم على حاجة و خصوصا لما يكون بيتكلم بالطريقة اللي أنا كنت بتكلم بها يكون متأكد من كلامه علشان مصداقية المعلومات .
و لكن أنا فعلا كنت متأكد جدا من كلامي علشان العربيات من موديل 2009 .... قالوا في ماليزيا أن مش هاتنزل ببادج الكامبرو تاني و أكتفوا بعلامة 1.6 فقط .

ممكن يكون الناس في ماليزيا طالبتهم برجوع البادج مرة تاني علشان بصراحة شكله حلوا قوي .

على فكرة أنا برضه مستلم جين 2 موديل 2010 أول شهر 5 تقريبا و برضه مكنش عليها البادج .
و حاجة كمان ....... كل موديلات 2009 ....... مفيهاش البادج .

عموما حصل خير ....... و كل سنة و الجميع بخير ....... و كل بادج و أنتوا طيبين

انت مش محتاج تعريف يا توت وانا متأكد من أنك مش من الناس اللي بتفتي من غير علم....
بس حظك جت فيك (أصلي مبقوق من كام واحد كده بيفتوا و بيلخبطوا الناس) بس صدقني انت سجلك مش محتاج شهادة واحد زيي لأنك كنت من الناس اللي أقنعوني بالسيارة دي بموضوعيتهم وعدم مبالغتهم في المدح او الذم...
و بنتهز الفرصة دي علشان أشكرك...

متزعلش مني يا توت

وبصراحة..... البادج حلو رغم انه حاجة تافهة .. بس زعلت جدا لما معت انه اتلغى قبل ما اشتري و فرحت جداً جداً لما لقيته على سيارتي وانا باستلم!!

**be7ee** · 29-07-2010 04:03 AM

البادج متلاغاش

انا معيا 2010 وانا لسة بتفرج في التوكيل مكنش موجود وسئلت لية و موصلتش لسبب محدد المهم لما جيت استلم
وكنت سعتها بستلم في دفعة لسة جية لقيت البدج موجود وفرحت اوي سعتها

2010 فية عربيات عليها البدج وعربيات لا وتعددت الاقاويل وحدش عارف السبب لية برضو

وكان فية موضوع بيتكلم علي القصة دي من كام شهر

**khaledmontero** · 29-07-2010 08:44 AM

انا عربيتى 2010 اتوماتيك اشتريتها فى 12/2009 وماكنش فيها البادج ... بالتالى اعتقد ان البادج نزل فى الدفعات اللى بعد كده ... المهم بقى اللى عاوز يشترى البادج ده يجيبه منين وبكام ؟؟؟

**Mohamed.Kader** · 29-07-2010 11:12 AM

السلام عليكم
نصيحة بس ليكو متدوروش على حجات تدفعكوا كتير في نقطة من وجهة نظري كماليات الكماليات المصاريف قودام على العربية بأرقام متتخيلهواش أستمتعوا بالعربية دلوقتي من غير ماتدفع حاجة في إضافات مش هتحس بقيماتها علشان متحسش أن العربية مصاريفها كتير من يوم ما جيبتها
(مثال توضيحي مش أكتر الباكتة اللي في تلت الباب التحتاني ركنت حبة في الشمس فلزق اللي مسكها فك ركنتها في الشنطة يوم لغاية ما أركبها جيت تاني يوم علشان أركبها لقيتها حصلها تشوة وإنكماش غريب لغاية كدا مش مهم نيجي بقى لتمانها لأني هشتريها لتاني مرة أول مرة كانت بـ 100 جنية من 7:8 شهور المرة دي بقى بكام ولا المزاد اللي يقول رقم صغير ومش موجودة مثلا واحد قاللي بـ 90 جنية ومش موجودة وهكذا لغاية مالقيتها وجبتها بـ 175 جنية جديدة بيكسها ولما كلمت التوكيل ماكنتش موجودة وكان سعرها تقريبا 135 جنية)
علشان كدا بقولوكوا ماتصرفوش كتيييييييييييييييييييير دلوقتي أةة صحيح وقولت بقى طالما خربانة خربانة جبت مسمار الميزان كمان بــ 50 جنية